10.000 lagun euskararen aurka Iruñean, iazko ikurrinaren aurkako manifestazioan baino gutxiago
Nafarroako Gobernuak euskararen esparruan daraman hizkuntza politika salatzeko manifestazioa egin zuten Iruñean joan den larunbat arratsaldean, besteak beste UPN, PP, PSN, Ciudadanos eta Voxek sostengatu zuten manifestazioa.
Nafarroako hiriburuan bazen ikusminik astean zehar manifestaziora joango zen jende kopuruaz: iazko ikurrinaren aurkakoan baino gehiago? Antolatzaileen arabera 30.000 lagun izan ziren eta Udaltzaingoaren esanetan 15.000, iaz bezala. Espazioaren okupazioa eta metro karratuak kontuan hartuta, Diario de Noticias-en ustez 9.400 izan ziren. Gara-ren arabera 9.600. Azken honek ohiko kontaketa egin zuen, lerroetan oinarrituta; iazkoan 16.000 pertsona kontatu zituen.
Kazetari honen aburuz ere, eta kopuru zehatzetan sartu gabe, aurtengoan askoz jende gutxiago zegoen. Manifestazioa Sarasate Pasealekuan dagoen Foru Legebiltzarretik atera zen eta Gazteluko Plazarainoko ibilbidea egin zuen, Oliveto Kondea kaletik barrena, gero Viana Printzea Plaza, San Inazio Kalea, Nafarroako Gorteak, Karlos III. eta Gazteluko Plaza.
Manifestazioa Gazteluko Plazara iritsi zenean, duela 15 minutu aterata ziren azkenak Legebiltzarretik. Aurreko manifestazioak ibilbide bera zuen, baina, guztiz bete zen eta burua Gazteluko Plazara iritsi eta handik denborara atera ziren azkenak Legebiltzarretik. Ibilbide laburra hautatu zuten oso agerian ez geratzeko, baina ez zuten lortu. Edozein modutan, 10.000 pertsona horren agerian ateratzea euskararen aurkako horren diskurtso gogorarrekin ez da txantxetakoa. Hala ere, bistan da oposizioari errazagoa zaiola ikurrinaren aurka ateratzea euskararen aurka baino.
Beste detaile esanguratsu bat, adinari dagokionez denetarik zegoen manifestazioan, baina jende heldua nagusi zen, 50 urtetik gorako jendea batez ere. Eta beste datu bat: UPN, Ciudadanos eta PPko buruzaki ezagunenak pankartan joan ziren, PSNkoak manifestazio barruan, ez bide zeuden oso eroso agerian.
Hiru urte bete dituzten 1.404 ikasle berri matrikulatu dituzte D edo B ereduetan, Nafarroan. Adin guztiak kontuan hartuz, 27.334 ikaslek ikasiko dute euskaraz. Matrikulen 67,8% ikastetxe publikoen sarean izan da.
Nafarroako Gobernuak eskaera egin duten familiei iradoki die "datorren ikasturteari begira" abiatu dezaketela tramitazioa.
Eraberrituta dator Laba. Egoitza handiagoak ostalaritza eskaintza zein kultur ekitaldiak baldintza hobeagoetan ematea ahalbidetuko du.
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Hamaika familiak egin dute ikastetxe publikoan D eredura pasatzeko eskaera. Zentroak baiezkoa eman du, baita Udalak ere, baina errefusatu egin du Nafarroako Gobernuak "espazio falta" argudiatuta.
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Larunbatean Arguedasen ospatu zen Erriberako Euskararen Egunaren lehen edizioa. Kultura, auzolana eta festa uztartu ziren euskararen inguruan eskualdeko herriak batu zituen jardunaldi honetan.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]