500.000 ale zabaltzeko asmoa dute, “munduan zehar bidaiatu dezan, mundu osoak ezagutu dezan dispertsioa zer den eta zergatik amaitu behar dugun harekin”. Aurkezpeneko bideoa ikusgai dago Sareren webgunean.

Dispertsioa jasaten duten familien errealitatea biltzeaz gain, Euskal Herriko eta atzerriko artista eta adituen ekarpenak daude liburuxkan, Igor Elortza edo Xavi Sarriàrenak tartean.

Lau hizkuntzatan irakurri daiteke: euskaraz, gazteleraz, ingelesez eta frantsesez. QR kodeak izango ditu, eta paperean egon arren, informazio birtualarekin lotura estua izango du.

Larunbatean banatu zituzten lehenengo liburuxkak gonbidatuen artean. Ale bakoitzak sarekide bilakatzeko fitxa bat izango du barruan nahi dutenentzat.