2.000 ikaslek kaleak hartu dituzte, "kalitatezko eta doako hezkuntza eredu unibertsala" aldarri
Arabako, Bizkaiko eta Gipuzkoako hamar udalerritan mobilizazioak egin ditu Ikasle Abertzaleakek ostegunean, eta bat egin dute Unibertsitateko Indar Batasunak eta IKAS plataformak. Bilboko eta Donostiako manifestazioetan "presentzia poliziala itogarria" izan dela nabarmendu du ikasle mugimenduak.
Mobilizazio eguna izan da osteguna Arabako, Bizkaiko eta Gipuzkoako hezkuntza arloan ere. Ikasle Abertzaleakek hiru herrialdeetako hamar eskualdetan manifestazioak eta elkarretaratzeak egin ditu, Langile klasearen hezkuntzarako sarbidea defendatu! lelo hartuta. Deialdiarekin bat egin dute, gainera, Unibertsitateko Indar Batasunak eta IKAS plataformak. Hala, "kalitatezkoa, doakoa eta unibertsala izango den hezkuntza eredua" aldarrikatu dute 2.000 bat ikaslek kaleetan barrena, eta horrekin lotuta, langile klasearen sarbidea hezkuntzara.
Bilbon (Bizkaia), Durangon (Bizkaia), Ondarroan (Bizkaia), Gernikan (Bizkaia), Donostian (Gipuzkoa), Tolosan (Gipuzkoa), Ordizian (Gipuzkoa), Azpeitian (Gipuzkoa), Hondarribian (Gipuzkoa) eta Gasteizen (Araba) gauzatu dituzte ikasleek gaurko mobilizazioak.
Poliziaren presentzia
Ikasle Abertzaleakek Gedar Langile Kazeari jakinarazi dionez, Ertzaintzak hiru lagun identifikatu ditu Bilboko manifestazioan, eta 600 euroko isun-eskaerak ezarri dizkiete. Donostian, berriz, poliziaren presentzia "itogarria" izan dela salatu dute Ibaetako campuseko militanteek. IAk "askatasun politikoen aurkako erasotzat" jo eta gogor salatu ditu gertakariok.
Ikasle Abertzaleen argazkiak:
Mobilizazioen argazki gehiago Gedar.eus-eko albistean.
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]