20 urteren ostean Nafarroako lehendakaria Nafarroa Oinezen
Javier Otano izan zen Nafarroa Oinezera joan zen azken lehendakaria. 1995ean izan zen, Tuteran. Atzo, Uxue Barkosez gain, Nafarroako gobernuko kideak, parlamentariak eta politikariak ere hurbildu ziren Elizondon 34. Nafarroa Oinez ospatzera.
Goizeko ekitaldi instituzionaletan ikusi ziren politikari gehienak. Nafarroako gobernutik ordezkaritza zabala bertaratu zen: Uxue Barkos lehendakaria, Jose Luis Mendoza hezkuntza kontseilaria, Manu Ayerdi ekonomiako presidentordea, Isabel Elizalde Ingurumen kontseilaria, Mikel Aranburu ogasun kontseilaria eta Ana Ollo gobernuko bozeramailea. Barkosen esanetan, ikastolen aldeko jaiak Nafarroako izaerarekin zerikusi handia du, eta nafar guztien “ondarea” da. Hori dela eta, nabarmendu zuen “jaiaren izaeraren parte” dela erakundeen presentzia.
Nafarroako ikastolen aldeko jaia aurrera ateratzeko egindako auzolana ere aintzat hartu zuen lehendakariak. Horri esker, “Nafarroaren arimaren ezinbesteko parteetako bat garatzen da, hizkuntzak. Horien artean euskara”. Barkosen esanetan euskarak nafarren partetik aparteko bultzada, uste osoa eta harrotasuna behar du. “Jai honek asko dio gutaz”, adierazi zuen Barkosek. Mendoza hezkuntza kontseilaria bestalde, harro agertu zen Nafarroako ikastolen aldeko jaia urtero berritu, eta indarra hartu duelako: “Bai pertsonalki zein gobernuko kide bezala”.
Parlamentuko kideak eta alkateak ere Elizondon
Nafarroako parlamentariak ere hurbildu ziren Elizondora: Maiorga Ramirez, Adolfo Araiz eta Xabi Lasa EH Bildutik, eta Koldo Martinez Geroa Baitik. Parlamentuko ordezkari nagusi gisa, Ainhoa Aznarez presidentea ere bertan izan zen. Aznarezek azaldu zuen Nafarroako aniztasuna ez dagoela soilik Tafallatik behera, Iruñea iparraldean ere badela: “Parlamentuko presidente bezala iritzi guztiak aintzat hartu, eta behar den tokian egon behar dut, gaurkoan Elizondon”.
Ohikoa denez, Nafarroako udalerrietako alkate ugari ere bertan izan ziren; horien artean Joseba Asiron Iruñeko alkatea. Ez zen ziur inoiz Iruñeko alkateren bat Nafarroa Oinezen izan den, baina argi utzi zuen hiriburuko alkatea bertan izatea “normaltasunaren” erakusle beharko lukeela izan.
Politikari eta gobernuko karguen presentzia handia izan bazen ere, Joseba Otondo Elizondoko alkateak argi esan zuen: “Benetako protagonistak gaur hona hurbildu direnak, eta jaia posible egiteko lan egin duten guztiak dira”.
Etxarri Aranatzen, Andra Mari ikastolak antolatu du 2023ko Nafarroa Oinez, Hotsein lelopean. Festaz gain, bi aldarrikapenek hartu dute tokia: euskara ofiziala izatea Nafarroa osoan eta Euskal Herri osoan euskaraz bizi ahal izatea. Hurrengo Nafarroa Oinez Zangozako Ikastolak... [+]
Etxarri Aranatzeko Andra Mari Ikastolak aurkeztu du asteartean “Nafarroa osoan bai!” kantua, San Ferminetarako prestatu duten Oinez Txokoarekin batera. Joseba Tapiak konposatu du musika, eta Maddalen Arzallusek egin du letra.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 16an jendetza bildu da Tafallan Nafarroa Oinez ospatzeko. Egunaren arrakasta nabarmendu du antolakuntzak, "bai bertaratu den jendearengatik, bai eta normaltasun osoz igaro den jaiegunarengatik ere". Eskerrak eman dizkie, batetik, Tafallan "euskara... [+]
Lizarra Ikastolaren laugarren Nafarroa Oinez izanen da aurtengoa. Erabat berezia, egoerak hala aginduta, baina bereziki alaia pandemia osteko lehena delako larunbat eta igandean eginen den festa. Lizarra Ikastolara joan gara irratsaio berezia egitera eta handik pasatzeko... [+]
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Tuterako Argia Ikastolak antolatu du 2019ko Nafarroa Oinez. Jendetza bildu zen urriaren 20an eta egitaraua betetzea lortu zuten, baina arratsaldean euritara jo zuen eta uste baino askoz jende gutxiago hurbildu zen.
Nafarroa Oinez antolatzeaz arduratu da aurten Tuterako Argia Ikastola, baina ez da prestatzen duen ekitaldi bakarra: urtero, Euskal Herri osoko ikasleak batzen ditu Bardeetako Bizikleta eta Orientazio Martxan. Bizikleta aitzakiatzat hartuta, elkar ezagutzea, euskara bultzatzea... [+]
Atzo bete ziren 25 urte Guardia Zibilaren 30 patruila Berako Labiaga ikastolak antolatutako Nafarroa Oinezen ibilbidean sartu eta jendearen kontra oldartu zirela. Espainiako Gobernuarentzat «neurriko» jokabidea izan zuten; herriko bizilagun eta eragile gehienentzat,... [+]
Iñigo Aritza ikastolak hartu du aurten Lesakako Tantirumairu ikastolak emandako lekukoa. Antolatzaileek eguna “zoragarria” izan dela esan dute “Nafarroa Oinez BIZItzeko”.
Igandean Altsasun izanen da Nafarroa Oinez festa handia. Lau kilometro eta erdiko ibilbidea eta lau gune izanen dira igandeko jai handi horretan: Bizi, Kanta, Txio eta Dantza.
3,5 kilometro luze eta lau gune dituen ibilbidea prestatu dute eta hainbat ekialdi izanen dituzte igandean.
Nafarroa Oinezeko prestaketen azken txanpan buru-belarri harrapatu ditugu Lesakako Tantirumairu ikastola eta bertako zuzendari Maria Luisa Etxeberria. Ikastetxean jasangarritasunari lotuta abian dituzten proiektuez galdetu diogu.
Nafarroako Ikastolen Elkartearekin eta aurtengo Nafarroa Oinez antolatu duen Tantirumairu ikastolarekin batera, 2015ean suten batek kiskalitako herri lurrak basoberrituko dituzte.