Moncloaren bertsioa: "Gaurkoan ez da erreferendumik egin Katalunian"

  • Mariano Rajoyk hedabideen aurreko agerraldia egin du urriaren 1eko gertakariak baloratzeko. “Esan dezaket gaur ez dela erreferendumik egin Katalunian; gure zuzenbide estatuak indar osoz jarraitzen du”, esan du Espainiako presidenteak.

ARGIA @argia
2017ko urriaren 01a

Rajoyk zilegitasuna kendu dio Generalitateak deitutako autodeterminazio erreferendumari, eta adierazi du Kataluniako herritarren gehiengoak bizkarra eman diola deialdiari. "Eszenifikazio hutsa izan da". Espainiako presidentea hori esaten ari zen une bertsuan zabaldu da erreferendumean bozkatu dutenen kopuruaren datua: hiru milioi inguru.

Poliziaren jarduera onetsi du presidenteak, eta ez du aipamenik egin 400dik gira zaurituez eta egun osoan Kataluniako karrika eta hauteslekuetan ikusi diren bortizkeria irudiez. Espainiako polizi indarrek neurriz jokatu dutela esan du, eta gehitu du nazioarteko komunitate osoaren babesa jaso du duela Madrilek gaurkoan.

Etorkizunari dagokionez, berehalako urrats bi iragarri ditu Mariano Rajoyk: Espainiako Diputatuen Kongresuan ordezkaritza duten alderdi guztiekin biltzea –“elkarrizketarako borondatea” beti eduki duela” esan du, izan ere–, eta bihar bertarako bere agerraldia eskatzea. Generalitateari, berriz, hartutako bidea uzteko eskatu dio, eta zeharka bada ere –ez baitu poliziaren erasoaldiaren larritasuna aitortu–, gaurko gertakarien erantzukizun osoa leporatu dio. "Bazekiten erreferenduma legez kanpokoa eta ezinekoa zela, baina ez die inporta izan".


Kataluniako erreferenduma kanaletik interesatuko zaizu...
2018-01-05 | La Directa
Urriko lehen eguna
MULTIMEDIA - dokumentala

Kataluniako autodeterminazio erreferendumari buruzko dokumentala argitaratu dute La Directa eta dozenaka herri hedabidek elkarlanean egun hura jorratzeko propio sortutako Agència UOk. Urriaren 1ean hainbat hauteslekutan jasotako testigantzen bidez, Kataluniako historiara igaroko den egunean gertatu zena jorratzen dute.

Oharra: Euskarazko azpidatziak dauzka, eta youtubeko playerrean aktibatu behar dira.


2018-01-03 | Andoni Mikelarena
Kataluniako erreferendumaren aurka poliziak izandako jokabideaz azalpenak emango ditu Zoidok

Urtarrilaren 18an egingo du agerraldia Espainiako Barne ministroak Senatuan. PSOEk eta EH Bilduk egindako eskaerei erantzunez, bere borondatez egingo du agerraldia.  


2017-12-27 | Andoni Mikelarena
CUPeko bi zinegotzi atxilotu dituzte urriaren 1aren harira

Marta Llorens eta Oriol Ciurana, Reuseko zinegotziak biak, atxilotu dituzte Esquadra Mossoek epailearen aginduz. Zinegotziek ez dute onartzen Espainiako justizia eta horregatik ez ziren deklaratzera joan.


2017-12-14 | Xabier Letona
Guardia Zibilak Uniposteko zuzendari nagusia atxilotu du, urriaren 1eko erreferendumaren ikerketaren baitan

Guardia Zibilak Pablo Raventós Unipost mezularien enpresako zuzendari nagusia atxilotu du, ostegun goiz honetan enpresa honek Hospitalet de Llobregaten duen egoitzan egiten ari den miaketan.


2017-12-07 | ARGIA
45.000 kataluniarrek laguntza eskatu diote EBri Bruselatik bertatik

Urriaren 27an independentzia aldarrikatu zuen Kataluniako Parlamentuak. Egun berean, Espainiako Konstituzioaren 155. artikulua aplikatu zieten, autonomia Madrildik gidatzeko asmoz. Abenduaren 21ean hauteskunde autonomikoak egingo dira.


"Gomazko balak mundu guztiari debekatzea nahi dut, ez soilik Mossoei eta Katalunian"

Urriaren 1eko Kataluniako autodeterminazio erreferendumean begi bateko ikusmena galdu zuenetik lehen aldiz mintzatu da publikoki Roger Español. Espainiako Polizia Nazionalak tiro egindako gomazko bala batek jota bizitza aldatu diote.


2017-11-17 | Xabier Letona
Katalunia, kronologiaren gaineko hausnarketa

Irailak 29. Eguzkia atera gabe oraindik, treneko butaka erosoan nindoan urduri eta ikusmin itzelarekin, Bartzelonan zer topatuko zain, begiak orain paisaian orain mugikorreko albisteetan iltzatuta. Ostirala zen eta igandean erreferendumaren eguna; oraindik ezin nuen irudikatu nola egingo zen.


"A por ellos"

Gasteizen, erregimenarentzat arriskutsua zen mugimendu asanbleario bat zapaldu nahi izan zen eta herri oso bat atera zen kalera. Katalunian ere egungo erregimena kinkan jarri du prozesu independentista transbertsal eta zabalak.


Katalunia, Espainiaren aukera

Hamaikagarren aldia da Espainiako Estatuaren izaera inperialista eta totalitarioa konstituzioaren atzean ezkutatzen ikusten ditugula PP eta PSOE. Itxurak besterik ez dira, izan ere, Espainiako Estatuan (mundu osoan ez bada) demokrazia hitz hutsa dela antzezlan honetako aktore guztiek ongi dakite. Guztiek. Espainiako ezkerrak ere bai.

Bere burua ezkerrean kokatzen duten espainolek, kontinente oso bat masakratu eta ustiatu zuen inperioaren eta frankismoaren oinordeko izateari utzi eta beste... [+]


Azkenak
EGILEA
Eguneraketa berriak daude