Emakumeak borrokan

AHTren aurka eta tren sozialaren alde, larunbat honetan manifestazioa egingo dute Gasteizen

  • Larunbat eguerdian izango da orain dela hilabete batzuk Arabako hiriburuan iragarritako manifestazioa. Antolatzaileen esanetan, "proiektu guztiak hasi gabe daude eta garaiz gabiltza gelditzeko".

Hala Bedi @halabedi
2019ko maiatzaren 15a
Eragile ugarik egin du bat AHTren aurkako manifestazioarekin (argazkia: Hala Bedi).

Urtebete igaro da Espainiako Sustapen Ministerioak Arabari zuzenean eragingo dizkioten AHTren hiru proiektu ezagutarazi zituenetik: Euskal Y Iruñearekin lotzeko asmoarekin, Arabako Lautadari eta Gasteizko ekialdeari eragingo dion azpiegitura; Burgos eta Gasteiz arteko eremuan, Arabako Haranetan eta Gasteizko mendebalean dauden eremuak kaltetuko dituena; eta, azkenik, Logroño eta Miranda arteko lineak, ondorio larriak eraginez Bastidan, Zanbranan eta Buradon Gatzagan.

Urtarrilean, Gasteizen AHT sartzeko proiektua aurkeztu zen, udalerriko 14,3 kilometrotan eragina izango duena, hauetatik 3,6 kilometro lur azpian eraikiz. Besteen artean, inpaktu handia izango luke Krispiña, Zabalgana, Ali, Borinbizkarra, Salburua, Arkaiate, Arkaia, Arkauti, Ilarraza, Jungitu eta Zurbaon. Proiektu berean, lau errailetako bide bat aurreikusten da, hiri erdian.

Aurrekontua ere ez da makala: 4.500 eta 6.000 milioi euro inguru proiektu hauek egiteko. Hori, beti obra hauek izaten dituzten gainkostuak kontuan hartu gabe.

Txanponaren beste aldean, gero eta jende gehiago agertu da proiektu hauen aurka eta horren erakusle dira Arabako eskualde ugaritan sortutako plataformak, modu bateratuan Gasteizen agerraldia egin dutenak maiatzaren 18ko manifestazioa aurkezteko. “Proiektu guztiak hasi gabe daude eta garaiz gabiltza gelditzeko”, azpimarratu dute. Manifestazioa, gainera, hauteskunde kanpainan kokatu dute, nahita, “funtsezkoa iruditzen zaigulako gai hau kanpainaren erdian egotea eta Araban eraiki nahi dituzten proiektuei dagokienez alderdi politikoekin konpromiso bat lortzeko lanean ari gara”.

Larunbatean San Anton plazatik 12:30ean aterako den manifestaziorako atxikimendu ugari lortu dituzte dagoeneko antolatzaileek: Lautadako Udal eta Kontzeju guztiak, Zanbrana, Lantaron, Manzanos, ELA, LAB, ESK, STEILAS, UAGA, Arabako Emakumeen Asanblada, Arabako Pentsionistak lanean, Gazte Mugimendua, Berriztu, Klimaren Aldeko Mugimendua, Gasteizko 10 auzo-elkarte baino gehiago…

Manifestazioaren ostean, herri bazkaria eta jaialdi bat egingo dute Gasteizko Alde Zaharreko Auzolana Pilotalekuan: zirkoa, puzgarriak, ipuin kontalariak eta kontzertuak egingo dira. Manifestazioaren sustatzaileek argi dute: tren publiko eta sozialaren aldekoak dira.

Trena bai, baina soziala eta publikoa

Maiztasunak handitu daitezela eta egungo azpiegiturak egokitu daitezela eskatzen dute, hirugarren haria ezarriz (Astigarragan eta Irunen egiten ari diren moduan).

Europako Garraio Batzordeak baieztatu du Espainiako Estatuan, abiadura handia ez dela bateragarria salgaien garraioarekin. Halaber, Europako Kontuen Auzitegiak dio AHTren linea berriak gainkostu eta atzerapen larriak jasaten ari direla.

Eusko Jaurlaritzak egindako ikerketa baten arabera hiriburuen arteko joan-etorriak %1 baino gutxiago dira eta, Frantziako Estatuan, abiadura handiko trenetan egiten diren bidaien estatistikek erakusten dute errenta handia duten pertsonek erabiltzen dutela tren mota hau.

Albiste hau Hala Bedik argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Abiadura Handiko Trena  |  Gasteiz

Abiadura Handiko Trena kanaletik interesatuko zaizu...
2019-05-14 | Xabier Letona
AHTaren gaia kanpainara ateratzeko deia egin die Sustrai Erakuntzak alderdiei

Abiadura Handiko Trenaren gaia jorratzea funtsezkoa da elkartearentzat, herritarrentzat giltzarri baita jakitea zein tren zerbitzu izango duten Nafarroan etorkizunean.


2019-04-02 | ARGIA
Hernani eta Astigarraga arteko AHTren obrak abian, 47,3 milioi euroko kostuaz

2012an hasitako obra lanen bigarren fasea abiatu dute, eta jarritako epearen arabera hiru urte eta bost hilabeteren buruan lanek amaituta egon beharko lukete.


2019-04-01 | ARGIA
Milaka lagun Altsasun AHT proiektuaren aurka eta tren sozialaren alde

Nafarroako Abiadura Handiko Trenaren aurkako mugimenduak manifestazio jendetsua egin zuen joan den larunbat arratsaldean Altsasun, oraingoan Sakana Trenaren Alde taldeak deituta.


2019-03-29 | Guaixe .eus
"Hondamendiaren aurrean, egungo trena hobetu"

Mobilizazioa antolatu dute martxoaren 30ean “Tren soziala bai, AHT gelditu. Respetad la voluntad popular” lelopean, Altsasuko suhiltzaileen parketik abiatuko da 18:00etan.


2019-03-27 | Guaixe .eus
"AHT-k Sakanako bailara desegituratuko du"

Sakana Trenaren Alde, AHTrik ez! taldeak, larunbatean 18:00etan eginen den manifestazioa aurkeztu du.


2019-03-26 | Ahotsa.info
AHTren aurkako ikurrak etxeko balkoietan jartzeko deia zabaldu dute

'Jartzazu-Jarriezu' kanpainaren bidez Mugitu! Mugimenduak gure etxeko leiho zein balkoietan AHTarekiko aurkakotasuna adierazten duen edozein bandera ipintzera dei egiten du.


2019-03-11 | ARGIA
Frantzia eta Italia arteko Lyon-Turin AHTa krisian: Italiak obren lehiaketa atzeratu du

Italiako gobernuak atzeratu egin du Lyon eta Turin Alpeak zeharkatuz lotuko lituzkeen Abiadura Handiko Trenbide berrirako obren lehiaketa. Tirabira handiak daude Erromako gobernua osatzen duten bi alderdien artean eta oraingoz azken erabakia atzeratzearekin moldatu dute krisia.


2019-03-01 | Mikel Asurmendi
Abiadura Handiko Trenak bide-gaitza du Bidasoan

TAV eta LGV bi sigla eta erran-nahi bera: Abiadura Handiko Trena (AHT). Irun-Hendaia-Hondarribian, ataka gaitza dauka proiektuak. Trena Akitanian beheiti aise heldu da, Baionatik beheiti nekez, eta Bidasoan, artean gauzatu gabe. Obraren gauzapena motel garatzen ari da.


Tren sozialaren alde kaleak bete dituzte Tafallan

Tren sozial baten alde! AHTrik ez! leloa zabaldu zuten, Erdi Aldea Trenaren Alde taldeak antolatuta.Trenbideak hobetuta, abiadura handikorik egin gabe, zerbitzu ona eman daitekeela argudiatu zuten.


2019-02-14 | ARGIA
AHTaren aurkako manifestazioa egingo dute Tafallan larunbatean

Abiatu Handiko Trenbideetan minutuko bateko denbora aurrerapenak 369 milioi euro balio du. Europako Kontuen Ganberak AHTko europar sareaz 2018an egindako txostenaren ondorioetako bat da hori. Aholkuen artean ganberak azpimarratzen zuen hobe zela dirua inbertitzea ohiko trenbideak hobetzen.


Azkenak
EGILEA
Eguneraketa berriak daude