Txetxeniako egunkari bat itxi dute bertako kazetari batek Putini galdera egin ostean

  • Txetxeniako Put Kadyrova (“Kadiroven modura”) egunkaria itxi dute bertako erakundeek, hedabideko erredakzio buruak Errusiako presidente Vladimir Putinek urtero egiten duen prentsaurrekoan bi galdera egin ostean. Lehen galdera Kaukaso iparraldeko ezegonkortasunari buruzkoa zen, eta bestea Errusia mailako irrati bati egin dizkioten murrizketei buruzkoa.

Lander Arbelaitz @larbelaitz
2012ko abenduaren 24a
‘Put Kadyrova’ egunkari txetxeniarra.

233grados.com webgunean jaso dute albistea, eta bertan azaldu dutenez, presidenteak bi galderak gainetik erantzun zituen eta gainontzeko kazetari errusiarrek bestelako gaiak jorratu zituzten, beraz, galderok arretarik deitu gabe pasa ziren.

Halabaina, harridura hurrengo egunean etorri da (abenduaren 23an), Txetxeniako autoritateek egunkaria ixteko agindu dutenean. Put Kadyrova egunkariaren izena, egungo Txetxeniako presidentearen aitaren erreferentzian jarrita dago, eta haren seme Ramzan Kadirovek salatu duenez, bere aitaren baimenik gabe jarri zioten izena. Horrez gain, “galdera probokatzaileak” egin izana ere gaitzetsi du, nahiz eta gaineratu duen itxiera ez dela zentsura kasu bat. Egunkaria gutxietsi du presidenteak, eta ziurrenik beste izen batekin irekiko dutela esanez jarraitu.

Testuingurua labur

Akjmad Kadirov aita. Presidente ohia traidoretzat dute independentista txetxeniar askok, Txetxeniako lehen gudan insurgenteen aldean borrokatu baitzuen, baina bigarrenean, errusiarrei bere babesa eman eta hauekin borrokatu zuen. Bigarren guda honetan, Txetxenia nolabait kontrolatzea lortu zutenean, presidentegai aurkeztu zen 2003an lortu zuen postua. Nazioarteko hainbat begiraleek hauteskundeetan irregulartasunak izan zirela salatu zuten. 2004an hil zuten auto bonba batekin Groznin. Egun, bere semea da presidentea eta Errusiarren interesak defendatzen dituela esan daiteke.

Ramzan Kadirov semea. Aitaren zerbitzu militarretan zaildu zen. Egun errepublikako gizonik aberats eta boteretsuena dela diote. Bere milizia pribatua du eta Kadyrovtsy izenez dira ezagunak. Talde honek hilketak eta bahiketak egiten dituztela salatu dute zenbait giza eskubideen alde lan egiten duten GKEk, tartean Human Rights Watch-ek. Putinen babes osoa du eta Errusiako Heroiaren medaila du, Errusiako titulo honorariorik altuena. Lurraldera estabilitatea eraman izana aldarrikatzen du.

Tortura Txetxenian. Independentista txetxeniarrak sistematikoki torturatzen dituztela salatzen dute gaiarekin lanean dihardutenek. “Txetxenian atxilotzen bazaituzte, torturatuta izateko arrisku erreal eta berehalakoa duzu. Eta oso aukera txikiak daude zure torturatzailea sekula epaituko dutenik”, dio Human Rights Watchek herrialde honi buruz.

Artikulu hau Lander Arbelaitzen Taupadak blogetik hartua da. Bertan, estaturik gabeko nazioei buruzko informazio gehiago topatuko duzu.

Kanal hauetan artxibatua: Errusia  |  Prentsa

Errusia kanaletik interesatuko zaizu...
Hamas eta Al Fatah Palestinan batasun gobernu bat eratzearen alde agertu dira

Hamas eta Al Fatah akordio batera iritsi dira Palestinan batasun gobernu bat sortzeko. Bertan erbestean dauden palestinarrak eta Palestinako Jihad Islamikoa barneratuko lirateke.


Europa, abenduaren 19aren biharamunean

Hamabi hildako Berlinen, Errusiak Turkian duen enbaxadorea tiroz hila, hainbat zauritu Zuricheko zentro islamiar baten aurkako erasoan... Odoltsua suertatu da Europan abenduaren 19ko iluntzea, Siriako gerrari konponbidea emateko saiakera ustelen testuinguruan.


Aleporen erorketa, Polat Can komandante kurduaren begietan

Alepo ekialdea Bashar al-Assaden gobernuaren esku geratu da. YPG indar kurduen komandante eta elegun Polat Canek hiriaren erorketaz egin duen irakurketa jaso dugu puntuz puntu. “Ezinbestean” gertatu beharrekoa zela azaldu du Canek.


Bakea urrun Sirian, AEBek eta Errusiak pultsuan jarraitzen duten bitartean

Aurrerapausoak bai baina bi arlo garrantzitsutan akordiora iritsi ez direla iragarri du John Kerry AEBetako Estatu idazkariak. Errusiako bere homologo Serguéi Lavrovekin izandako bileraren ostean egin ditu adierazpenok, Txinako Hangzhou hirian egiten ari den G20aren gailurrean.   


2016-08-19 | Ibai Trebiño
#DCLeaks filtrazioa: ARGIAko kolaboratzaileak George Sorosen zerrenda beltzean

Ibai Trebiño eta Asier Blas ARGIAko kolaboratzaileak George Soros milioidunak eskatutako zerrenda batean agertu dira berriki ezagutu den filtrazio baten arabera. Trebiñok egoeraren bere balorazioa egin du.


NATOko militarrak Errusiaren atarian berotze ariketak egiten

Varsovian biltzar nagusia burutzeko bezperan, NATOko militarrek herrialde baltikoetan egin dituzte azken 25 urteotako maniobrarik handienak, Anakonda 16 izenekoak, Errusiako armadaren balizko inbasioari aurre egitea irudikatuz. Vladimir Putinek haserre protestatu du, Errusiari pixkanaka zintzurra estutu nahi diotelakoan. NATOko biltzarraren azken deklarazioari ere Gerra Hotzaren kutsua dario.


Zertarako erosi armarik modernoenak ez bada gerran erabiltzeko?

Ekialde Hurbileko estatuek %61 gehiago gastatu dute armak erosten 2011-2015 urte artean aurreko bost urteetan baino eta Saudi Arabia da munduan gehien erosi duena, inportazioak %275 handituz. Esportazioetan AEB txapeldun, Errusia eta Txinaren atzetik Frantzia laugarren eta zazpigarren Espainia.


2015-11-29 | Ibai Trebiño
Euskal Herritik ihesi, Errusia komunista babesleku

Valeri Kharmalov sobietarra izotz hockey jokalari ospetsua izan zen. Moskuko CSKA taldean11 liga irabazi zituen eta, 1969 eta 1979 artean, munduko 8 txapelketa irabazi zituen selekzioarekin. Ez da, ordea, hain ezaguna Kharmaloven ezizena: Patxito. Jatorri euskalduna du-eta, gerratik ihesi SESBera heldutako beste askok bezala.


2015-09-24
Abkhazia, Kaukasoko nazio baten borroka
MULTIMEDIA - erreportajea

Kosovo ez bezala, munduko nazio txikiak nazioarteko aitorpenik gabe eta inperioaren mehatxupean bizitzera kondenaturik daudela erakusten du Abkhaziaren aferak. Gaur Abkhazia eta bihar Katalunia. Zer etorkizun munduko nazio txikientzat? 


2015-08-28 | Lander Arbelaitz
Estoniak iragarri du harresia eraikiko duela Errusiarekiko mugan

Estoniako autoritateek ostegunean iragarri dute Errusiarekin duten muga, alderik alde harresi batekin itxikio dutela. Bi metro eta erdiko altuera izango du, 110 km-ko luzera eta 2018an hasi nahi dituzte lanak. Etorkinak geratzeko asmoz egingo dutela adierazi dute.


Azkenak
EGILEA
Eguneraketa berriak daude