Iñaki Garcés Beitia 1987 eta 1990 urteen artean egon zen preso lehenbiziko aldiz. 1998an Guardia Zibilak atxilotu zuen berriz ere, Gasteizen, eta inkomunikazio aldian torturatu zutela salatu zuen. Auzitegi Nazionalak 25 urteko espetxe zigorra ezarri zion Arakako (Araba) base militarrean kalteak eragitea, leherkariak edukitzea eta ETAko kide izatea leporatuta.

2018an eman zioten bigarren gradua, eta 2021eko udaberrian euskalerriratu zuten Zuerako espetxetik (Zaragoza, Espainia), Basaurikora (Bizkaia). 2022an eskuratu zuen hirugarren gradua, eta 2023ko martxoan baldintzapeko askatasuna.

2020ko abenduan, 2715 zenbakian, Espetxea COVID-19 garaian: Euskal presoen bizipenak lehen pertsonan, erreportajea argitaratu zuen argiak, pandemia garaian espetxeetan bizitakoak deskribatzen zituzten lau euskal preso politikoren gutunak oinarri hartuta. Gutun horietako bat Garcesena zen, eta bertan, Krisialdia gainditu ondoren, bidean galdutako eskubide eta bizi baldintzen artean zeintzuk berreskuratuko ditugu? titulupean, pandemiaren testuinguruan presoek zein beren senideek galdutako eskubideez mintzo zen, besteak beste. Hemen irakurri daiteke erreportajea, eta hemen Garcesen gutuna osorik.