Erasoa gertatu eta berehala lau pertsona atxilotu dituzte. Bat erasoan parte hartzeaz akusatua, hiltzailea izatearen susmopean dago. Beste bi ikerketapean daude. Laugarrena libre.
Poliziaren buru Mike Bushek baieztatu duenez, arma automatikoekin egindako tiroketak Christchurcheko bi meskitatan izan dira. 49 pertsona hilda daudela esan du, eta 40 inguru zaurituta. Beraz, hildakoen eta zaurituen kopurua aldatuz joanen da. Bi meskitetan 400 pertsona inguru omen zeuden atentatuak gertatu zirenean.
Zeelanda Berriko Jacinda Ardern lehen ministroak “eraso terroristatzat" jo ditu atentatuak. “Hildakoak gure migratzaileen komunitateko kideak dira, Zeelanda Berria euren etxea da”, gehitu du.
Meskitako kideak bertako herritarrak direla adierazteaz batera, mezkita guztiak ixteko deia egin dute agintariek.
Arrazakeriari eta faxistei erreferentziak
Erasotzaileak erabilitako armen kargagailuetan hainbat idazki agertu dira. Horietan irakur daiteke migratzaileen aurkako erasoen erreferentziak, eraso arrazistak egindako hainbat pertsonen izenak eta kristauen eta musulmandarren arteko gerrak. Hainbat hedabidek adierazi dutenez, horietako bat da Josue Estebanez. 2007n Madrilgo metroan Carlos Palomino gaztea labankadaz hil zuen faxista.
Sexu-lanaren gaineko eztabaida pil-pilean dago berriro ere mugimendu feministaren barruan. Batzuek iritzi argiak dauzkate, beste batzuek ez dakite oso ondo nola kokatu. Lynzi Armstrong ikertzailea Donostian izan zen azaroan bere azken liburua aurkezten, eta haren azalpenak... [+]
Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.
Urriaren 17ko hauteskundeetan Zeelanda Berrian eutanasia eta marihuanaren kontsumoa legeztatzeari buruz erabaki zuten herritarrek. Eutanasiari dagokionez, hautesleen % 62,5ek legeztatzearen alde bozkatu du, eta % 33,8k aurka. Kalamua legearen barruan kontsumitzeaz, aldiz,... [+]
Herrialdeko barne-turismoa bultzatzeko, langileek denbora libre gehiago eta ordutegien malgutasun handiagoa izan behar dutela adierazi du Jacinda Ardernek. Herrialdean behin baino gehiagotan izan dute lau eguneko lan astearen eztabaida, eta konfinamenduan horren eraginkortasuna... [+]
68 diputatuk alde eta 51ak kontra bozkaturik, ez da gehiago Zeelanda Berriko Krimenen Legean kausitzen abortuarena. Garaipen handia, hamarkada luzeetan eskubide horren alde aritu diren feministentzako.