1980an Italian 81 hildako eragin zituen hegazkin-istripua ez zen hala izan: Frantziaren erasoa izan zen Gaddafi hiltzeko asmoz

  • Giuliano Amato Italiako lehen ministro ohiak elkarrizketa batean esan du duela 23 urte Frantziak botatako misil batek eraitsi zuela hegazkina. Gaddafi ohartarazi egin zuten eta ez zen hegazkinera igo. Frantziako Gobernuaren eta NATOren isiltasuna salatu du.


2023ko irailaren 05an - 07:30
Eraitsitako hegazkina, Usticaren Memoriaren Aldeko museoan. (Argazkia: Fabio Di Francesco)

Duela 43 urte Italiako Ustica irlan 81 pertsona hil ziren hegazkin istripua ez zen istripua izan: Frantziak botatako misil batek eraitsi zuen, eta Libiako buruzagi ohi Muammar Gaddafi hiltzea zuen helburu. Hala adierazi du Giuliano Amato Italiako lehen ministro ohiak La Repubblican egindako elkarrizketan. Nahiz eta zenbait ikerketak nahita egindako erasoa izan zela ondorioztatu zuten, gertatu zenaz hitz egin duen lehen arduradun politikoa izan da Alderdi Demokratikoko politikari ohia.

Amatok azaldu duenez, asmoa "nahigabe eragindako istripua" irudikatzea zen. NATOren hegazkin askoren jarduna irudikatu zuten Sizilia inguruan, eta horietako batek Libiako buruzagia zihoan hegazkinari misila jaurtitzea zen plana. Ez zuen helburua lortu, ordea, Gaddafi ez baitzen hegazkin horretara igo, Amatoren arabera, garai hartan Alderdi Sozialistako diputatu zen Bettino Craxik ohartarazi zuelako. 

Amatok Frantziari eta NATOri egia ezkutatzea egotzi die: "Bada garaia estatu-sekretu ikaragarri (edo, hobeto esanda, estatuen arteko sekretu) hau argitzeko". Emmanuel Macron Frantziako presidentearen isiltasuna salatu du: "(Macronek) bi aukera ditu: tesi honek pisurik ez duela erakustea ala egiaztatzea eta Italiari eta biktimen senideei barkamena eskatzea, gobernuaren izenean".

Frantziak, berriz, adierazi du "ezbeharraren" inguruan zuen informazio guztia eman zuela eta Italiako Gobernuarekin kolaboratuko hala eskatuz gero. Giorgia Meloni egungo Italiako lehen ministroak, aldiz, azpimarratu du arreta merezi dutela Amatoren adierazpenek, baina ez direla Italiako Gobernuaren adierazpen ofiziala, bere "ondorio pertsonalak" baizik.


Kanal honetatik interesatuko zaizu: Nazioartea
Futbolari gay-ak zergatik ez dira ausartu azkenean armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


2024-05-21 | ARGIA
Kanakyren alde, elkarretaratzea egingo dute Baionan

Kanakyko manifestariei elkartasuna adierazteko, EH Baik eta LAB sindikatuak deituta, elkarretaratzea egingo dute 19:00etan Baionako suprefetura aitzinean.


2024-05-21 | Gedar
Hamabi lagun ikertzen ari dira, Castejonen CAF-Trenasaren kontra egindako protesta bat dela-eta

Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.


Eguneraketa berriak daude