TTIPi buruzko bozketa atzeratu dute Estrasburgon, kontsentsu eza dela eta

  • TTIP hitzarmen transatlantikoari buruzko erresoluzioaren bozketa zegoen aurreikusita ekainaren 10eko Europako Legebiltzarraren agendan, baina azken unean Parlamentuko presidenteak, Martin Schulzek, atzeratu egin du. Talde sozialdemokrataren (S&D) barruko adostasun ezak bultzatu du Schulz erabaki hori hartzera.

Unai Brea @unaibrea
2015eko ekainaren 09a
TTIPen aurkako mobilizazioa Bruselan (Arg.: Jess Hurd).

Bozketa beste egun batera eramateko –oraindik ez dute esan zein– Parlamentuak eman duen argudioa da zuzenketa kopuru handiegia aurkeztu dela: 200 baino gehiago. Hein handi batean sozialisten artean dagoen zatiketaren ispilua da kopuru hori.

Euroganberako ezkerreko taldeen eta TTIPen aurka ari diren gizarte zibileko eragileen ustez, atzerapena euren borrokaren emaitza izan da. “Koalizio Handiaren barneko zatiketa mobilizazio sozial eta politiko handiaren ondorioa da”, uste du Berdeen taldeko Florent Marcellesik. Gogoratu behar da hitzarmenaren negoziazioak etetearen aldeko bi milioi sinadura lortu direla honezkero.  

Marcellesiren esanetan, Martin Schulz Parlamentuko presidenteak trikimailu legal bat erabili du bozketa atzeratzeko, jakin badakielako Legebiltzarraren barruan ez dagoela ziurtatuta ISDS auzitegien aldeko gehiengorik, ez eta, oro har, TTIPen aldekorik.

Itunarekiko jarrera argi dute talde popularrak (alde) eta nola ezkerrak hala ultraeskuinak (aurka, arrazoi berengatik ez bada ere). Gakoa sozialdemokratak dira. Duela zenbait aste Parlamentuko batzordeetan TTIPez eztabaidatzen hasi zenetik, ez da batere garbi egon haien jarrera zein izango den.

Azkenik, adostasunik lortu gabe iritsi dira bozketa egin behar zen egunera, eta ISDS auzitegiak dira, hain zuen, horren zergatia. “Nahi dugu TTIP, baina ez ISDS pribaturik”, hori da S&Dko zenbait sektoretatik zabaldu den mezua. Alta, badirudi talde bereko beste batzuentzat nahikoa izan direla Cecilia Malström komisarioaren argudioak. Europar Batasunaren talde negoziatzailea ISDSan hainbat aldaketa ezartzen saiatuko dela esan du Malströmek.

Hitzarmena kolokan?

Legebiltzarrak onartu (edo baztertu) behar duen dokumentua TTIP negoziatzeko orduan Europako Batzordeak aintzat hartu beharko duen gomendiotzat aurkeztu izan da. Euskal Herrian TTIPari ez! kanpainako Jose Ramon Mariñoren arabera, ordea, bozkatu behar den txostenak, onartuta ere, ez dio baldintza esturik ezarriko europar talde negoziatzaileari, “esaten duenaren %80 edonork onartzeko moduko orokorkeriak baitira”.

Mariñoren ustez, asteotako mugimenduak berregokitze teknikoa baizik ez dira. Horren arabera, TTIP kolokan egon daitekeela iradokitzen duten ahotsak erratuta leudeke. Zentzu horretan, G7 taldeak TTIPen alde (eta haren negoziazioak azkartzearen alde) egin berri duen adierazpena gogora ekarri du ATTACeko kideak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


TTIP/TAFTA kanaletik interesatuko zaizu...
2016-11-23 | Unai Brea
CETA akordioa Europako Auzitegian aztertzeari ezetz esan dio Europarlamentuak

Europako Legebiltzarraren gehiengoak ezetz esan dio Europar Batasunaren eta Kanadaren arteko merkataritza eta inbertsio ituna (CETA) Europako Justizia Auzitegiak azter zezala eskatzeko aurkeztutako mozioari. 258 parlamentarik bozkatu dute proposamenaren alde, eta 419k aurka. Otsailean erabaki beharko du Europako Legebiltzarrak CETAri onespena ematen dion ala ez.


2016-11-21 | Hamaika Telebista
Nekazaritza: nekazaririk gabeko eredurantz?
MULTIMEDIA - Ertzak

Nekazaritzari buruz hitz egiten dugunean, nolako etorkizuna ikusten diogu lehen sektoreari? Nekazaririk gabeko nekazaritza posible da? Nola eragingo dute TTIP eta CETA bezalako akordioek lehen sektorean? Galderen erantzunen bila, EHNE sindikatuko Imanol Ibero eta Gari Nazabalengana jo dugu.


2016-11-10 | Unai Brea
J˙lia MartÝ (Euskal Herria TTIPari Ez! kanpaina):
"Valoniak erakutsi du merkataritza askeko akordioei aurre egitea posible dela"

“TTIP eta CETA ezartzearren herritarrek aukeratutako parlamentu eta gobernuen aurka joko dutela frogatu du Valoniarekin gertatutakoak”, diosku Júlia Martík, Euskal Herrian TTIPari Ez! kanpainako bozeramaileetako batek. Azaroaren 5ean merkataritza askeko akordioen aurka mobilizatu ostean, presio egiten jarraitzeko unea dela dio Martík. Mugarri hurbilena urtarrilean du akordioon aurkako mugimenduak: orduan erabakiko du Europako Legebiltzarrak EB eta Kanadaren... [+]


TTIP eta CETA akordioen aurkako mobilizazioak larunbatean Hego EHko hiriburuetan

Larunbatean, azaroak 5, Hego Euskal Herriko hiriburuetan TTIP eta CETA akordioen aurka mobilizatzeko deia egin dute Euskal Herriko Eskubide Sozialen Kartak eta TTIP/CETA Ez plataformak.


2016-10-30 | Juan Mari Arregi
Ez ezazu irentsi

Hainbat plataforma sozialek ohartarazi dute zein ondorio izango dituen AEB eta EBren arteko merkataritza eta inbertsio itunaren (TTIP) negoziazioak. Munduko merkatu handiena sortuko du. Baina itun hori, CETA edo beste batzuk bezala, ez da merkatu akordio hutsa. Enpresa handiei eta transnazionalei mesede egin eta produktore txikiak, kontsumitzaileak, merkatariak eta herritarrak kaltetuko ditu. Plataforma horiek dei egin dute itunak “ez irenstera”, kapitalismoaren espresioa direlako.


2016-09-02 | Unai Brea
Austriako Gobernua ere igo da TTIP zalantzan jartzen duten erakundeen trenera

Alemania eta Frantziako gobernuetako kideek TTIPez egindako adierazpenen ostean, Austriaren txanda iritsi da. Bertako gobernuko bi kide esanguratsu EB eta AEBen arteko merkataritza askeko akordioaren aurka azaldu dira ordu gutxiko tartean; Christian Kern gobernuburuak dagoeneko adostuta dagoen Kanada eta Europaren arteko CETA ituna ere kritikatu du.


2016-08-30 | Unai Brea
TTIPen negoziazioa eteteko eskatuko duela esan du Frantziak

Frantziak EBko beste estatuei eskatuko die Europa eta AEBen arteko merkataritza askeko akordioaren (TTIP) negoziazioak eteteko, Matthias Fekl Kanpo Merkataritza estatu idazkariak RMC irratiari emandako elkarrizketan esan duenez. Haren ustez, negoziazioak ezkutukeriaz egin dira orain arte, eta horrek konfiantza falta handia eragin die herritarrei. Prozesua gelditu eta etorkizunean AEBekin bestelako negoziazio bati ekitearen alde azaldu da estatu idazkaria.


TTIParen negoziazioek "huts egin dute" Alemaniako ekonomia ministroaren arabera

Alemaniako kantziler orde eta ekonomia ministro Sigmar Gabrielen ustez, akordioak kale egitearen arrazoia “europarrok amerikarren nahiei men egin nahi ez izana” da.


2016-05-25 | Etxalde
Ossau Irati, Idiazabal edo Erronkari gasnak Kanadan ekoiztuak CETArengatik?

Europa eta Kanadaren arteko libre merkatuko akordioak hainbat sor marka ez ditu babesten. Ossau Irati ardi gasna sor marka horietarik da eta ELB sindikatak salatu du joan den astean CETA izeneko akordioa onartua balitz, Ossau Irati eta beste hainbat izen libreki erabiltzen ahalko dituztela Kanadako laborari eta enpresek.


2016-05-20 | Unai Brea
Nori egiten dio mesede TTIPen agirien filtrazioak?

TTIPen aurkako kanpainan daudenentzat, filtrazioa arma bihurtu da, akordioaren kontra darabiltzaten argudioak baieztatzen ditu eta. Baina pribatuki filtraziookin zuhurtziaz jokatu beharra aipatzen dute. Sinple esateko: AEBen jarrera “gogorra” nabarmentzeak balio lezake etorkizunean EBren proposamen “leunago” batzuk justifikatzeko.


Azkenak
EGILEA
Eguneraketa berriak daude