Argazki bilduma

Mugimendu feministak "kontzertu klandestinoa" egin du Bilbon erresidentzietako langileekin elkartasunez

  • Urtebete borrokan ari diren Bizkaiko erresidentzietako langileekin elkartasunez, Bizkaiko Mugimendu Feministak "kontzertu klandestinoa" eman du Bilboko Olimpia egoitzan. "Zaintza lana feminizatzeak daukan ondorio zuzena da langile hauek de facto pairatzen duten prekarietatea, desbalorizazioa eta inbisibilizazioa" adierazi dute eta Bizkaiko Aldundia "kontu honekin egiten ari den negozioa" ere salatu dute.

Estitxu Eizagirre @eeizagirre
2017ko maiatzaren 05a
Laida Zabalaren argazkiak

Bizkaiko Mugimendu Feministak kontzertu klandestinoa eman du erresidentzietako langileen borrokarekin elkartasunez. Musika joaz, dantzan eta jai giroan hartu dute Bizkaiko Mugimendu Feministako 40 bat emakumek Bilboko Olimpia erresidentzia. Ekintza honekin salatu dute lan produktibo eta erreproduktiboen dikotomia faltsua: "Zaintza lanak ez omen dira produktiboak sistema honentzako eta lan feminizatuak izaten dira maiz, jendartearen rol banaketan horixe tokatu zitzaigulako emakumeoi. Baina, nork sostengatzen du bizitza? Hori ez al da garrantzizkoa?" adierazi dute bidalitako oharrean. Egoitzako arduradunek Ertzaintzari deitu diote eta musikariak identifikatu dituzte.

Bizkaiko erresidentzietako langileen lan baldintzei lotuta, Bizkaiko Aldundiaren jarrera salatu dute: "agerikoa da Diputazioa kontu honekin egiten ari den negozioa, patronala diren enpresetatik dirua irabaziz, aitzakia merke eta egoeraren manipulazioa erabilita, emakumeak zuzenki irainduz eta euren borroka erridikulizatzen saiatuz".

Bizkaiko Mugimendu Feministaren aldarria

Adierazpen hau helarazi du kontzertu klandestinoa burutu duen mugimenduak:

"Gu gara, ibiltzeko gai ez zaretenean zaintzen zaituztegunak eta ibili behar zenuten guztia ibilita daukazuenean ere zaintza horrekin jarraitzen dugunak. Zuen bizitzak sostengatzen ditugunak gara, momentu askotan bizirauteko behar dituzuenak gara. Prekarietatearen aurpegirik gordinena gara. Zuen bidegabeko sistema elikatzeko behar dituzuen horiek gara. Maneiazinak gara.

Langileak gara, ikasleak, langabetuak... Zuen amak gara, zuen alabak, zuen ahizpak... elkarri eskuak ematen diozkiogunak gara, batzen garenak eta elkartzen garenean, bat eta bakarra gara.

Sistema honek baimentzen dituen baliabide guztiak agortu dituztenen ahotsa isilarazten saiatu dira, inoiz eman behar ez zen egoera bat salatzeko. Borrokatzen duten emakumeen ahotsa klandestinitatera eramaten saiatu dira. Beraz, horrela erantzuten dugu guk ere klandestinoa den elkartasun kontzertu bat eginez; eta beste aukerarik utzi ez digutelako erabaki dugu horrela egitea".

Laida Zabalaren argazkiak:

Sarri-sarri kanta ezagunaren bermoldaketa jo eta abestu zuten erresidentzia barruan: Badakit zer pasatzen den
residentzietan
jendea hasi dela kexatzen sarritan
zerbait ikustekoa du
ratio ta soldaten
Recuento generalean

¿quién nos cuida? ¿quién nos cuida? ¿quién nos cuida?
¿quién nos cuida? ¿quién nos cuida? Siempre eres tú
¿quién nos cuida? ¿quién nos cuida? ¿quién nos cuida? Viva tú

Emakumeak han ziren
jendea zaintzen zuzenean
normala balitz bezela
eta Rementeria ta agintariak
horren garrantziaz konturatu gabeak. ¿quién nos cuida? ¿quién nos cuida? ¿quién nos cuida?
¿quién nos cuida? ¿quién nos cuida? Siempre eres tú
¿quién nos cuida? ¿quién nos cuida? ¿quién nos cuida? Viva tú

Zaila dugu ikustea
ikusezinagorik
borroka luze
baten murgildurik
prekarietatearen
aurpegi latzenak
jendartearen
zuloak estaltzen. Badakit zer pasatzen den
residentzietan
jendea hasi dela kexatzen sarritan
zerbait ikustekoa du
ratio ta soldaten
«Recuento generalean».

¿quién nos cuida? ¿quién nos cuida? ¿quién nos cuida?
¿quién nos cuida? ¿quién nos cuida? Siempre eres tú
¿quién nos cuida? ¿quién nos cuida? ¿quién nos cuida? Viva tú

¿quién nos cuida? ¿quién nos cuida? Las precarias
¿quién nos cuida? ¿quién nos cuida? Juntas somos más
¿quién nos cuida? ¿quién nos cuida? Luchamos y

Seguiremos así


Bizkaiko zahar egoitzetako gatazka kanaletik interesatuko zaizu...
Garaipenaren bizipoza

Batean, azpikontratatutako zahar etxeetako langileak, mozkinen arabera (des)araututako sektore feminizatuan. Bestean, patronala, prekarietatearen aparretan eroso, eta Bizkaiko Foru Aldundia, ez-ikusiarena egiten. Horrela bi urtez, borrokan, lan baldintzak duintzeko. Eta urtebetez greban. Erraz esaten da. Beste hainbat kasutan bezala, botere politiko eta ekonomiaren arteko ohiko elkarlana langileen aldarrikapena itotzen saiatu da. Oraingoan, ordea, bizitza zaintzen dutenek irabazi dute. Beraz,... [+]


2017-10-30 | Miren Osa Galdona
#ErresidentziakBorrokan: garaipenaren osteko irudiak

Horrela ospatu zuten Bizkaiko zahar etxeetako langileek urtebeteren ostean greba amaitu izana. ELA sindikatuak zabaldu ditu irudiak eta bideo bat ere osatu dute urte honeta egindako ibilbidea azalduz. Pasa den ostiralean, urriaren 27an, lortu zuten patronalekin hitzarmena sinatzea. Lan baldintzak hobeagoak, soldata igoera eta pertsonal gehiago kontratazeko akordioa lortu dute.


2017-10-26 | Miren Osa Galdona
Patronalekin akordio batera iritsita, amaitu da Bizkaiko zahar etxeen greba

Urtebeteko grebaren ostean, adostasun batera iritsi dira Bizkaiko erresidentzietako langileak eta patronalak.


"Uste dute emakume langile, sindikalista, eta feministok gaitasunik ez dugula"

Soraya García Bizkaiko zahar egoitzen sektorean ELA sindikatuko delegatuaren hitzak dira. Greban jarrera nabarmen matxistak jasan dituzte patronalengandik.


"Uste dute emakume langile, sindikalista, eta feministok gaitasunik ez dugula"

Soraya García Bizkaiko zahar egoitzen sektorean ELA sindikatuko delegatuaren hitzak dira. Greban jarrera nabarmen matxistak jasan dituzte patronalengandik. ELAk adierazi duenez, patronaletako batekin, Gescarekin, akordiora iritsi dira. Bigarren patronal batekin adostasunera iritsiko balira ia urtebeteko greba bukatutzat emango lukete. 


2017-09-15 | Xalba Ramirez
Irailaren 20an emakumez osatutako mobilizazioa Gasteizen: "Zaintzaileak zainduz, bizitzak zaindu"

Bizkaiko zahar egoitzetako langileek urriaren 31 arte luzatu dute greba deialdia. Jada 300 egun baino gehiago egin dituzte greban, lantokiak gainditzen ari den borrokan. Irailaren 20an emakumez osatutako mobilizazioa deitu dute Gasteizen.


2017-07-21 | Xalba Ramirez
Bizkaiko erresidentzietako langileek abuztuan greban jarraituko dute

ELAk Bizkaiko Erresidentzietan dituen delegatuek asanblada egin zuten uztailaren 19an. Greba, gutxienez, abuztu osora luzatzea erabaki dute. 220 egunetik gora daramate greban eta 17 hilabeteko lan gatazkak.


Kanpaldia egin dute Bizkaiko zahar-etxeetako langile grebalariek

Gizarte-zerbitzuetan lan duina eskatzeko egin dute hiru eguneko kanpaldia zahar-etxeetako langileek asteburuan Bilbon, Arriaga antzokiaren alboan jarritako karpan.


Kanpaldia egin dute Bizkaiko zahar-etxeetako langile grebalariek

Gizarte-zerbitzuetan lan duina eskatzeko egin dute hiru eguneko kanpaldia zahar-etxeetako langileek asteburuan Bilbon, Arriaga antzokiaren alboan jarritako karpan.


2017-06-07 | Uriola.eus
Zahar-egoitzetako grebalariak ostiraletik igandera kanpaldia egitekoak dira Arriagan

Lehenengoan ez zuten lortu, Udalak baimena ukatu zielako. Bizkaiko erresidentzia pribatuetako langile grebalariek bigarren saiakera bat egitea erabaki dute Arriaga plazatik euren "borroka eta oinarrizko eskaerak gizarteratzeko". Argi baitute bakarrik ezin dutela, "gizarte osoaren sostengua" behar dutela.


Eguneraketa berriak daude