Oņatiko atxiloketa bortitzarengatik kontuak eskatu ditu Amaiurrek Espainiako Kongresuan

Goiena @goiena
2015eko apirilaren 13a
Manifestazio jendetsu batekin salatu zuten larunbatean Ander Astigarraga gazte oņatiarraren atxiloketa (argazkia: Goiena).

Halaxe jakinarazi du Maite Aristegi Amaiurreko diputatuak larunbat arratsaldean Oñatiko kaleetan egindako manifestazioan. Azken aldian, zenbait oñatiarrek "jasandako polizia jazarpena eta erasoa" salatu gura izan dutela gaineratu du manifestazioa deitu duen talde oñatiarrak.

Amaiur koalizioak gaia Espainiako Diputatuen Kongresura eramango duela jakinarazi du: "Amaiurrek jakin nahi du zergatik Guardia Zibilak prakak kentzeko agindua eman zion gazteari; zergatik lurrera bota ondoren bere aurpegia lokatzetan igurtzi zuten eta zergatik atxilotu ostean lurretik arrastaka eraman zuten hainbat puntutako zauria egin arte. Espainiako indar armatuek Euskal Herritik noiz egingo duten alde jakin nahi dugu. Gogora dezagun, hau ez dela gertaera isolatu bat. Iaz, Josu Lizarralde oñatiar gaztea identifikatu eta basora eraman zuen Guardia Zibilak. Lizarraldek legez kanpoko galdeketa eta tratu iraingarria jasan zuen bertan".

Gizartea "tenkatzea" helburu, Amaiurren ustez

"Euskal gizartea itotzea eta kontrolatzea da errepide kontrolen helburua eta bide batez, gizartea tenkatzea", adierazi du Jon Iñarritu diputatuak Amaiurrek kaleratutako prentsa oharrean.

"Euskal Herritik alde egiteko ordua du Guardia Zibilak, Espainiako poliziak eta armadak", gaineratu du Maite Aristegi diputatuak. Aristegik gogoratu duenez, 2012an Hego Euskal Herrian 7.753  Guardia Zibil, polizia eta militar zeudela onartu zuen Espainiako gobernuak. Legealdi honetan, errepide kontrolei buruzko hogeitik gora galdera egin dituela Amaiurrek eta hainbat txosten eskatu dituela azaldu du Aristegik.

"Legearen babespean, nahi dutena egiten dute. Jendea beldurtzeko kontrolak dira, izugarria dela iruditzen zaigu. ETAk orain dela 4 urte utzi zuen borroka armatua eta orain zertara dator hau? Herritarrak kokoteraino daude", bere ustez.

Manifestazio jendetsua

Askotariko kolore eta adineko herritarrek salatu dute larunbat arratsaldean Ander Astigarraga gaztearen atxiloketa "bortitza". "Utzi bakean oñatiarrak, jazarpen polizialik ez! Fan Hemendik" lelopean egindako manifestazioa lasaia izan den arren, Guardia Zibilaren etxe aurretik igarotzean bizi izan dira une hunkigarrienak eta tentsio momentu altuenak.

Txistuak eta oihuak entzun ahal izan dira koartel aurrean. Baina ez da liskarrik izan eta manifestazioa baketsua izan da. "Jende asko batu gara, zaharrak, gazteak... ez da sektore baten arazoa, gizarte osoarena da eta jendea batzea garrantzitsua da", azpimarratu du manifestazioa deitu duen talde oñatiarrak. Fan Hemendik eguna ospatuko dute ekainaren 13an eta helburua ahalik eta jende gehien batzea dela nabarmendu dute antolatzaileek.

[Albiste honen jatorrizko bertsioa Goienan argitaratu du Maider Arregik eta webgune horren CC-by-sa lizentziari esker ekarri dugu ARGIAra]

Kanal hauetan artxibatua: Guardia Zibila  |  OÃąati  |  Amaiur

Guardia Zibila kanaletik interesatuko zaizu...
2017-01-13 | Jon Torner Zabala
Bizkaiko Ogasuneko funtzionario bat eta Arabako guardia zibil bat espetxeratu ditzakete, herritarren datu pribatuak saltzeagatik

Bizkaiko Ogasuneko funtzionario bat –Fernando María I.G.–, Arabara destinatu zuten guardia zibil bat eta Bilboko detektibe pribatu bat –Aitor G.S.– dira zergadunen datu pribatuak saltzeagatik espetxeratu ditzaketen hamaika lagunetako hiru. Espainiako Estatuan aritzen zen sarearen kontrako 2012ko "Pitiusa operazioan" 76 lagun atxilotu zituen poliziak.


Guardia Zibilak ETAko kide bat garondoan tirokatuta hil izana ezkutatzen saiatu zen Gonzalezen Gobernua

Javier Solanak onartu du Felipe Gonzalezen Gobernuko bozeramaile zenean El País egunkariari eskatu ziola Guardia Zibilak eginiko hilketa baten xehetasunak ez argitaratzeko. Poliziek lepoaren atzealdean tiro eginda ETAko kide bat hil zuten.


2016-12-22 | Ahotsa.info
Giza kateak Altsasun auziperatuei babesa eta elkartasuna erakusteko

Altsasuko herria kalera atera da beste behin ere. Sentsasio gazi-gozoa herritaren artean Espainiako Auzitegi Nazionaletik asteazkenean jasotako berriaren ondorioz. Herriko lau gaztek askatasuna berreskuratuko duten arren, Oihan, Adur eta Jokinek barruan jarraitu beharko dutelako.


1976ko Gabon gaua Tolosan: ez bakerik, ez askatasunik

Amnistia eskatuz Olentzeroa ikurrinarekin atera zuten duela 40 urte Tolosan: Guardia Zibilak tiroka kargatu zuen herritarren kontra eta gau osoan istiluak izan ziren. Euskal Memoriak orduko testigantzak bildu nahi ditu.


2016-12-20 | Topatu.eus
Altsasuko zazpi gazteetatik lau aske utziko dituzte; beste hirurak, ez

Carmen Lamela epaileak eman du Aratz Urrizola, Iñaki Abad, Julen Goikoetxea eta Jon Ander Cob askatzeko agindua. Beste hiru gazteek espetxean jarraitu beharko dute.


2016-12-15 | Guaixe .eus
Zazpi altsasuarren espetxeratzearen kontrako helegitea astelehenean aztertuko dute

Ferietako liskarraren ondorioz Soto del Realen eta Alcala Mecon preso dauden zazpi altsasuarrek espetxeratzearen kontrako helegitea jarri zuten. Espainiako Auzitegi Nazionaleko zigor-arloko salako 4. sekzioak hilaren 19an aztertuko du Carmen Lamelak zazpi altsasuarrei jarritako baldintzarik gabeko eta fidantzarik gabeko espetxeratzea.


Ezin sinistu

Altsasun espetxeratutakoen senideekin hitz egin ondoren, kartzelan dagoen gazte baten bizipena.


2016-12-01 | Lander Arbelaitz
Thousands rally in Basque town Altsasu to demand the freedom of the seven arrested youths

“We want justice, free the detainees” was 20,000 people's demand in Altsasu. The deafening silence was only broken by the sound of applause. The seven young people who were arrested as a result of the fight on the 15th of October have spent more than two weeks in Soto de la Real and Alcalá de Henares prisons, near Madrid, 400 kilometres from their homes in the Sakana valley. They are accused of crimes which could be punished with between ten and fifteen years in prison... [+]


2016-11-30 | Ahotsa.info
Egia eta justizia aldarrikatu dute Orbaizetan Mikel Zabalza gogoratzeko ekitaldian

Mikel Zabalza Orbaizetako Arma Olan gogoratu dute gaur egindako ekitaldi batean, bere hilketaren 31. urtemugan. 1985an atxilotu zuen Guardia Zibilak Donostian, eta Intxaurrondora eraman ondoren, ihes egin zuela zabaldu zuten. 20 egun beranduago agertu zen bere gorpua Bidasoa ibaian. Torturapean hil egin zutela salatu da ordutik. Euren senideek egia eta justizia aldarrikatu beste behin ere.


2016-11-26 | Lander Arbelaitz
"Justizia nahi dugu, atxilotuak askatu", milaka lagunen oihu isila Altsasun

Milaka lagunek justizia eta atxilotuta dauden zazpi gazteen askatasuna eskatu dute Altsasun. Manifestazio isila izan da eta Euskal Herri osoko jendea batu da bertan. Antolatzaileek adierazi dute 20.000 pertsona inguru zenbatu dituztela. Ikerketa Espainiako Auzitegi Nazionaletik Iruñeko Auzitegira ekartzeko eskatu dute. Nafarroako Gobernuko ordezkaritzak ere eskaera bera egin du manifestazio hasieran.


Azkenak
EGILEA
Eguneraketa berriak daude