Nafarroa Oinez arrakastatsuaren ondoren, lekukoa Zangozatik Baztanera

  • Eguraldia lagun, milaka pertsona bildu ziren igandean Zangozan bertako ikastolari babesa emateko  'Esan, izan, gozan' lelopean.


2014ko urriaren 20an - 00:00
Azken eguneraketa: 2015-02-26 13:37:33
Jende andana Nafarroa Oinezen, Zangozako Ikastolaren aldeko festan. (Argazkia: nafarroaoinez.net)

10:00etan egin zuten hasiera ekitaldia, eta besteak beste, Pello Irujo Nafarroako Ikastolen Elkarteko presidenteak hartu zuen hitza. Aldarrikapen garbi batekin eman zion hasiera egunari: LOMCE legea eta hezkuntzan egiten ari diren "joko partidistak” salatu zituen.

2015ean Nafarroa Oinez antolatzeko lekukoa pasa dio Zangozak Baztango Ikastolari. Baztandarrek pozik eta gogotsu hartu dute ardura eta zangozarrek bezain ondo egitea espero dutela esan zuten Elena Zabaleta Baztango Ikastolako lehendakariak eta Josune Ortega zuzendariak eguerdiko ekitaldian.

Festa lau gunetan banatu zen. Lehenengoa helduentzat prestatu zuten: herri kirolak, musika eta dantza emanaldiekin. Bigarren eta hirugarren guneetan musika izan zen nagusi. Besteak beste, honako talde hauek jo zuten: Gose, Glaukoma, The Soulbreaker Company, Willis Drummond, Leihotikan, Arkada Social, Los Zopilotes Txirriaos eta Esne Beltza. Laugarren guneak berriz, familian gozatzeko aukera eskaini zuen.

LOMCE forma hartzen ari da Berriozarren

Sortzen elkarteak salatu duenez (PDF), Berriozarreko eskolan LOMCEk behartzen dituen hirugarren mailako proba pilotuak egiten hasi dira. Sortzenek aurka dagoela adierazi eta legearen aplikazioa “ezkutuan” egiten ari direla salatu du.

LOMCEk ezartzen dituen proba horien emaitzak publikoak izango direla gogorarazi eta horrek ikastetxeen arteko “rankinga” sortuko lukeela uste du Sortzenek. Gaineratu du testuinguru hurbiletik kanpo egiten diren probek ez dutela “lekuko errealitatea” kontuan hartzen: “Ebaluazio proba hauek curriculumaren kontrolerako beste tresna bat besterik ez dira”.

Ikasturtearen hasierari “modurik egokienean” erantzuteko ondorengoa proposatzen dute:  informazioa bildu, heltzen den agindu bakoitzaren aurrean langile eta eskola komunitatean aurre egiteko moduak bilatu eta LOMCEren kontrako jarrera mantendu.


Kanal honetatik interesatuko zaizu: Nafarroa Oinez
2023-10-09 | ARGIA
Euskararen ofizialtasuna aldarrikatu dute Nafarroa Oinezen

Etxarri Aranatzen, Andra Mari ikastolak antolatu du 2023ko Nafarroa Oinez, Hotsein lelopean. Festaz gain, bi aldarrikapenek hartu dute tokia: euskara ofiziala izatea Nafarroa osoan eta Euskal Herri osoan euskaraz bizi ahal izatea. Hurrengo Nafarroa Oinez Zangozako Ikastolak... [+]


2023-06-14 | Ilargi Manzanares
Nafarroa Oinez kantuak aldarrikatuko du euskarak ofizial behar duela Nafarroa osoan

Etxarri Aranatzeko Andra Mari Ikastolak aurkeztu du asteartean “Nafarroa osoan bai!” kantua, San Ferminetarako prestatu duten Oinez Txokoarekin batera. Joseba Tapiak konposatu du musika, eta Maddalen Arzallusek egin du letra.


2022-10-30 | Leire Artola Arin
Nafarroa hegoaldetik sortu da euskararen aldeko bultzada berria

Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]


Zonifikazioa Nafarroan
Hezkuntzan ere euskarak hamaika oztopo

Nafarroa osoan euskara ofiziala izan dadin hamaika ekimen antolatzen ari direla kontatu dizuegu erreportaje honetan. Bada, hezkuntzari dagokionez ere, zonifikazioari aurre egiteko zenbait modu dituzte; oztopo adina indar dute euskaltzaleek. Jarraian bi adibide: batetik,... [+]


2022-10-17 | ARGIA
Jendetza bildu da Tafallan euskarari babesa ematera

Urriaren 16an jendetza bildu da Tafallan Nafarroa Oinez ospatzeko. Egunaren arrakasta nabarmendu du antolakuntzak, "bai bertaratu den jendearengatik, bai eta normaltasun osoz igaro den jaiegunarengatik ere". Eskerrak eman dizkie, batetik, Tafallan "euskara... [+]


Eguneraketa berriak daude