“Hau da Paris eta Madrilgo gobernuetako azken bulegora arte iristea nahi dugun irudia”
Dagoeneko ohiko bihurtu da irudia. Casilla ingurutik abiatu da, 17:45ak aldera, presoen eskubideen alde Sarek deitutako manifestazioa. Aurrena, Frantzia eta Espainiako espetxe urrunenetako batzuetarainoko kilometro kopuru eskerga gogorarazten zuten furgonetak. Presoen ehunka senide ostean, ilarak osatuz. Eta antolatzaileen pankarta hirugarrenik, jende askorik gabe atzean. Haien zain, Autonomia eta Hurtado Amezaga kaleetako espaloiak lepo betez, milaka eta milaka herritar, oihu eta txaloz manifestazioa agurtu eta burua igaro ahala harekin bat egiten.
aurre egingo dieten hedabide independenteak
78.000 lagun bildu ditu Sare Herritarrak giza eskubideen, gatazka konpontzearen eta bakearen alde deituriko mobilizazioak, Gara egunkariak egindako zenbaketaren arabera –Bilboko Udaltzaingoak 65.000 lagun zenbatu ditu, hainbat hedabidek zabaldu dutenez–. “Hau da Paris eta Madrilgo gobernuetako azken bulegoraino eraman nahi dugun irudia”, esan du Joseba Azkarraga Rodero Sareko kide eta pankarta nagusia zeramaten hamahiru pertsonetako batek, Zabalburu plazan, manifestazioaren erdian, egindako adierazpenetan.
“Ikuspuntu demokratikotik ezin zaio egoera honi eutsi, eta 2017 blokeoa gainditzeko urtea izan behar da”, esan du Azkarragak; “ez dago alderdi politikoen eta erakundeen aitzakia gehiagorako lekurik, euskal jendartea eskatzen ari da Parlamentutan dauden gehiengoak baliatu eta politikak alda daitezela”. Sarek, herritarren babesa baliatuz, bere jardunaren fase berri bati ekingo diola gehitu du Eusko Jaurlaritzako sailburu ohiak.
“Euskal presoak etxera”, “Presoak kalera, amnistia osoa”, “Iheslariak etxera”, etengabe entzun dira oihuok, tarteka euria lagun. Bereziki gogor bota du manifestazio burua Buenos Aires kalera hurbildu ahala, baina azken ekitaldirako atertu du. Andoni Aizpuru eta Nerea Alias esatariek hartu dute orduan hitza, Bilboko udaletxeko aurrealdetik: “Entzun eta senti gaitzatela Parisen eta Madrilen, Espainia eta Frantziako espetxeetan eta erbestean”.
"Konponbidea eragozteko ingeniaritza juridiko saioak ikusiko ditugu"
Manifestazioaren pankartak zekarren eskabide hirukoitza, “bereizezina”, gogorarazi du Aizpuruk: giza eskubideak, konponbidea eta bakea. “Bere burua demokratatzat duen inork ezin du egoera hau onartu; jendarteari mobilizatzeko eskatzen diogu, baita adi egoteko ere, seguruenik konponbidea eta bakea eragozteko ingeniaritza juridiko saioak ikusiko ditugu eta”.
Estatuen mendeku politika eta ezohiko legediak salatu ditu Aliasek. “Ezin diogu inori mina ahazteko eskatu, baina begira dezagun aurrera”, eskatu du. Halaber, botere banaketa hautsi duen “justiziaren zati horren” aurka egin du: “[Espainiako] Gobernuaren eta haren politika bidegabeen garraiatzaile bihurtu da, zuzenbidearen eta giza eskubideen oinarrizko arauen aurka jokatuz”. Era berean, beren legediak (eta EBkoa) ez errespetatzea leporatu diete Frantzia eta Espainiako estatuei.
Manifestariek Buenos Aires zubia zeharkatzen jarraitu dute Aizpuru eta Aliasen agerraldiak iraun duen hamar minutuetan, eta ondoren. Beste ohiko irudi bat. Aurtengoa inflexio-urtea izateko eskariak ere beste urtarril batzuetako oihartzuna dakar. Tamalez, aldaketa ez dago gaur, berriro, Bilbon bildu diren milaka herritarren esku bakarrik. “Gaur hemen mobilizatu den gizarte honek bere indarra helaraziko die alderdi politikoei gauzak aldarazteko”, Joseba Azkarragaren hitzetan. Beti bezala, zain.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.