Urtza Alkorta azaroaren 14an askatuko dute

  • Azaroaren 14an askatuko dute Urtza Alkorta ondarrutarra. Bere kasua ezagun egin zen, ehunka lagunek desobedientzia aldarrikatu eta sei egunez bera babesteko "zubi harresia" antolatu ostean.


2015eko urriaren 29an - 08:59
Alkorta babestu zuten ehunka lagunek Ondarroan.

ETAri laguntzea egotzita, guztira bost urte egin ditu kartzelan. Bi urte eta erdi egin zituen lehenik, eta ondoren, beste bi urte eta erdi egin ditu. Akusazioa ukatzeaz gain, Ertzaintzak torturatu egin zuela eta bere aurkako froga bakarra torturapean sinatutako dokumentua zela salatu zuen. Estremerako espetxean dago, Ondarroatik 499 kilometrora.

2013ko maiatzaren 15ean atxilotu zuten Alkorta, ehunka lagunek osatutako herri harresia deseginda. Jaurlaritzak emandako datuen arabera 300 agente, 40 furgoneta, 2 zodiac eta helikoptero bat mobilizatu zituzten atxiloketan.

Ertzaintzaren jarrera bortitza salatu zuten herri harresiko kide ugarik, dozenaka zauritu artatu zituzten erizain bolondresek. Iñigo Urkullu lehendakariak Ertzaintzaren jarrera "eredugarria" izan zela eta agenteek egindako lanaz "harro" zegoela adierazi zuen.

Sei egunez babestu zuten Alkorta, hilabete lehenago Donostiako AskeGuneko estrategia erabiliz.

Alkortaren atxiloketak hedabideen arreta deitu zuen, The Guardianen egun hartako argazkien artean hautatua izatera iritsiz. Sare sozialetan #ResistOndarru eta #ResistUrtza traolak Espainiako Estatu mailan hitz erabilienen zerrendan sartu ziren babes mezu asko jasoz. 

Ondarroako AskeGunea osatu zutenetik amaitu arteko jarraipena egin genuen ARGIAn. Kanal honetan gaiarekin lotutako informazio gehiago.

 


Kanal honetatik interesatuko zaizu: AskeGunea Ondarroa
Hamar urte bete dira Ondarroan zubi harresia eraiki zenetik

"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.


2014-11-14 | ARGIA
Ondarroako zubi harresiko bost auziperatuei urte banako kartzela zigorrak eta isunak

Bost pertsonari urte banako kartzela zigorra eta isun ekonomikoak jarri dizkie Bilboko zigor-arloko epaitegiak. Ondarroako herri harresian ertzaintzako agenteen aurka "atentatu delitua" eta lesioak eragitea egozten diete. Bost auziperatuek epaiketan karguak ukatu... [+]


2013-09-18 | ARGIA
Alkorta atxilotzeko operazioa Jaurlaritzaren datuen arabera

Estefania Beltran de Heredia sailburuak Urtza Alkortaren atxiloketaren operazioaren kostuen berri eman du. Orotara 282 ertzainek hartu zuten parte maiatzaren 15ean, 34 furgoneta erabili zituzten, lau auto eta bi itsasontzi.


Ondarroako herri harresiko identifikatuei lehen isunak

200€-ko isunak iristen hasi zaizkie Ondarroako Aske Gunean identifikatutako kideei. Erlantz Alkorta, Urtza Alkortaren neba, da isuna jasotako bat, eta ARGIAk berarekin hitz egin du.


2013-06-21 | ARGIA
Ertzaintzak bere burua eskaini zuen Urtza Alkorta atxilotzeko, Gararen arabera

Espainiako Entzutegi Nazionalak Urtza Alkorta ondarrutarraren atxiloketa Polizia espainiarrari eta Goardia Zibilari agindu zien Garak gaur argitaratu duenez. Egunkari horrek eskuratutako dokumentuek erakusten dutenez, Ertzaintzak telefonoz bere burua eskaini zuen Alkorta... [+]


Eguneraketa berriak daude