Azken hilabeteetan legez kanpoko galdeketak, jazarpenak eta eta kolaborazio eskaerak egin dizkietela salatu dute agerraldi batean Ezkerraldeko zenbait gaztek.
Haien ustez, helburua argia da: “Gainontzeko gazte antolatuen inguruko informazioa lortu nahi dute”. Ezkerraldeko gazteak prest agertu dira egoerari “aurre” egiteko eta ohartarazi dute ez direla “kikilduko”.
“Bidegabekeriei aurrez aurre eta tinko erantzungo diegu eta etorkizun hobe bat eraikitzen jarraituko dugu”, esan dute. Ezkerraldeko hainbat elkartek babesa adierazi diete gazteei.
Herrikolorek agerraldiko bideoa egin du:
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.