Siria, Yemen edo Turkiako gerrak "hemen hasten direla" salatuko dute bizikleta martxa antimilitarista batekin
Talde ekologistek eta antimilitaristek bizikleta martxa egingo dute larunbatean Bilbon gero eta handiagoa den gastu militarra eta, Siriakoa bezalako gerretan, erakundeek duten inplikazioa salatzeko.
Batetik, Defensa Ministerioari zuzendu dizkiote kritikak, besteak beste, iaz bere aurrekontua %30 handitzeagatik eta 21 milioi euroko zorra pilatzeagatik, caza motako hegazkinak, tankeak edota urpekontziak erosten.
Bestetik, Eusko Jaurlaritzaren jarrera gogor salatu dute armagintza industria "diruz babesteagatik". Gasteizko gobernuak armak egiteko osagaiak ekoizten dituzten Sener, ITP edota Airnova enpresei diru-laguntzak eman dizkie talde ekologista eta antimilitaristen esanetan. Beste kritika bat ere luzatu diote Iñigo Urkullu lehendakariaren gobernuari, Bilboko Portutik egiten den "lehergailuz beteriko edukiontzien garraioa onartzeagatik".
Kantabriak, esaterako, uko egin dio armen garraioari Ekologistak Martxan elkarteko Joseba Sanzek azaldu duenez. "Kantabriako Gobernuak adierazpen batean esan zuen Saudi Arabiako itsasontzi hori bertan porturatzea ez zuela nahi. Eusko Jaurlaritzari horrelako adierazpenik ez diogu atera urtebetean".
Portuan aktibistek burutu dituzten mobilizazioen ondorioz, Eusko Jaurlaritza "despiste maniobrekin" ari dela dio Sanzek. "Azken zamatzea Santanderren egin ostean, ez dakigu Santanderren jarraituko duten, edota beste maniobra bat den".
Emandako datuen arabera, azken 14 hilabeteetan Saudi Arabia helmugatzat zuten 312 edukiontzi zamatu dira Bilboko Portuan, 12.000 tona lehergailurekin. Hilero mila tona bonba dira, "asko". Sanzen hitzetan, "Siria, Yemen eta Turkiako gerrak hemen hasten dira, gerra horietan erabiltzen dituzten armak hemendik bidaltzen direlako, eta horregatik gerrak hemen gelditzen ahalegindu behar dugu". Armagintza industriaren eraldaketa posible dela aldarrikatu du, bere garaian Orbeak eta Alfak egin zuten bezala.
XI. Bizi Martxa
Larunbatean, apirilak 7, 11:00etan abiatuko da XI. Bizi Martxa Bilboko Foru Jauregiaren paretik Gerra hauek oso gureak dira. Made in Euskadi armak lelopean. Lehen geldialdia Barakaldon egingo dute, ITP lantegiaren parean. Helikopteroentzat eta borrokarako hegazkinentzat motorrak ekoizten ditu ITPk. Ondoren, Santurtzirantz, porturantz abiatuko da Bizi Martxa. Bertan bukatuko da mobilizazioa.
Kakitzat, KEM-MOC, Eguzki, Ekologistak Martxan, Komite Internazioalistak, Askapena eta Ongi Etorri Errefuxiatuak babestu dute Bizi Martxa.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Ez da egia dirua falta denik munduan, estatuek eta Europar Batasunak dirurik ez dutenik herritarren behar soziolaboralak asetzeko. Gobernu bakoitzaren lehentasun politikoen menpe dago dena.
A member of the 'Ongi Etorri Errefuxiatuak' movement ('Welcome to the Refugees') has told Radio Bilbao that over the last three months no ships from Saudi Arabia have docked at Bilbao. Over the previous sixteen months they had loaded 455 containers. According to OEE, social pressure has made them use another port.
Ongi Etorri Errefuxiatuak mugimenduko kide batek Radio Bilbaori jakinarazi dionez, dagoeneko hiru hilabete dira Saudi Arabiako itsasontziak ez direla Bilboko Portuan sartu. Aurreko hamasei hilabeteetan 455 kontenedore kargatu zituzten. Kolektiboaren ustez, mobilizazio sozialak beste portu batera mugiarazi ditu.
Gutxienez Googleko hamabi langilek dimisioa eman dute konpainiaren inteligentzia artifizialaren azkenengo aurrerakuntzak ustez AEBetako Gobernuaren teknologia militarraren garapenerako erabili nahi direlako.
Telebistetako tertulietatik eta ostatuetako eztabaidetatik urrun, administrazio publikoen erabaki garrantzizkoenak urteroko aurrekontuetan ezkutatzen dira. Europar Batasunak berrikitan onartu duenak gordeta darama herritarren etorkizuna sakon markatuko duen aldaketa: milaka milioi euroko diru-laguntzak emango dizkie Europak armagintzako industriei, batik bat drone, robot eta bestelako arma automatizatuak ekoiztu eta munduan zabal ditzaten.
Giza eskubideen aldeko hainbat taldek ezohiko bide legal bati ekin diote: Italiako atzerri ministerioko zenbait funtzionario eta Alemaniako arma ekoizle bat salatu dituzte, ustez Yemengo bonbardaketetan zerikusia izateagatik.
“Babesa, militarizazioa, armagintza eta Europa gotorleku” izenburupean, Europako Parlamentuan egin den jardunaldian parte hartu du Ignacio Robles suhiltzaileak. Bilboko portutik Saudi Arabiara lehergailuak bidali behar zituen barkuaren laguntza-taldea zuzentzeari uko egin zion Roblesek 2017ko martxoan.
Zenbat eta zein eratako armak egiten dira Euskal Herrian? Nora eramaten ditugu eta zertarako? Gaur, horrelako galderak erantzungo ditu Joseba Sanzek. Gerra hemen hasten da dokumentala abiapuntu hartuta hitzaldia eskainiko du, gaur, Joseba Sanzek Tolosako Antxon Bandres bidaiarien txokoan, 20:00etan. Ataria Irratian hainbat galderari aurrez erantzun die.
Bilboko Portuko Agintaritzak Rikardo Barkala (Portugalete, 1955) izendatu du erakunde horretako presidente izateko. Kargua hartzerakoan nabarmendu dute pertsona “egokia” dela Bilboko portuan agintzeko, merkataritza itsasontzi kapitain ibili izan zelako.
Norvegiako Gobernuak jakinarazi du Arabiar Emirerri Batuei armak saltzeari utziko diola armok Yemengo gatazkan izan dezaketen inplikazioa saihesteko. Norvegiak armak eta gerra munizio ugari saldu zizkion 2016an herrialde arabiarrari, 10,2 milioi euroren truke. Etekin ekonomikoa albo batera utzi eta giza eskubideak bermatzea erabaki du herrialde nordikoak.
