Valtonyc erbestera joan da, kartzelan ez sartzeko

  • Justiziari gauzak ez dizkiola “erraz” jarriko ohartarazi du rap kantariak aste honetan. Asteazken arratsaldean jakin da erbestera jo duela espetxean sartu ez dezaten. Hainbat iturriren arabera, Europara alde egin du.


2018ko maiatzaren 24an - 09:35
Argazkia: Jordi Borràs

Ostegunean du azken eguna borondatez espetxera joateko. Hiru urte eta erdiko zigorra jarri zion Espainiako Auzitegi Gorenak sortzaileari, “terrorismoa goratzea”, biktimak umiliatzea eta Juan Carlos I. Espainiako Erregeari irainak egitea egotzita.

Kataluniako hainbat hedabidek jakinarazi dutenez, Belgikara joan da rap kantaria babes eske. Adierazpen askatasunaren inguruko jardunaldi batzuk medio, bere kasua Europan ezagutzera emateko aprobetxa dezakeela esan du TV3ek. Senideek, baina, gezurtatu egin dute informazioa, eta Valtonyc  “edozein lekutan” egon daitekeela esan dute.

Bere izenean erositako hainbat hegazkin txartel atzeman dituzte, besteak beste, Venezuelara, Erromara, Suitzara… Hainbat iturriren arabera, ordea, diote Valtonyc duela hamar egun joan zela atzerrira. Poliziak onartu du ez dakiela non dagoen kantaria.  

Hemen irakur dezakezue martxoan Argiari eskaini zion elkarrizketa.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude