Hala Bedi, Eleak/Libre eta Kaleratzeak Stop Araba Eusko Legebiltzarreko Segurtasun Batzordean izan dira apirilaren 25ean. Alderdi politiko guztietako ordezkarien aurrean, Mozal Legea indargabetzeko exijitu dute beste behin, baita Mikel Saenz de Buruaga kazetariari ezarritako isuna bertan behera uzteko ere.
Batzordean, herritarrek informazioa jasotzeko duten eskubidea aldarrikatu du Hala Bedik, eta irrati horretako kide Mikel Saenz de Buruagari ezarritako isuna kentzeko eskatu: kasua kontatu dute, nola "erasoa jasan zuena erasotzaile moduan aurkeztua" izan den, eta nola, isuna ezabatzen ez bada, auzitara eramango duten Eusko Jaurlaritza. "Demokrazietan, hedabideak bermea dira. Diktaduretan, salaketa tresna dira. Baina beti daude pertsonen zerbitzura. Polizia, demokrazian edo diktaduran, beti dago Gobernuaren zerbitzura. Zuen esku dago zein motatako Gobernua bultzatu nahi duzuen", adierazi dute batzordean Hala Bedikoek, eurek argitaratu dutenez.
Eleak/Libre mugimenduak adierazteko, biltzeko eta manifestatzeko eskubideetan jarri du indarra. "Demokrazia bera dago jokoan", gaineratu dute. Mugimenduarentzat, "bereziki kezkagarria da nola ari diren urratzen herritarren Eskubide Zibil eta Politikoak".
Hiru eskaera
Hiru eskaera nagusi egin dizkiote Legebiltzarrari: Mozal Legearen kontra dagoela publikoki berretsi dezala; legea berriz aplikatzen bada Legebiltzarrak publikoki salatu dezala, legea aplikatu dioten pertsonari babesa eskainiz; eta Legebiltzarrak berriz ere eska dezala Mozal Legea ez dadila aplikatu eta berehala indargabetu dadila.
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]