Iragan asteazkenean Hogar Seguro Virgen de la Asunción zentroan (Guatemala) gertatutako sutearen biktimen zifra berrogeira igo da, eta kausak oraindik ez dira argitu. Herritarrek informazio gabezia salatu eta gertatutakoari buruzko azalpenak exijitu dituzte.
Jimmy Morales Guatemalako presidenteak elkarrizketa batean adierazi du ezbeharraren egunean neurriak hartu zituztela “gazteen arteko istiluak saihesteko”, eta hauetako bat “giltzapetzea” izan zela. Lekuko batzuek ere antzeko bertsioak eman dituzte, baina oraindik ez da ezer konfirmatu. Presidenteak “pazientzia” eskatu du, gertatutakoa ikertzen ari direlako.
Dirudienez, sutearen aurreko orduetan gazte batzuk ihes egiteko saiakera egin zuten, tratu txarrak eta sexu gehiegikeriak salatu ostean. Ustez, haiek piztu zuten sutea, protesta moduan.
Zentroa Guatemalako Gobernuaren ardurapean dago. Gizarte Ongizateko Idazkariak tragediaren erantzukizuna bere gain hartu du, baina kargua uzteko aukera alde batera utzi du. Jimmy Moralesek hiru eguneko dolu nazionala ezarri eta zentroaren zuzendariaren kargugabetzea agindu du.
“Sarraski bat izan da”, adierazi du Hilda Morales Haurtzaroaren Giza Eskubideen prokuradoreak, eta arduradunen aurkako ikerketa bat eskatu du. Biktimen senideek azalpenak eskatu dituzte: “Gure alabei zer gertatu zaien jakiteko eskubidea dugu”, adierazi du ama batek.
Adingabeen zentroak 400 pertsonentzako ahalmena dauka, baina 800 bat gazte ostatatzen ditu, horien artean etxeko indarkeriaren biktimak, delitugileak edo bizitokirik gabeko adingabeak. Zentroaren aurkako salaketak jarri izan dituzte beste batzuetan, tratu txarrengatik.
Inbestidura ekitaldia hamabi orduz atzeratu da, Kongresuak ohiko lege-prozedura batzuk atzeratu dituelako eta Bernardo Arevalo agintera ez iristeko azken momentuko saiakera batzuk egon direlako. Arevalok “autoritarismoaren” aurkako mezua helarazi du.
Melvin Picón (Coban, Guatemala, 1979) maia q'eqchi' komunitatekoa da, eta Guatemala iparraldeko Alta Verapaz departamendutik etorri da Euskal Herrira, Mugarik Gabe gobernuz kanpoko erakundearekin elkarlanean. Jatorrizko herrien defentsarako hamaika elkarte eta... [+]
Guatemalako fiskaltzaren helburua da hauteskundeak irabazi zituen Bernardo Arevaloren kargua hartzea eragoztea. Arevalok “ustelkeria amaitzea" hitzeman zuen.
Cristina Chiquín Rodríguez argazkien bidez komunikatzen da: zer da emakume guatemaldarra izatea? Horren bilaketan datza Bilboko Bira kulturgunean aurkeztu duen erakusketak, La búsqueda (Bilaketa), izen bereko liburuaren lagin bat. Lagun Artean GKEaren bidez... [+]