Agian arteak du erantzuna

Amaia Alvarez Uria
2017ko martxoaren 19a
Eromekanika. Makineria sozialaren erotika. Saioa Olmo. Ideatomics, 2016

    A: Beti izango dugu kartzela.
    B: O bai, kaiola, barra zuzenak, gogorrak zorrotzak (...). Presondegia, legearen pisu guztia nire gainean izateko presioak baretzen nau, azpiratu (…) nola gelditu bere egiten nauen indar eztanda hau?
    A: Kontrolpean dut, gelaren giltza daukat.
    B: Banekien zutaz fida nintekeela. Hasieratik sumatu dut koskorra zure galtzetan. Poltsikoan duzu, bero, zure azalaren kontra. Badakit une honetan eskuaz igurzten ari zarela (…) zer egingo duzu horrekin?
    A: Sarrailan sartuko dut.
    B: Ez, oraindik ez, itxaron, utzidazu lehenengo ikusten. Esan, (…) zure giltzak, zer botere ematen dizu?
    A: Eskoletako, erietxeetako, elizetako, banketxeetako, epaitegietako, legebiltzarreko ateak zabaltzen ditu.

Elkarrizketa horrekin hasten da Eromekanika. Makineria sozialaren erotika liburua. Saioa Olmoren proiektuak, EPLC (Espacio Para Los Cuerpos) taldearen performanceek, eta Xabier Erkizia, Idoia Zabaleta, Diego del Pozo, Agurtzane Ormatza, Ainhoa Güemes, Nestor Makhno eta Javier de Riveraren testuek osatzen dute. Gaztelaniaz, euskaraz eta ingelesez argitaratu dute eta euskarazko itzulpenean findu beharreko pasarteak daudela esan behar da.

Eromekanika kontzeptua azaltzeko hiru osagai aipatu behar ditugu: 1) Egitura sozialak. 2) Boterearen dispositibo diziplinar eta errepresiboak. 3) Harremanak, desira eta libidoa. Proiektu honen sorrera Deustuko zubiaren erraietan dago eta inguruan izandako elkarrizketa batzuetan. Elkarrizketok joko eta fantasia sexualak egoera sozial ugaritan kokatu eta engranaje mekanikoetan martxan irudikatu zituzten.

Eskolan, ateneo libertarioan, elizan eta sarean egindako performanceetan erabilitako elkarrizketak, kartelak eta argazkiak jasotzen dira liburuaren hasieran eta amaieran, eta erdigunean argazki-muntaiak eta testuak daude (eremu desberdinetako jendeak gaiaren inguruan egindako gogoetak). Liburua bera fetitxetzat har daiteke, bere tamaina, kolore eta testuragatik; ia-ia eskuartean kabitzen da, goxoki edo bonboi baten zorroaren kolorea du eta azala ukitzerakoan erliebean senti daiteke proiektu honetarako sortutako ikonoa: infinituaren sinboloaren katean sexu-organoetatik engranajeko hagin eta pernoetaraino doan ondo koipeztatutako mekanismoa.

Ideatomics ekimenak beste proiektu batekin eman dio jarraipena Eromekanikari: Teknologia Bigunak, epilogoan ikusten den bezala: “Kartzela beti egongo da han, ez badugu desmuntatzen lagunduko diguten zenbait teknologia bigun garatzen”. Irakurtzen-ezagutzen jarraitzeko.

Kanal hauetan artxibatua: Iritzia  |  Liburuak

Iritzia kanaletik interesatuko zaizu...
2017-12-17 | Mikel Asurmendi
Parisek meza bat balio du (*)

Politikak eta erlijioak badute ezaugarri anitz komunean. Konbikzioak behar dituzte, zintzotasuna ere bai. Alabaina, politikaren erraietan jukutria dago, makiabelismoa; estatuaren arrazoia izate oroz gainetik dago.

Parisko 2107ko abenduaren 9ko manifestazioaren historia 1958an hasi zen, ETAren sorrerarekin hasi ere. Egungo gatazka politikoa ulertzeko ETAren bilakaeraren hainbat ezaugarri gogoratu behar dira: ETA herriaren erraietatik jaio zen eta sustraiak errotzeko “santutegia”... [+]


Separatismorik ez!

Wikipediaren definizioaren arabera gizarte-bazterketa da “pertsonek gizarte-ongizatea eta bizi-kalitatea eskuratzeko jasaten dituzten oztopo sozial, ekonomiko edo politikoen multzoa, gizartearen sisteman modu egokian ez integratzeagatik”. Nafarroan, hainbat dira definizio horren baitan sartzen diren marjinazio-egoerak, baina bada bat legez ezarrita dagoena, 1986tik: euskaldunon hizkuntza eskubideen zonifikazioa. Gizarte esklusioa gaitza bada, are eta okerragoa da diskriminazio hori... [+]


2017-12-17 | June Fernandez
Zapiak

Valladolid. Iraileko arratsalde eguzkitsua. Karima, Arantxa eta beste lagun bat euren seme-alabekin zeuden auzoko igerileku publikoan. Gustura zeuden zelaian, jantzirik, haurrak jolasean begiratzen zituzten bitartean. Bat-batean igerilekuko zaintzailea gerturatu zitzaien: “Hemen ezin duzue jantzita egon. Arropak eransten ez badituzue, igerilekutik alde egin beharko duzue. Bestela, poliziari deituko diot”. Zelaian jende gehiago zegoen jantzirik, baina Karimak eta lagunak hijaba... [+]


2017-12-17 | Itxaro Borda
Tabula rasa

Islandiatik etorri zaigu, azken egunetan, Utopiaren soinu banda Björk erraldoiaren eskutik eta urtea bukatzen doala Axiari aita-semeek Joseba Irazokirekin, Omaha hiriaren bihotzetik oparitzen diguten albuma, biak uztartzen ahal ditugu Eguberriko menskeria kontsumitzaileen hatzak ezabatzeko: buklean entzuten ditugu Tabula Rasa eta Wounded Knee Prayer… Egiaren errateko Oier Etxeberriaren Locuela sinetsi ezinak belarri zokoan dauzkagula garunak alaitzeko!

Erakunde armatuak orain... [+]


2017-12-17 | Irati Elorrieta
Formatuak axola al du?

Saiatu naiz zutabea txioen formatuarekin idazten. Ez dut lortu. Porrota. Baina berdin da, malgua izan eta hibrido batekin kontentatuko naiz.

Urteak dira H.rekin hizketaldi onik izan ez dudala. Nitaz duen erretratu mentalaren azpititulua konbertsaziorako ezinezko bihurtu den ama.

H.: Open mike-etan aurkitzen ditudan gazteekin hitz egiten saiatzean, like-botoia eta komentario laburrak jasotzen ditut. Pantailan bezala.

H.: Telefonorik esku artean ez dutenean ere, telefonoz ari balira... [+]


21 urte nahikoa dira! MME nekazaritzatik kanpora!

Merkataritzaren Munduko Erakundea eta Elikadura Burujabetza kontzeptu antagonikoak dira. Lehenbizikoaren helburua da urratsez urrats mundu osoan merkatu “libre” bat eraikitzea, baita nekazaritzan ere, ekoizpena oztoporik gabe eramateko munduko leku batetik bestera, produkzio-kostu txikienak dituen tokian kokatuz. Horren ondorioz, munduko eskualde bakoitza espezializatu egiten da bere testuinguruan merkeena den ekoizpena egiten. Lehiaketa horretan, ikuspegi sozialak, lokalak,... [+]


Anasagasti oso haserre dago, baina ez du arrazoirik

Iñaki Anasagasti bortizki mintzatu da hezkuntza publikoak EAEn egindako grebaz: lotsagabea izan omen da, familiei eguna izorratu die eta haurrak deformatu ditu. Argudio sorta dakar berak, Eusko Jaurlaritzaren bertsioa. Hona beste bertsio bat:


Naftalinarekin seduzitzen

Publikatu den lekuan publikatu delako, hain justu, arduratzen naute Urrutiak irakurlego horri bidali dizkien mezuek


2017-12-13 | Mikel Zurbano
Zerga atzerakada

Confesbask-en argudioak erabili dituzte alderdiok neurria legitimatzeko. Neurri honek inbertsioa handituko omen du eta beraz enplegua. Hau da erabilitako argudio nagusia eta ez da balekoa. Izan ere, aspaldiko ebidentzia enpirikoak bertan behera utzi du garai bateko mozkinak, inbertsioa eta enpleguaren arteko ekuazioa.


Langile mugimendua eta sindikalgintza oztopatzea helburu

“Foru Enplegu Publikoaren Etikaren eta Kudeaketa Onaren Kodea” Gipuzkoako Foru Aldundia zuzentzen duten PNV eta PSEko arduradunek langile mugimenduaren eskubide sindikalak gutxitzeko eta sektore publikoa desarautzen jarraitzeko azken asmakizuna da. Nola ez, beren negozioen eta enpresarien mesedetan egindako ekarpen berria da.


ASTEKARIA
Azkenak
EGILEA
Eguneraketa berriak daude