Barrenak husteko idatzia, estraineko lan honekin aho bete hortz utzi du publikoa Hassan daniarrak. Errefuxiatu palestinarren semea, aita erasotzailea etxean, Mendebaldeko gizarte batean marginalitatetik gertu bizitzea zer den transmititu du raparen antz handia duten poemaz poema. Aarhus hiriko gueto musulman batean, etxean jasandakoak, eskola porrotak, arrazismoak eta txirotasunak delinkuentziara nola eraman zuten kontatu du. Aitari dion gorrotoa, egin zituen lapurretak, poliziarekin izandako arazoak, batari eta besteari sartutako ziriak eta espetxeko egonaldiak. Guztia etorkizuna oso ilun ikusten duen gazte baten bihotzetik idatzia. Guztia letra larriz, ezohiko liburua da hau. Hainbeste, Hassan bera fenomeno literario bilakatu duela bere ezusterako. 19 urterekin argitaratutako liburu gordin honen 100.000 aletik gora saldu ditu. Juan Mari Mendizabalek bikain euskaratua.
Izenbururik gabe
Egilea: Yahya Hassan
Itzultzailea: Juan Mari Mendizabal
Denonartean, 2017
232 orrialde
Hamaika gaiez jardun daiteke katedradun arabarrarekin. Elkarrizketa honetan batez ere Euskal Herriko autogobernua, Katalunia eta hari egindako epaiketa, eta euskal presoen gaia jorratu ditugu. Bere ustez, Espainia nabarmen ari da egiten estatu autoritario baterantz.
Agorrilaren 25, 26 eta 27an G7aren goi-mailako bilera egingo dute Biarritzen. Nazioarteko politikan aditu Asier Blasek gailurraren nondik norakoak analizatu ditu. II. Mundu Gerran sorburu izan zuen egungo kapitalismo liberalaren kontrako protestak antolatu dituzte... [+]
2001ean euskal mendizaletasunean gertaturiko tragedia batetik abiatuta, munduko gailur handienak dauden lurretako herritarren sufrimendu eta esperantza ere erakusten digu Pumori, mendiaren alaba dokumentalak, himalaismoan askotan ezkutuan geratzen den hego aurpegia.
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]