Ondarroako herri harresiko identifikatuei lehen isunak
200€-ko isunak iristen hasi zaizkie Ondarroako Aske Gunean identifikatutako kideei. Erlantz Alkorta, Urtza Alkortaren neba, da isuna jasotako bat, eta ARGIAk berarekin hitz egin du.
Lehengo astean jaso zenuen isuna. Nolakoa da?
200€-koa da isuna, eta epe jakin batean ordaindu ezean 300€-ra arte igo daitekeela jartzen du. Diotenez, bost aldiz esan zidaten identifikatzeko, eta horri uko egiteagatik identifikatu nindutela jartzen du.
Zer asmo daukazu isunaren aurrean?
Isuna iritsi aurretik, identifikatutako guztiak elkartu eta zerbait egitekotan egon gara, multa handiagoa espero baikenuen. Baina zigorra zenbatekoa den ikusita, ordaintzekotan geratu gara.
Besteren bati iritsi zaio?
Beste biri iritsi zaiela badakit, baina identifikatutako guztiak ez ginen ondarrutarrak, eta ez dakit gehiago ailegatuko ziren.
Zergatik uste duzu identifikatu zintuztela?
Batzuk diote identifikatu nindutela Urtza presionatzeko. Nik ez nuen sentsazio hori izan. Furgonetara eraman eta nor nintzen irakurri zutenean sorpresa jaso zuten.
Zer esan zizuten momentu hartan?
“Sanción administrativa” delakoa jasoko nuela esan zidaten. Nik ertzainari galdetu nion ea zer egin behar nuen paper harekin, eta erantzun zidan, nahi banuen sutara botatzeko.
Nola bizi izan zenuen momentu hura?
Han zegoen tentsioarekin ez nintzen asko enteratu. Baina han zegoen jende guztiak bezala; ertzaina gerturatu ala, tentsioak gora egiten zuen. Aldamenera heldu zirenean klik, interruptoreari eman eta off-ean jarrita nengoen. Kolpeak eta sentitu nituen, baina pasatakoan jabetu nintzen hobeto.
Zer uste duzu lortu nahi dutela horrelako multekin?
Ideiarik ez. Multa handiak izan balira, pentsatuko nuke moztu egin nahi dutela mugimendua, baina horrelako multekin ez dakit.
"Kartzelak husteko garaia" zela argudiatuta, Urtza Alkorta ondarrutarraren atxiloketa saihesteko zubi harresia eraiki zen Ondarroan 2013ko maiatzaren 10ean. Lau egunetan, Ondarroatik egindako aldarriak Euskal Herriko mugak gainditu zituen.
Azaroaren 14an askatuko dute Urtza Alkorta ondarrutarra. Bere kasua ezagun egin zen, ehunka lagunek desobedientzia aldarrikatu eta sei egunez bera babesteko "zubi harresia" antolatu ostean.
Bost pertsonari urte banako kartzela zigorra eta isun ekonomikoak jarri dizkie Bilboko zigor-arloko epaitegiak. Ondarroako herri harresian ertzaintzako agenteen aurka "atentatu delitua" eta lesioak eragitea egozten diete. Bost auziperatuek epaiketan karguak ukatu... [+]
Estefania Beltran de Heredia sailburuak Urtza Alkortaren atxiloketaren operazioaren kostuen berri eman du. Orotara 282 ertzainek hartu zuten parte maiatzaren 15ean, 34 furgoneta erabili zituzten, lau auto eta bi itsasontzi.
Espainiako Entzutegi Nazionalak Urtza Alkorta ondarrutarraren atxiloketa Polizia espainiarrari eta Goardia Zibilari agindu zien Garak gaur argitaratu duenez. Egunkari horrek eskuratutako dokumentuek erakusten dutenez, Ertzaintzak telefonoz bere burua eskaini zuen Alkorta... [+]