%10 gutxiago irabazten dute Amazonen filial bat inguruan duten langileek Amazonik gabekoekin alderatuta
Amazonen lantoki batek ateak irekitzen dituenean, nabarmen jaisten da leku jakin horretako langabezia tasa. AEBetako Hego Carolina, Palmetto estatutan, Amazon dagoenetik langabezia tasa %3,5ekoa da. Baina zeintzuk dira langileen lan baldintzak, eta aldi berean, nola eragiten du interneteko salmentetan lehen postuan dagoen enpresak inguruko ekonomian? Lotura uste baino estuagoa da eta langileen soldatei begiratuz gero, eragina negatiboa dela esan daiteke.
The Economistek jaso duenez, Amazonek filial bat zabaltzen duenean, tokiko industriako soldatek, batez beste, % 3 egiten dute behera. Irekiera aurreko hilabetetan, aldiz, soldatek %8 egin ohi dute gorantz. Chesterfielden (Virginia, AEB), esaterako, soldatek %17 egin dute behera aipatutako enpresa martxan dagoenetik.
Beste datu bat: Amazonek filial bat duen eskualde bat Amazonik gabeko beste batekin alderatuz gero, multinazionalaren eragina nabarmenagoa da: antzeko lana duten langileen soldaten arteko diferentzia %10 da. 45.000 dolar jasotzen dituzte urtean Amazonetik salbu dauden langileek; 41.000 dolar multinazional erraldoia ondoan dutenek.
Lan baldintza kaskarrak
Amazonek sareko marka guztiak hautsi ditu azken urteetan. Jeff Bezos, enpresako akziodun nagusia, munduko gizonik aberatsetarikoa egin da internet bidezko salmentei esker. Baina zer dago lantoki bakoitzaren atzean? Nola iritsi da Amazon honaino? The Economistek hainbat adituren hitzak bildu ditu eta bakoitzak bere hausnarketa badu ere, guztiak bat datoz “eraginkortasunaren” faktorea aipatzerako orduan.
Lehiakortasun helburuak bete daitezen, langile bakoitzak behar bezala zehaztuta dauka bere egitekoa. Esaterako, ondasunen bilketaz arduratzen dienek, lanaldi osoko epean 1.000 artikulu baino gehiago jaso behar dituzte eta, batez beste, 24 kilometroko ibilbidea egiten dutela kalkulatzen da. Hau da, langile bakoitzak ahalik eta etekin handiena atera behar du lanegun bakoitzean.
Hala ere, Amazonek soldata baxuagoak ordaintzen dizkie langileei. Adituen arabera, pertsonalaren profil estandarrak badu zerikusia. Lan esperientzia gutxiko gazteak dira Amazoneko langileak eta lan kontratuak urtebeteko iraupenekoak izaten dira, gutxi gorabehera.
Mota horretako lantegian barne-bizimoduaz artikulu mamitsua argitaratu zuen Pello Zubiriak ARGIAren 2.382. zenbakian. “Amazonen kazetari gazteak aurkitu zuen usaina orwelldarra” artikulua
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Gehiengo sindikalak elkarretaratzea egin du gaur eguerdian Laudioko Herriko plazan, astelehenean jazotako lan-heriotza salatzeko.
Bartzelonako eta Madrilgo taxi gidariek asteazken gauean utzi dute bertan behera greba Espainiako Gobernuak lizentzien eskumena erkidego eta udalen esku utzi eta gero. Hego Euskal Herriko taxi gidariek jarrera bera hartu dute, baina “su-etena” dela adierazi dute.
Goiango industriaguneko Olatek enpresan gertatu da ezbeharra; garabi batekin mugitzen ari zen pieza gainera erori zaio.
Ernaik Oraina Borrokatzeko Koordenadak, Euskal Herria zerumuga berri baterantz liburuxka kaleratu du. Lur Albizu Etxetxipia (Artazu, Nafarroa, 1993) eta Asier Zamorano Arri (Algorta, Bizkaia, 1993) batu ditugu. Liburuxka “inkonformismo garrasia” dela diote, Euskal Herrian Bizi dinamikaren markoa izan asmo duena. Pare bat urterako lanketa gisa ikusten dute.
Zu zer zara, langile klasekoa? Prekarioa? Klase ertainekoa? Ertain-baxukoa agian? Gure baliabide ekonomikoak mailakatzeko erabiltzen diren kontzeptu horiek hedabide nagusietan agertzen dira oraindik tarteka, baina azken boladan sailkapen horien gainetik beste fenomeno batzuk azaltzen hasi dira: pobreziaren erromantizazioa eta prekarietatea cool bihurtzeko ahaleginak, esate baterako.
Enpresako garbitegia beste enpresa bati saltzeko intentzioa dauka Tasubinsak. Gaitasun urriko langileei enplegua emateagatik laguntza bereziak jasotzen ditu urtero Nafarroako Gobernutik.
Joan den astean bi albiste garrantzitsu izan dira, gazteen lan etorkizunari eragiten dietenak, eta beraz, gobernu, administrazio nahiz hezkuntza arduradunentzat hausnarketa eta eztabaidarako gai izan beharko luketenak.
Osalanek emandako datuen arabera, 2017an 33.398 lan istripu izan ziren. Horietako zati handiena langilea lanean hasi eta sei hilabeteren buruan izan ohi da.
Uztailaren 29, 30 eta 31n Gipuzkoako hondartzetako sorosleek greba egingo dutela adierazi du ELA sindikatuak. “Bizi duten egoera prekarioa” salatu nahi dute.
ELAk Gipuzkoako sorosleen lan prekarietatearen berri eman du eta Gurutze Gorria eta udalei egoera honetan “bustitzeko” eskatu die. Ostiralean prentsaurrekoa egin dute Donostiako Kontxan.
