Bruselako Parlamentuan hitz egingo du Oiolako urtegia deskonektatzearen aldeko plataformak martxoaren 19an. Urtegia lindanoak kutsatuta dagoela salatu dute behin baino gehiagotan.
Ura edangarria dela frogatu bitartean kontsumorako erabilia izan ez dadin deskonektatzea eskatzen dute plataformakoek. Espainiako Estatuko agintariei kalitate azterketa zehatza egin dezala ere exijitu diote.
Oiolako urtegiko ura Bizkaiko milaka etxetara iristen da eta zenbait azterketa medikuk frogatu dutenez minbizia eragiten duten substantziak dauzka ur horrek.
Barakaldoko eta Sestaoko 100.000 bizilagun baina gehiagok garbiketarako, sukalde lanetarako eta kontsumo propiorako erabiltzen dute urtegitik iristen zaien ura.
Europara babes eske
Azken egunotan plataformako kideek gutunak helarazi dizkiete Europako Parlamentari guztiei. Asmoa "atentzioa deitu eta Oiolako urtegiaren arazoa ezagutaraztea" dela azaldu dute.
Zenbait alderdirekin bildu dira, zuzenean egoera azaldu asmoz, eta asteazkenean Javier Vazquez plataformako bozeramaileak Europako Parlamentu Batzordean zuzenean hartuko du parte, 17:00etatik aurrera.
Europako Parlamentuan ez ezik, Bilbon ere egingo dituzte Oiolako urtegia deskonektatzearen aldeko eskaerak: Uribitarte kaleko URA erakundearen egoitza parean, 10. zenbakian, kontzentrazioa deitu dute asteazkenean 11:30etan.
Informazio gehiago:
- Javier Vazquezek Parlamentuan egingo duen interbentzioa zuzenean ikusteko aukera izango da Europako Parlamentuaren webgunearen bitartez.
- Oiolako aferaren jarraipen zehatza egingo du Herrikolore webguneak Twitter bidez.
- Plataformak argitaratutako prentsa oharra Barakaldo Digital atarian.
- ARGIAn:
Uraren kudeaketa: Elementu ezinbestekoena merkatuaren jomugan (erreportajea, 2013-07-28; joan amaierarako koadrora)
Oiolako urtegia eta Castaños ibaia berdez koloreztatuta agertu dira (albistea, 2013-07-08)
Ekologistak Martxan taldeko ordezkariak Eusko Legebiltzarreko Ingurumen Batzordean izan dira, EH Bilduen eskariz, Espainiako Estatuan lindanoak eragindako kalteei buruzko txostena aurkezten. Europako Legebiltzarrean egindako azken bisitan talde politiko guztiek arazoari... [+]
Lindanoak Espainiako Estatuan eragindako kutsadurari buruzko txostena argitaratu du Ekologistak Martxanek, Pozoitze iraunkor eta isil baten kronika izenburupean. Taldeko bozeramaile Javier Vázquez Velascok Barakaldon aurkeztu duen txostenean azken mendean fabrikatutako... [+]
Europako Batzordeak finantzaketa lortuko luke Trapagareneko Oiolako urtegiaren arazoa konpontzeko, eskumena daukaten erakundeek behar bezalako proiektua aurkeztuz gero. Hala jakinarazi die Daniel Calleja Batzordeko Ingurumen zuzendariak Oiolako Urtegiaren Deskonexioaren... [+]
Ekozinemaldiak hamargarren edizioa du 2016an. Ekologia sozialari buruzko dokumentalak eta film luze eta laburrak eskaintzen ditu Ekologistak Martxanek antolatutako ekimenak; aurten energi eredua, klima aldaketa eta energi trantsizioa izango ditu ardatz nagusi.
Joan den azaroan Marina Albiol (Izquierda Unida) eta Josu Juaristi (EH Bildu) europarlamentarioen bisita jaso eta gero, Oiolako Urtegiaren Deskonexioaren Aldeko Plataformako zenbait kide Europako Parlamentuan izango dira martxoaren 14 eta 15ean, bertako Eskaera Batzordean... [+]