Jaurlaritzak ez du frackinga aplikatuko, jasangarria dela demostratu ezean
Arantza Tapia Eusko Jaurlaritzako Garapen eta Lehiakortasun sailburuak adierazi du ez dagoela gasa ateratzeko fracking teknika aplikatzeko prest, ez behintzat ingurumena errespetatzen duela demostratu arte.
Ana Oregi Ingurumen sailburuak gauza bera esan zuen asteazkenean Euskadi Irratian: “Oraindik hainbat itzal daude ingurumenarekiko errespetuari dagokionez, dekretuak eta arauak mahai gainean ipini eta errespetatu egin behar dira, eta oraingo teknikarekin ez da horrelakorik babesten”.
“Analisiak egin behar dira”
Onda Vasca irratian elkarrizketatu dute gaur Tapia. Azaldu duenez, ez dute jasangarria ez den teknika baten alde egingo, baina lur-azpia esploratu beharra dago, han dagoena ustiatu ote daitekeen ziur jakite aldera.
Dena den, ingurumenari egiten zaion kaltearen aldetik ez dago inongo desberdintasunik esplorazioaren eta ustiaketaren artean, Unai Break ARGIAren 2.333. zenbakian (pdf) plazaratutako erreportajean azaldu zuenez. Azpiegitura berbera da, Andres Illana Fracking Ez Araba plataformako bozeramaileetako baten hitzetan. Are gehiago, esplorazioak izango du ustiaketatik zerbait. SHESA, Heyco eta Cambriaren arteko 2007ko bileren aktetan ikus daitekeenez, lehenbizikoak iradoki zuen azterketa egin bitartean eskuratutako gasa merkaturatzeko, zulatze lanen kostuak berdintze aldera.
2006an hasi ziren SHESA (EAEko hidrokarburoen enpresa publikoa) eta Heyco eta Cambria estatubatuarrak Araban gas naturala ustiatzeko plana diseinatzen.
Frackingaren aurkako ekimen legegilea
Fracking Ez Araba plataformak sistema horren aurkako herri ekimen legegilea aurkeztu zuen atzo Legebiltzarrean. 30.000 sinadura biltzen saiatuko dira, ekimena Legebiltzarreko osoko bilkuran eztabaidatzeko aukera izan dadin.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]