Martxoaren 22an grebara deitu dute sindikatuek EAEko hezkuntza publikoan
Lan baldintzak hobetzea eskatu eta hezkuntza arloan inbertsio falta salatzeko deitu dute lanuztea Steilas, ELA eta LABek. Nafarroan ez dute baztertu mobilizazioei ekitea, foru gobernuarekin irekitako negoziazioan "pauso esanguratsuak" ematen ez badira.
Hezkuntza publikoan nagusi diren sindikatuek grebara deitu dute martxoaren 22an Araba, Bizkaia eta Gipuzkoan, sektorea dagoen "egoera larria" salatzeko. Donostian egindako prentsaurrekoan iragarri dute greba egingo dutela, eta hainbat arrazoi eman dituzte horretarako: azken urteetako murrizketak, erreforma "inposatuak" eta hezkuntza publikoan "berdintasun eta heziketa integrala" ardatz hartu beharra, besteak beste.
Egoera larri horri "buelta" emateko ezinbestekotzat dute lan baldintzak hobetzeko negoziazio kolektiboari ekitea, bai EAEn eta baita Nafarroan ere. Azkeneko erkidego honetan, azaldu dutenez, elkarrizketan ari dira Barkosen gobernuarekin eta ondorioz oraingoz ez dute grebarik egingo, baina ez dituzte mobilizazioak baztertu norabide horretan urratsik ez bada ematen.
Sindikatuek hainbat neurri zehatz exijitu dituzte azken urteetako murrizketei aurre egiteko, hala nola: hezkuntza publikoko plantilla handitzea, EAEn gutxienez 2.000 lagun gehiago eta Nafarroan 900; irakasleen behin-behinekotasuna %40tik %6ra murriztea; eta ikasgela bakoitzeko dagoen ikasle kopurua ere %10 murriztea. Baja, ordezkapen eta erretiro duinak izateko ere hainbat neurri proposatu dituzte sindikatuok.
"Hezkuntzaren merkantilizazioa alde batera uztea eskatzen dugu –azaldu dute sindikatuek prentsaurrean irakurritako oharrean–, egungo desorekak gaindituz hezkuntza garapen pertsonal eta sozial integralerako tresna izan dadin, kohesio soziala eta integrazioa bultzatuz, aniztasuna, berdintasuna eta hezkidetza oinarri".
ARGIAren efemerideen kanalean topatu dut berri zaharra: 1918ko apirilaren 23an, Irlandako langileek greba orokorra egin zuten I. Mundu Gerrarako derrigorrezko erreklutamenduaren aurka. Langileen eta independentziazaleen erantzunari esker, Britainia Handiak atzera egin behar izan... [+]
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Herriko kirolgune, liburutegi, gazteleku, kulturgune, eskola inguru eta abarrek bereizgarria gehitu dute sarreran, jendeari eskatuz mugikorra bazter utz dezala. “Kalitatezko aisialdiaz gozatzea da helburua, arreta horretara jarrita, mugikorrak ekarri ohi duen distrakzioa... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Ipar Euskal Herriko ikastolen aldeko bestaren 42. edizioa iraganen da maiatzaren 11n Senperen.
Ikaslea zenbat eta adinez txikiagoa izan, orduan eta feminizatuagoa da irakasle lana: Haur Hezkuntzan, 10 irakasletik 9 baino gehiago emakumeak dira munduan, Lehen Hezkuntzan %67a eta DBHn %54a. “Kuriosoa da, zaintza oinarri duten beste lan batzuetan (erizainak, erizain... [+]
EAEko Auzitegi Nagusiak agindu ostean eskola kirolaren aurkako epaia berehala betetzeko, Gipuzkoako Diputazioak jakinarazi du erabakia "onartu eta errespetatu" egingo duela, helegiterik ez duela aurkeztuko, eta aurrez Espainiako Auzitegi Gorenean jarritako kasazio... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Gipuzkoako sorrera prozesuari buruzko bere doktore tesia aitzindaria izan zen, lurralde historikoen bilakaera ulertzeko. Deustuko Unibertsitateko irakaslea, historialari askorentzat eredu izan da bere lan egiteko eta irakasteko modua. Igande honetan hil da Elena Barrena Osoro... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Hirugarren greba zikloa iragarri dute Steilas, ELA, LAB eta CCOO sindikatuek maiatzaren 12tik 16ra bitartean, hezkuntza publikoa indartzearen alde. Azaldu dute Hezkuntza Sailak helarazitako azken proposamenak ez diela euren aldarrikapenei erantzun egokirik ematen.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]