Eguenean eta barikuan egingo dute ikastaroa EHUko esperientzia geletan eta Hegoa Institutuko Gradu-aretoan. Enpresa transnazionalek eta merkataritza askeko itunek jokatzen duten rolaren gaineko hausnarketa sustatzeko helburuarekin antolatu dute ikastaroa.
Bakea eta Duintasuna Elkarteko Latinoamerikako Multinazionalen Behatokiak (OMAL) antolatu du ikastaroa, EHUko Lan Harremanen Unibertsitate-Eskolaren, Hegoa Institutuaren eta Garapenerako Lankidetzaren Euskal Agentziaren laguntzarekin. Antolatzaileek azaldu dutenez, “bizitza erdian jartzen duen” eredu jasangarri batean oinarritutako alternatiben proposamenak eta eraikuntzari buruzko eztabaida proposatzea dute helburu.
Besteak beste, transnazionalen funtzionamendua, hauen aurka egiteko alternatibak, merkataritza legedia eta TTIP bezalako merkataritza akordioak landuko dituzte. Kurtsoa doakoa da, eta gehienez 80 pertsonak eman dezakete izena. OMAL elkartearen webgunean dago egitaraua eta izena emateko informazioa.
Ikastaroa EHUko gradu eta gradu-ondoko ikasleei, mugimendu sozialei, erakunde sindikalei eta Garapenerako Gobernuz Kanpoko Erakundeei zuzenduta dago.
Eztabaida garrantzitsua Merkataritzaren Mundu Erakundean: Lurreko Hegoaldeko herrialdeek eskatu dute patentea eten dakiela COVID-19arekin zerikusia duten botikei, pandemiari aurre egin ahal izateko. India eta Hego Afrikak egina daukate eskaria baina Ipar aberatseko herrialdeek... [+]
Munduko merkataritza blokerik handiena osatu dute hamabost herrialde hauek: Asiako hego-ekialdeko hamar herrialde, Hego Korea, Txina, Japonia, Australia eta Zeelanda Berria. Azaroaren 15ean izenpetu dute RCEP merkatu libreko hitzarmen hau.
Jenofa Berhokoirigoinek kontatu digu nola koronabirusaren izurriteari aurre egiteko hartutako babes eta osasun neurriak izan daitezkeen multinazionalentzako diru iturri. Nola? Merkatuaren liberalizazioa dakarten akordioek bideratutako auzitegi pribatuetan estatuen kontrako... [+]
Maiatzaren 4an eta 5ean Euskal Herria kapitalaren eraso berriaren aurrean izeneko jardunaldiak egingo dira Bilboko La Bolsan. Europar Batasuna bultzatzen ari den merkataritza eta inbertsio hitzarmen-bolada berrian begirada ipintzea beharrezkotzat jotzen dute antolatzaileek.
Abenduaren 10etik 13ra bilduta dago Munduko Merkataritza Erakundea (MME) Buenos Airesen. Gai-ordenan, besteak beste, nazioarteko salerosketetarako arau berriak adostea eta merkataritza elektronikoaren liberalizazioa daude. Milaka lagunek protesta egin dute gailur osoan zehar,... [+]