84 talde izango dira 20. Hatortxu Rocken

  • “Inoizko elkartasun jaialdirik handiena” egingo dute asteburu honetan Lakuntzan. Lau egunez 84 musika taldek osatutako kartelean, euskal eszenako talderik garrantzitsuenez gain, espresuki jaialdirako batu diren zazpi talde izango dira.

Xalba Ramirez @xalbaram
2017ko uztailaren 26a

Jada hogei urte dira, Gabonen bueltan egiten dela Hatortxu Rock jaialdia, Iruñerrian. Euskal presoen eskubideen alde, eta dispertsioaren kontra egiten den jaialdirik handiena da. 10. urteurrena ospatzeko lau eguneko kanpaldia egin zuten 2008an, eta 20. edizioa dela-eta aurten formatua errepikatzea erabaki dute.

Hilabeteak daramatzate auzolanean dena prest egon dadin, eta gerturatuko diren ikusleentzat informazio guztia gida praktiko honetan bildu dute. Jada 5.000 lagunek eman dute izena txandak egiteko, baina oraindik 800 gehiago falta direla abisatu dute. Dei egin dute internet bidez izena emateko.

Jaialdiak urteetan zehar egindako lanari esker onez, antolatzaileek hala eskatuta, berriro batu dira zazpi talde: Kerobia, El Corazón del Sapo, Ekon, Des-Kontrol, Inadaptats, Ehun Kilo eta  Amparanoia. Hasiera batean Bizardunak taldeak ere iragarri zuen bertan izango zela, baina azken orduan ez dutela batzerik izan jakinarazi dute. Beste berezitasunen artean izango da Betagarri arabarren azken kontzertua izango dela Hatortxu honetan.

Berezia izan dadin, duela hamar urte egin zen jaialdirako kantuaren bertsioak egin dituzte Kaotiko, Mafalda, Liher, Revolta Permanent, The Guilty Brigade eta Txuma Flamarique taldeek.

Parekidetasuna erronka

Kartela iragarri zutenean sare sozialetan hainbatek salatu zuen parekidetasun falta: 84 taldeetatik 20etan soilik dago emakumeren bat.

Sare sozialetan zabaldu zen emakumerik gabeko taldeak ezabatuta geratuko litzatekeen afitxa

Hala ere, behin baino gehiagotan egin dute autokritika antolatzaileek eta irailerako HTX Rock Lilaketa jarri dute martxan, oholtza gainean emakumeen presentzia handitzeko helburuarekin. Gutxienez emakume bat izan behar dute parte hartzen duten taldeek, eta irabazleak disko bat grabatzeko aukera izango du.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hatortxu Rock  |  Euskal preso politikoak  |  Lakuntza

Hatortxu Rock kanaletik interesatuko zaizu...
2017-12-18 | Ahotsa.info
Hatortxurock XXI. edizioa arrakastaz egin zen Atarrabian

Hatortxurock XXI. edizioa arrakastatsua izan da berriz ere. Milaka lagun bildu ziren Atarrabiako karpan euskal preso eta iheslarien etxeratzea aldarrikatzeko, eta euren senideei babesa eskeintzeko. Ahotsa.inforen bideo honetan bildu dituzten irudi ezanguratsuenak.


2017-11-20 | Ahotsa.info
"Elkarrekin edozer dugu posible", HatortxuRock 20. edizioaren 20 istorio

Iñaki Alforja zine zuzendariak dokumental batean bildu du Hatortxu Rock-eko 20. edizioa  posible egin zuen auzolan erraldoia. 20 pertsonaren istorioen bitartez, zuzendari iruindarrak elkartasun jaialdiaren aurreko zein bertako bizipenak bildu ditu. Eta tituloak ederki laburbiltzen du bertan bizitakoa. “Elkarrekin edozer dugu posible”. Azaroaren 30an estreinatuko da Iruñean.


2017-10-09 | ARGIA
Abenduaren 16an egingo dute XXI. Hatortxu Rock

Astelehen honetan aurkeztu dute abenduaren 16an Atarrabiako oholtza gainera igoko diren taldeen zerrenda. “Zuek gabe… etenik ez!” lemapean egingo dute elkartasun jaialdia.


2017-08-02 | Hatortxu Rock
Hatortxu Rock 20ren balorazio publikoa
Zorionak bai, baina lan handia dugu aurretik!

Ahaztezina izango zela esan genuen, eta ahaztezina egin dugu. Denon artean egingo genuela esan genuen eta denon artean egin dugu. Etxerako bidea eraikiko genuela esan dugu eta etxerako bidea eraiki dugu. Eta eraikitzen jarraituko dugu. Balorazio oso positiboa egiten dugu hilabeteetako esperientzia honetan. Indarrez eta arrazoiz pilatuta atera gara, lanean jarraitzeko asmoz.


Pixaren iraultza 2.0

Eta halako batean Hatortxun ginen emakumeon artean begirada eta irrifar konplizeak sortzen hasi ziren, eskailera horiek igo eta bertan zegoena ikustean…


2017-08-01 | Hatortxu Rock
Mila esker Euskal Herria! Dudarik ez, lortuko dugu!

Iritsi bezala joan da Hatortxu Rock? Ez. Askoz indartsuago gaude, askoz gehiego gara. Etengabe errepikatu dugu Hatortxu Rock 20 erronka erraldoia zela eta lortu dugu. Zuei esker lortu dugu. Eta hau egiteko gai bagara, zer ez dugu egingo ba? Etxera ekarriko ditugu, noski baietz.


Hatortxu Rock 20 argazkitan

Milaka lagun batu dira Lakuntzan Hatortxu Rock ekimenaren 20. urteurrenarekin bat eginez. Ekinklik kolektiboaren argazkiak segidan.


2017-08-01 | Guaixe .eus
Hatortxu Rock 20: Kolosala izan da

Igandean agurtu zen Hatortxu Rock, Euskal Herriko elkartasun jairik erraldoiena. Azkena izan dadila, hori antolatzaileen eskaera, "Nahikoa da, denak etxera!" izan baita aldarri nagusia. Facebooken duzue jaialdiaren jarraipena.


2017-07-12 | ARGIA
Betagarri taldearen agurra: Hatortxu Rocken emango du azken kontzertua

24 urteko ibilbidearen ostean, agur esango die Betagarrik eskenatokiei Hatortxu Rock festibalean.


2017-07-04 | Hatortxu Rock
Hatortxu Rock 20, auzolana da gure altxorra
MULTIMEDIA - bideo herrikoia

Uztailaren 27tik 30era izango du Hatortxu Rockek 20. edizioa. Indarrak batuz, "euskal preso politiko, iheslari eta deportatu guztiak etxera ekartzeko, Euskal Herriak ezagutu duen elkartasun jaialdirik handiena" antolatu nahi dute.


Azkenak
EGILEA
Eguneraketa berriak daude