ARGIA.eus

2020ko abuztuaren 11

3.000 milioi animalia hil eta kaltetu zituzten Australiako suteek

  • Historia modernoan fauna basatiaren aurka jazo den “hondamendi handienetariko bat” izan dela diote zientzilariek.

Mikel Eizagirre
2020ko uztailaren 30a

Australiako 2019ko eta 2020ko baso-suteen denboraldiak ia 3.000 milioi animalia hil edo lekualdatu zituen, ANF agentziak aditzera eman duenaren arabera. Zientzialariek hondamenak herrialdeko jatorrizko basoko bizimoduan izan duen eraginaren garrantzia azaldu duten lehen aldiz.

The Guardianek dionez, 143 milioi ugaztun, 180 milioi hegazti, 51 milioi igel eta 2.500 milioi narrasti kaltetu ziren kontinente osoa erre zuten suteen ondorioz. Sugarrak edo beroak ez zituen animalia guztiak hilko, baina zientzialariek diotenez, hasierako inpaktuari aurre egin ziotenen biziraupen-perspektibak "ez ziren hain handiak izan", jarraian iritsi diren gosea, deshidratazioa eta animalia basatien harraparitza bitarteko.

Bost erakundetako hamar zientzialariren lanean oinarritutako behin-behineko txosten batek erakusten duenez, suteen biktimen kopurua “mila milioi animalia baino gehiago” izan direla iradokitzen du. Sydneyko Unibertsitateko, Hegoaldeko Gales Berriko Unibertsitateko, Newcastleko Unibertsitateko, Charles Sturt Unibertsitateko eta Birdlife Australiako zientzialariek lagundu zuten ikerketan.

Aurkikuntzek "historia modernoko basa-bizitzaren hondamendirik okerrenetako bat" izan dela diote, txostena eskatu zuen Naturaren Mundu Funtsak (NMF) jakinarazi duenez. Suteak erraldoiak Australiako estatu guztietara zabaldu ziren joan den udan, zuhaixkak erre eta gutxienez 33 pertsona hilez. Ugaztunak, narrastiak, txoriak eta igelak ere hil ziren garretan edo habitata galtzeagatik.

Urtarrilean, krisiaren aldi gorenean, Hegoaldeko Gales Berrian eta Victorian soilik 1,25 mila milioi animalia soilik hil zirela esan zuten. Zenbaketa berriak eremu handiagoa hartzen du ordea. 11,46 milioi hektarea inguru erre baitziren irailetik otsailera bitartean.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hondamendiak  |  Australia  |  Basoen suntsiketa

Hondamendiak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude