Adi faxismoarekin
Munduan 2007tik gaurdaino bizi dugun krisi sistemikoa gainean dugula, beldurgarria da The Great Trasformation irakurtzea: gaur egun parekotasun gehiegi ematen dira 1929ko krisiaren aurreko Europarekin. Kapitalismoak zaldi zoroa dirudien honetan, liburuaren tesiak inoiz baino gaurkoagoa dirudi: merkatu ekonomiak pertsonaren eta bere ingurune naturalaren hondamendia dakar. Besteak beste, argi bezain ongi azaltzen du kapitalismoaren noraezaren aurrean sortu zela faxismoa, merkatu ekonomia bideratzeko, bidenabar pertsonaren eskubideak eta askatasuna birrinduz.
XVIII. mendeko Ingalaterran ematen den merkatu ekonomiaren sorrera eta garapena aztertzen ditu egileak. Gizarte modernoaren ardatz bihurturik, betikoa ematen du liberalismo ekonomikoak, baina ez, historiari begira, berria bezain suntsigarria dela erakusten digu 1944an idatzitako liburu honek. Eta suntsitze horren aurrean, gizarteak protekzionismoa sortzen du babes gisa –tartean ongizate estatua–, suntsitu-berregin etengabeko dinamika eraginez. Sozialismo kristauaren orbitan kokatzen dute Karl Polanyi eta lan hau kapitalismoaren barrenak marxista ez den ikuspegi batetik ezagutzeko aukera bikaina da.
EGILEA: Karl Polanyi
Beste erdaretan: La gran transformación (es) | La Grande Transformation (fr)
Farrar & Rinehart, 1944
336 orrialde
Hamaika gaiez jardun daiteke katedradun arabarrarekin. Elkarrizketa honetan batez ere Euskal Herriko autogobernua, Katalunia eta hari egindako epaiketa, eta euskal presoen gaia jorratu ditugu. Bere ustez, Espainia nabarmen ari da egiten estatu autoritario baterantz.
Agorrilaren 25, 26 eta 27an G7aren goi-mailako bilera egingo dute Biarritzen. Nazioarteko politikan aditu Asier Blasek gailurraren nondik norakoak analizatu ditu. II. Mundu Gerran sorburu izan zuen egungo kapitalismo liberalaren kontrako protestak antolatu dituzte... [+]
2001ean euskal mendizaletasunean gertaturiko tragedia batetik abiatuta, munduko gailur handienak dauden lurretako herritarren sufrimendu eta esperantza ere erakusten digu Pumori, mendiaren alaba dokumentalak, himalaismoan askotan ezkutuan geratzen den hego aurpegia.
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]
