Absolbitu egin dute sarean iritzia emateagatik auzipetutako Prieto gazte barakaldarra

  • Astelehen arratsaldean ezagutu du Kaiet Prieto gazte barakaldarrak epaiketaren sententzia: absolbitu egin dute.

ARGIA @argia
2018ko otsailaren 07a
Kaiet Prieto Espainiako Auzitegi Nazionalean deklaratzen sare sozialetan iritzia emateagatik.

Gazteak poztasuna adierazi du sare sozialetan. Hala ere, epaia oraindik ez da irmoa, fiskaltzak errekurtsoa egiteko aukera baitu.

Prietok eskerrak eman ditu jasotako elkartasunagatik eta eskerrak eman dizkio bere abokatuari ere. Gainera, gogoan izan ditu zigortuak izan direnak eta epaiketaren zain daudenak.

Herrikolore webguneak jaso du gaztearen oharra:

"Nire abokatuak deitu berri nau sententzia igorri dutela komentatzeko. Absolbitu egin naute, baina oraindik fiskaltzak errekurritu dezake. Baina lehenengo pauso bat da, borrokatuz gero irabazi daitekeela erakusten duena!

Eskerrik asko guztiei zuen elkartasunagatik eta batez ere Olarieta nire abokatuari, epaiketan egindako defentsa ikaragarriagatik!

Baina ezin dugu ahaztu adierazpen askatasunaren kontrako ehundaka kasu daudela oraindik. Hemendik besarkada handi bat Juleni, igandean espetxeratua izango dena errotulki batekin pintada bat egiteagatik".

Prieto "Armiarma" operazioan atxilotu zuten 2015ean, besteak beste herrikide duen Andeka Juradorekin.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Adierazpen askatasuna  |  Barakaldo

Adierazpen askatasuna kanaletik interesatuko zaizu...
Poeta palestinar bat espetxeratu du Israelek Facebooken olerki bat idazteagatik

Darin Tatour poeta palestinarrari bost hilabeteko espetxe zigorra eta sei hilabeteko inhabilitazioa ezarri dizkiote, Israelen okupazioa salatzen duen olerki bat Facebooken idazteagatik, Maan berri agentzia palestinarrak argitaratu duenez. Epaile israeldarrek "erakunde terrorista gorestea eta sustatzea" egotzi diote.


2018-07-22 | Axier Lopez | ARGIA
20 urtez adierazpen askatasuna jo-puntuan

“Goizero-goizero amosal bonba txiki batek, 50 bat gramokoa, eztanda egiten du Euskadin: Egin egunkaria”. Hala zioen Eusko Jaurlaritzako Barne Sailburu Juan  Mari Atutxak 1996an, gaur egun arte luzatu den ‘Dena da ETA’ teoriari ateak irekiz.


Adierazpen askatasunaren alde kalean pintaketak egiteko dei egin dute

Uztailaren 21 eta 22an kalera atera zentsurari aurre egiteko deia zabaldu dute No Callarem plataformak sustatuta. #FaltanPintadas du izena ekimenak.


2018-07-05 | ARGIA
Interneteko edukiei galbahea jartzeari buruzko erabakia irailera atzeratu du Europak

Sare sozialetan izandako kritiken ostean, Europar Parlamentuak atzera bota du egile eskubideen inguruko zuzentaraua erreformatzeko egindako proposamena eta irailera atzeratu ditu testuaren inguruko negoziazioak.


2018-07-05 | ARGIA
'Valtonyc' kantaria aske utzi du Belgikako justiziak

Josep Miquel Arenas Valtonyc abeslaria behin behinean libre geratu da Flandriako epaitegi baten aginduz, inolako kautelazko neurririk gabe.


'Fari˝a' berriz salgai: liburua bahitzeko agindu zuen auzitegi espainiar berak baimena eman du orain

Madrilgo Probintzia Auzitegiak otsail honetan agindu zuen  Nacho Carretero kazetari galiziarraren Fariña liburua bahitzeko, PPko alkate ohi batek narkotrafikoarekin izandako harremanaren berri ematen zuelako. Ia lau hilabete geroago, epaitegi berak kendu egin du liburuaren aurkako kautelazko neurri hori eta berriz ere liburu-dendetan saldu ahal izango da.


2018-06-21 | ARGIA
Francoren Meirasko pazoan sartzeagatik salatu dituzten 19 lagunen aldeko elkartasun kanpaina abiatu dute

Francisco Franco diktadorearen Galiziako pazoan sartu ziren 2017an hainbat lagun, kolpe faxistaren ondorioz lapurtutako ondarea herritarren eskuetara itzul zedila aldarrikatzeko. 13 urte arteko kartzela zigorra eskatu dute haietako bakoitzarentzat.


2018-06-14 | ARGIA
SAT sindikatuko buru Oscar Reina atxilotua, sare sozialetan espainiar erregea "iraintzeagatik"

Oscar Reina Sindicato Andaluz de Trabajadores-eko (SAT) idazkari nagusia atxilotu egin zuen asteazken arratsaldean Guardia Zibilak Gilena herrian, Sevillako 4. Instrukzio epaitegiaren aginduz, “Koroaren kontrako gorroto irainak” egotzita.


2018-06-07 | Baleike
Altsasuko gazteen epaia salatzeko pintadak gaitzetsi ditu Zumaiako udal gobernuak

Zumaiako udal gobernuak bere desadostasuna adierazi du Altsasuko gazteen epaia salatzeko pasa den astean herrian zehar egin ziren pintadekin. Horren harira kexa ugari jaso dituztela ere azaldu du.


Azkenak
EGILEA
Eguneraketa berriak daude