47 urteko langile batek besoa galdu du Abadiñoko fundizio batean izandako istripuan

  • Asteartean, 02:30 inguruan gertatu da istripua. Mantenimendu lanetan zebilela, 47 urteko barakaldoztar batek lan istripua izan du eta besoa galdu du Abadiñoko Garbi Fundizioan. Galdakaoko ospitalera eraman dute.

Anboto @anboto
2018ko otsailaren 21a
Garbi fundizioan bi lagunek galdu dute besoa denbora gutxian (argazkia: Anboto).

Ez da lantoki horretan horrelako zerbait gertatzen den lehenbiziko aldia. 2017ko abenduan beste langile batek ere besoa galdu zuen Abadiñoko fundizio bereko lan istripu batean. Kasu hartan, 31 urteko pertsona batek galdu zuen besoa.

Abenduko istripu horren ondoren LAB sindikatuak salatu zuen fundizioan lan eta segurtasun baldintza "guztiz prekarioak" daudela. Aurretiaz segurtasun baldintzak hobetzea exijitzen ibili direla ohartarazi zuen, eta istripuaren ostean enpresaren aurka egin zuen. "Euren betebeharra egingo balute, ziurrenik gaur ez genuke lankide bat larriki zauritua eta mutilatua izango", esan zuten.

Albiste hau Anbotok argitaratu du eta CC-by-sa lizentziari esker ekarri dugu ARGIAra.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Lan istripuak  |  LAB  |  Abadiño

Lan istripuak kanaletik interesatuko zaizu...
2018-09-21 | ARGIA
Bi egun, beste bi langile hilda: kamioi gidaria Galdakaon eta basomutila Gamarten

Uda honetan Euskal Herrian hildako langileen zerrenda luzeari beste bi gehitu zaizkio aste honetan. Gamarten, Donibane-Garazi ondoan, basomutilari adarra jauzi zitzaion asteazkenean. Ostegun goizean berriz, kamioi gidari bati bihotzekoak eman dio lanean ari zela autobidean, Galdakao parean.


2018-09-19 | Ahotsa.info
Behin-behineko irakasleen prekarietatea salatu dute sindikatuek Nafarroako Hezkuntza Departamenduaren aurrean

Joan den astean N-121A errepidean istripuz hildako irakaslearen heriotza salatu dute sindikatuek, Nafarroako Hezkuntza Departamentuaren egoitzaren aurrean. Ostegunean gertatu zen ezbeharra, Ataungo 26 urteko emakume bat hil zen auto istripuz, Beran, lanera zihoala.


2018-09-14 | ARGIA
Langile bat hil da Ondarroan, eraikuntza lanetan zebilela

Ostiral goizean gertatu da ezbeharra, Ondarroako (Bizkaia) Artabide kaleko eraikin batean.


2018-09-09 | Juan Mari Arregi
Lan prekarietatea, hiltzailea

Ez da normala uda betean, pasa den abuztuan, Hego Euskal Herrian lan “istripuz” zazpi pertsona hiltzea: arrantzale bat, bi kamioilari, eraikuntzako langile bat, beste bat traktoreak harrapatuta, kargarako plataforma batek zapaldutako Michelingo langilea eta Correos-ekoa. Laneko errealitate hiltzaileak hor jarraitzen du.


2018-08-30 | Nahia Ibarzabal
Lanuztea Michelinen, langile baten heriotza salatzeko

Asteartean hil zen langilearen heriotza salatzeko, enpresa batzordeak 24 orduko lanuztea deitu du ostegun goizaldeko seietatik ostiral goizaldeko seietara.


2018-08-29 | Nahia Ibarzabal
Bi langile hil dira Gasteizen, lan istripuz

Asteartean hil da plataforma jasotzaile eta hesi baten artean zapalduta gelditu zen 43 urteko langilea. Correoseko langile bat ere hil da Gasteizen motorrak furgoneta baten kontra talka egin ondoren.


2018-08-02 | Arabako Alea
Behargin bat hil da Legution izandako lan istripuan

Goiango industriaguneko Olatek enpresan gertatu da ezbeharra; garabi batekin mugitzen ari zen pieza gainera erori zaio.


2018-07-19 | ARGIA
Lan istripuak enplegua baino gehiago ugaritu ziren iaz

Osalanek emandako datuen arabera, 2017an 33.398 lan istripu izan ziren. Horietako zati handiena langilea lanean hasi eta sei hilabeteren buruan izan ohi da.


2018-07-10 | Hiruka .eus
Lankide baten heriotza salatuko dute EHUn

LAB, Steilas, CCOO, UGT eta ELA sindikatuek ordu beteko lanuztea deitu dute asteartean 12:00etatik 13:00etara. Horrez gainera, kontzentrazioa egingo dute, 12:15etik 12:45era, Leioako campuseko Mikel Laboa plazan.


2018-06-14 | ARGIA
Langile bat hil da Bilboko portuan, kamioi batek zapalduta

Asteartean gertatu da ezbeharra, Bilboko portuko Punta Luceroko harrobiko egonkortze obretan.


Azkenak
EGILEA
Eguneraketa berriak daude