AHT 2018a baino beranduago jarriko da martxan

  • Abiadura Handiko Trena (AHT) gutxienez 2018ra arte ez dela martxan izango adierazi du Ana Oregi Eusko Jaurlaritzako Ingurumen sailburuak. Gipuzkoako zatia 2016rako prest izango dela dio, baina Bizkaiko eta Arabako lanak atzerapen handiarekin doazela gaineratu du.


2013ko otsailaren 14an - 00:00
Azken eguneraketa: 2015-02-26 13:37:33
Gipuzkoako lanak aurreratuago doaz Araba eta Bizkaikoak baino (Argazkia: Eusko Jaurlaritza)

Ingurumen Sailaren lan ildoen berri eman zuen atzo Oregik Eusko Legebiltzarrean. AHTri dagokionez, azaldu zuen Eusko Jaurlaritzak kudeatzen duen Gipuzkoako zatiko obra zibilak 2016rako amaituko dituztela, beharrezkoa izango den arren ondoren beste lan batzuk egitea, trenbideak egokitzea, esaterako.

Bizkaiko eta Arabako zatiak Espainiako Gobernuak kudeatzen ditu, eta hari egotzi dio Oregik obren atzerapena. Espainiako zein Frantziako gobernuei eskatu die euren konpromisoei heltzeko, "2019 edo 2020rako Lisboa-Madril-Hendaia-Paris linearekin gozatzeko aukera izan dadin".

Pasaiako portua eta Donostialdeko metroa

Beste hainbat azpiegiturari buruz ere hitz egin zuen atzo Oregik. Pasaiako kanpo portuaren aurkako jarrera berretsi eta lehentasuna badia "biziberritzeak" duela esan zuen. Bestalde, gaur gaurkoz Donostialdeko Metroaren proiektua bideraezina dela gehitu zuen.


Kanal honetatik interesatuko zaizu: Abiadura Handiko Trena
Larunbatean manifestazioa egingo dute Altsasun: "Trena benetako garraiobide bihurtu dadin"

AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]


Baskoien beste herrixka baten aztarnak aurkitu dituzte Nafarroan eta AHTren lanek suntsitu ditzaketela salatu dute

Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela.  Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.


Julio Villanueva (AHT Gelditu)
"Abiadura Handiko Trenik gabeko Nafarroa posible da"

Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]


Iñaki Arriolak dio AHTren lanak amaituta ikusteko oraindik "urtetxo" batzuk beharko direla

Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]


AHT eta tren sozialerako egungo trenbidea egokitzea eskatu dute Altsasun

Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]


Eguneraketa berriak daude