9 urteko espetxe zigorra EAJko kide ohi Alfredo de Miguelentzat ustelkeriagatik

  • Arabako EAJko buruzagi ohi eta foru diputatua izandakoari, hainbat delitu egotzi diote; besteak beste, legez kanpoko elkartea, funtzionario-eroskeria eta influentzia-trafikoa.

     

Artikulu hau CC BY-SA 4.0 lizentziari esker ekarri dugu.

2019ko abenduaren 17an - 10:53

Miguelen kasuaren epaiketa gaur amaituko da, epaia publiko egin ostean. Epaia gaur goizean irakurtzen ari dira, saio publikoan, Arabako Probintzia Auzitegiko Bigarren sekzioan. 26 pertsona eseri dira akusatuen aulkian, Euskal Herrian orain arte izan den ustelkeria sare handieneko kide izateagatik. Besteak beste, Alfredo de Miguel, Anton Telleria eta Kolodo Otxandiano.

2018ko urtarrilaren 8an hasi zen epaiketa. Alfredo de Miguelek 29 urte eta 9 hilabeteko kartzela-zigorra eskatu diote 27 delitu egotzita, besteak beste, legez kanpoko elkartzea, eroskeria, prebarikazioa eta ondasun publikoak bidegabe erabiltzea. Azkenean, 9 urteko espetxe-zigorra ezarri diote De Migueli. Aurretik, De Miguelek ia 12 milioi euroko isunei eta hainbat inhabilitaziori ere aurre egin beharko die.

EAJk zuzentzen zituen erakundeetan esleipenak egiteko eta lizitazio horietara aurkezten ziren enpresei komisioak kobratzeko, EAJrekin zituen harremanez baliatzen zen sare bateko buruak izatea leporatzen die justiziak De Miguel, Otxandiano eta Telleriari. Hain zuzen ere, Miñaoko Parke Teknologikoa handitzeko kontratuan komisioak kobratu izana, adibidez. 2009an Ainhoa Alberdi abokatuak salatu zuen Alfredo de Miguel orduko foru diputatuak 100.000 euroko komisioa eskatu ziola bitartekari lanak egiteagatik.

Koldo Otxandiano, Gizarte Ongizaterako Institutuko gerentea eta Araba Buru Batzarreko kidea Miñaoko parke teknologikoan bertan kontularia zen. Otxandianori 6 urte eta 9 hilabeteko kartzela-zigorra ezarri diote.

Akusatuak 2018an atxilotu zituzten. Garai hartan, Iñigo Urkullu lehendakaria EAJko presidentea zen, eta alderdiari kalterik ez egiteko asmoz, alderdian baja eman zieten.


Kanal honetatik interesatuko zaizu: De Miguel auzia
2023-07-06 | Ilargi Manzanares
De Miguel eta Otxandiano burukide ohiak Arabako espetxean sartu dira

Otxandiano asteazkenean sartu da, eta De Miguel ostegun goizean. 72 orduko epea eman zien Arabako Probintzia Auzitegiko 2. sekzioak beraien kabuz espetxean sartzeko. Hego Euskal Herrian epaitutako ustelkeria politiko sare handienean parte hartzeagatik zigortu zituzten.


2023-05-30 | ARGIA
De Miguelen espetxeratzea berretsi du epaileak, ez baititu haren alegazioak onartu

Ustelkeria auziagatik kondenatuta dagoen Alfredo de Miguelek kartzela saihesteko alegazioak aurkeztu ditu, baina Arabako Probintzia Auzitegiak ez dizkio onartu, tramaren burua bera zela eta espetxean ez sartzeko aparteko arrazoirik ez dagoela argudiatuta, besteak beste. Erregu... [+]


'De Miguel' auziko bost kondenatu ez dira kartzelan sartuko

Arabako Lurralde Auzitegiak zigorra eten die bost lagunei, bi urte baino gutxiagoko kondenak dituztelako eta ez dutelako aurrekaririk. Ainhoa Bilbao eta Iratxe Gaztelu-Urrutiaren kasuan fiskaltzaren iritziaren kontra hartu du erabakia auzitegiak.


Del Miguel Auziko kondenatuei kartzela zigorra ezarri die Arabako Auzitegiak

Alfredo de Miguel, Koldo Otxandiano, Iñaki Telleria eta Xabier Sanchez EAJko buruzagi ohiei kartzela zigorra ezarri die Arabako Probintziako Auzitegiak. Era berean, 146.230,80 euro itzuli beharko dizkie Autonomia Erkidegoei.


2023-03-16 | ARGIA
Hamar eguneko epea dute "De Miguel" auziko zigortuek espetxean sartzeko

Arabako Probintzia Auzitegiak Espainiako Auzitegi Gorenaren epai ofiziala jaso du. De Miguel eta Koldo Otxandiano burukide ohiak lanpostu publikoetan lanean jarraitu dute orain arte, eta Arantxa Tapiak adierazi du kaleratu egingo dituela.


Eguneraketa berriak daude