Alor ezberdinetako ehundik gora pertsonek beren babesa eman diote Gure Esku Dagok ekainaren 21erako antolatutako ekitaldiari. Euskal Herriko politika, kultura, hezkuntza, kirol edota legegintza arloko herritar ezagunak izan dira oraingoan atxikimendua eman dutenak.
Donostiako Eureka! zientzia museoan egin dute agerraldia igandean “Gaur hautetsontzia, bihar erabakia” lemadun kamiseta soinean eta ekainaren 21eko ekitaldietarako sarrerak eskuetan dituztela.
Politikagintzako ordezkarien artean, Karlos Garaikoetxea EAko eta Xabier Arzallus EAJko buruzagi historikoak, Tasio Erkizia ezker abertzaleko kidea edota Aralarreko Patxi Zabaleta izan dira, besteak beste. Juan Jose Ibarretxe lehendakari oihak ere bere atxikimendua adierazi dio dinamikari, Donostiako agerraldian parte hartu ez badu ere.
LAB, ELA, STEE-Eilas, CCOO eta EHNE sindikatuetako ordezkariek ere bat egin dute atxikimenduarekin. Baita Euskal Herriko hainbat abokatu eta kazetari ezagunek ere: hala nola, Jone Goirizelaia eta Iñigo Iruin abokatuak, Garbiñe Biurrun (agerraldian ezin izan du egon) epailea eta Argiako Xabier Letona eta Berriako Martxelo Otamendi kazetariak.
EHUko irakasle, musikari, aktore eta idazle ugarik ere bat egin dute Gure Esku Dagoren ekimenarekin.
Euskaraz, gazteleraz, frantsesez eta ingelesez irakurritako oharrean adierazi dute iritsi dela herritarrek parte-hartzeko garaia, eta igandeko ekimenetara gerturatzeko deia zabaldu diote euskal jendarte osoari: “Herri bat gara, herritarron garaia da, eta erabakitzeko eskubidea daukagu”.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Hiru emakume euskaraz zuzendu zitzaizkien ertzain batzuei, jatetxe batengatik galdezka. Polizietako batek erantzun zien euskaraz bazekiela baina ez zuela erabiliko, eta "popatik hartzera" bidali zituen. Ertzainari plaka eskatu zioten orduan, eta poliziak erdiko hatza... [+]