25 kazetari atxilotu eta 'Özgür Gündem' egunkari kurdua itxi ditu Turkiak

  • Recep Tayyip Erdogan presidentea buru duen gobernuaren errepresioak ez du etenik Turkian. “PKKren propaganda zabaltzea” egotzita Özgür Gündem egunkari kurdua itxi du abuztuaren 16an, ANF News-ek argitaratu duenez. Poliziak egunkariaren bulegoa zigilatu du bertan zeuden kazetariak atxilotu ondoren. “Ez dugu etsiko” titulupean argitaratu da gaur egunkaria, errepresioak errepresio.


2016ko abuztuaren 17an - 12:07

AKP alderdiaren komunikabideek zabaldu zuten Özgür Gündem ixteko agindua zegoela abuztuaren 16an. Zana Kaya egunkariko erredaktore buruak erabakia gaitzetsi zuen ohar batean: “Salbuespen egoeraren aurretik egunkariak hainbat eraso jasan ditu. Uztailaren 15eko estatu kolpeaz baliatuz [Turkiako] gobernua oposizioko komunikabide demokratikoen jazarpena egiten ari da. Özgür Gündem ixteko auzitegiaren erabakia eraso hauen adierazlea da. Amaieraraino defendatuko dugu jendearen informazio eskubidea”.

Kayak adierazpenok egin ostean Turkiako Poliziak sarekada egin zuen egunkariaren bulegoan eta bertan zeuden kazetariak zein babesa ematera bertaratutakoak atxilotu zituen, kolpeka. Bideo honetan dago ikusgai sekuentzia:

Atxilotuen artean zegoen Zana Kaya bera. Gainera, DIHA-ko kazetari Mesut Kaynar ere atxilotu zuen poliziak eta sarekada zuzenean ematen ari zen IMC telebistako kazetariari kamera kendu.

Sarekadak izan dira bulegoan ez zeuden kazetarien etxeetan ere eta poliziak bulegoa miatu du. Gainera, ordenagailuak eramateko agindua dute.

ÖGC Kazetarien Erakundeak gertatutakoa gaitzetsi du. Atxilotuak Poliziaren egoitzetan daude oraindik eta ostirala bitartean bertan izango direla aurreikusten da.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude