Beste diskoetako maketak sofistikatuagoak ziren. Oraingoan kantuak ia biluzik eraman ditugu eta asmoa zen hori errespetatzea, baina estudioan jantzi egin ditugu gure musikariek irizpide artistiko zabala dutelako Hala ere, oreka mantendu dugula uste dugu, kantua jarri dugu aurretik.

Konplexuak izan ditut eta orain pena ematen dit hasierako diskoak gehiago ez landu izanak. Orain konfidantza handiagoa dut eta gusturago nago. Kaki Arkarazok eta taldekideek asko lagundu didate.

Abesti batzuetan filtroa erabili dugu, baina Karlosek musika asko entzuten du, eta arriskua bilatzen du. Bide Ertzean ez da asko arriskatzen duen taldea. Kontraste horiek ondo egiten diete abestiei.

Zailena izan da familian hainbeste denboran isilpean egon dena azaleratzea. Ez zuten sufrimendua gogoratu nahi, baina korapiloa askatu dute. Zer gertatu zen, zer ondorio ekarri zizkion familiari... Guztia liburuxka batean batu dugu. Terapia bat izan da. Gehien harritu gaituena da gerra bezain gogorra edo gogorragoa izan zela gerraren ondorengoa. Adibidez, amona alargun gelditu ondoren erbestera joan zela umeekin lana bilatzera.

Hala uste dugu. Gerran kantua arma zen, psikologikoa-edo. Sinetsi nahi dugu musikak pentsarazteko eta injustiziak aldarrikatzeko balio duela. Musikak bi aldeak ditu: dibertimendua eta errebindikazioa. Kasuan kasukoa aukeratzen dugu.
---------------------------------------------------------------------------

Tolosako boskoteak bidean geldiunea egin du atzera begiratzeko eta historiak, beste askori bezala, Ubedatarrei »taldeko arima diren anaien sendiari» zor ziena desenterratu eta aspaldiko korapiloa askatzeko. Disko honek 36ko Gerra, sasoi hartako eta ondorengo bidegabekeria eta sufrimendua ditu ardatz. Musikari horien aitona eta birraitona dituzte abiapuntu, baina belaunaldi oso bat gogoratu eta omendu nahi dute. Hori guztia luxuzko soinu eta instrumentariak dituen disko hunkigarrian batu dute. Artifizio handirik gabeko pop-rock kantu eder eta samurrak egiten saiatu dira, baina horiek intentsitate berezia hartu dute. Bestalde, badira pieza ilunagoak, rockeroago-biziagoak, edota kutsu orkestrala dutenak ere. Ñabardura txikiz josita dago diskoa, eta horrek izugarri aberasten du emaitza.