ARGIA.eus

2020ko ekainaren 02a

Abiadura Handiko Trenak merkantziarik ez duela garraiatuko erakutsi du Sustrai fundazioak

  • Abiadura Handiko Trenak ez du garraiatuko merkantziarik, horixe da Sustrai fundazioak plazaratu berri duen ikerlanak ("La Alta Velocidad ferroviaria y el transporte de mercancías, análisis de su problemática") eskaintzen duen ondorio nagusia. Sustraik Nafarroako AHTan zentratu du bere azterketa, baina testu barruan irakur daitekeenez EAEkoak ere arazo berekin egingo du topo.

ARGIA @argia
2019ko abenduaren 09a
AHTaren bide berria urratzeko lanak Nafarroako Erriberan. (Argazkia: Noticias de Navarra)

AHTarentzako trenbide berriak gizartean eragiten duen ezinegonari aurre egiteko agintariek sarritan aipatu dute bidaiariez gain merkantziak ere hobeto eta azkarrago eramango dituela tren lasterrak. Hori propaganda hutsa da, Sustraik plazaratu duen azterlanak dioenez. "[Nafarroako] gobernu guztiek sustatzen dute azpiegitura hau, modernitatearen argudioarekin, esanaz bidaiariak bezala merkantziak garraiatuko dituela. Alabaina, egin dugun ikerlanak frogatzen du oso zaila izango dela AHTak garraiatzea merkantzia kopuru esanguratsu bat, ez baldin bada paketeria soila. Horri gehitzen badiogu bidaiariak erakartzeko daukan aurreikuspen txikia, Nafarroan eraikitzen ari diren korredoreak ez dituelako hiri handiak lotzen, ohartuko gara aurrean daukaguna dela ingurumen suntsiketa larri bat inolako justifikazio sozio-ekonomikorik ez duena". Sustrairentzako, merkantzientzako balioko duela eta esandakoak ez dira publizitate hutsa baizik.

AHTaren trenbide berria, zehazki Nafarroakoa, baina baita EAEkoa ere Espainiako Estatuko gainerako tren laster guztiak bezala, diseinatuta dago bidaiariak hiritik hirira arinen garraiatzeko eta inondik ere ez merkantzia astunak eraman behar dituzten tren luzeentzako. Diseinu horrengatik da ia ezinezkoa bidaiarien eta markatzien trenek bide berak partekatzea. Sustraik aipatu dituen iturri ugarik aspalditik nabarmendu dituzte batera ezintasun horiek, bai AHTaren kontrakoek eta baita proiektuaren aldekoek ere, tartean patronalek, logistikako adituek eta, Nafarroaren kasuan... baita AHTa sutsuki bultzatzen duten agintariek ere.

Horrela, dio Sustraik, Nafarroako AHTaren zuzendaritza daraman partzuergoak 2017k daki lurraldeko industriarik inportanteena den Volkswagen konpainiak aurrerantzean ere Landabenen ekoiztutako autoak lehengo trenbide zaharretik garraiatzen jarraituko duela.  "Bitartean, murgilduz goaz krisi garaietan, klimaren krisian eta energiazko baliabideen krisian, eta krisiok behartzen gaituzte azkar bilatzera irtenbideak garraioari, erregai fosilak baztertu eta berriztagarriak erabiliz. Eta hau betiko trenak egin dezake, ez beste ezerk, efizientziaz eta efikaziaz. (...) Ikusten dugu justu kontrako norabidean daozela administrazioen ahaleginak, izan Estatuarenak, Nafarroako Gobernuarenak edo Iruñerriko Mankomunitatearenak".

Sustrairen txostena osorik hemen irakur daiteke.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Abiadura Handiko Trena

Abiadura Handiko Trena kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude