Xorroxin irratiak Legate mendian daukan errepikagailua erre egin da eta uhin bidez emititu ezinda geratu dira.
Igande gauean eman du problemaren berri Baztango irratiak berak. Oraingoz ez dute berri handiegirik, azken egunetako eguraldi txarra dela-eta ezin izan baitute errepikagailua dagoen ingurua behar bezala ikusi.
Larunbatean hasi ziren problemak, irratia ez baitzen behar bezala entzuten. Igandean irratiko bi lagun igo ziren Legatera eta irratiak emititzeko tresneriarekin daukan txabola erreta aurkitu zuten.
Tximista batek eragin duela uste dute Xorroxineko kideek ARGIAri azaldu diotenez, baina astelehenean, eguraldi hobea probestuz, berriz igo eta balorazio zehatzagoa egingo dute.
Aurreratu dutenez, posible da Nafarroako irrati euskaldun beteranoenak egun batzuetan ez emititzea.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak