Lurrama 9 Miarritzen, famili nekazaritza maite dutenen bilgune nagusia
Ostiralean hasirik igandea arte luzatuko da Miarritzeko Irati gelan Lurrama azoka eta Familia Laborantza izango du gai nagusia. Savoia izango da herrialde gonbidatua. Hiru egunotan Miarritzeko Irati azokagunean (aireportuaren ondoan) merkatua, bazkariak, erakusketak eta hitzaldiak izanen dira. Aurten, gainera, kanpoan instalaturik dago karpa bertan laborantzan erabili daitekeen tresna berriak aurkezteko. Aurtengo edizioari goiburutzat "Familien Laborantza herrikoia" ipini diote, laborantza hau zehazki zer den, zein oztopo eta zein aterabide izaten ahal dituen esplikatuko du Lurramak. Savoiako herria izanen da heldu den edizioko gonbidatua. (Ikus Lurramaren egitaraua osorik).
Mixel Berhokoirigoin nekazari ezagunak azaldu duenez, "laborantza mota honek bermatzen du, munduan zehar dauden 500 milioitik gora etxalderekin, munduak kontsumitzen dituen elikagaien %80". Gainera, munduko populazioaren %45i ematen dio bizibidea. Baina, aldi berean, Lurramaren antolatzaileek nabarmendu dute gure artean familen barruan laborantza transmisioa nozitzen ari den ezintasun handia: "Duela gutxi jakina izan zen Xiberoak 122 etxalde galdu zituela hamar urteetan. Erretreta hartzen duten laborariek lurrak auzoei utzi eta soilik etxaldeak saltzen dituztelako". Alderantzizko albisteak ere izaten dira, zorionez, adinagatik eskuz aldatzea eskatzen duten baserrietako batzuek lortzen baitute aurrera jarraitzea ingurutik bezala urrundik, sarritan hiritik, etorritako gazteen indarrez.
Iaz Bretainia izan zen bezala aurten Alpe inguruetako Savoia eskualdea izango da Lurramako konbidatua. Savoiatik etorritako 50 bat laborarik hango errealitatea ezagutaraziko dute, beren produktuak erakutsiz, mendiko laborantzaren inguruan duten ezagutza eta eginmoldeak esplikatuz, eta abar.
Lurramaren 9. edizioaren gazaita edo aitapontekoa Valentin Beauval agronomo aditua izango da.
"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.
Frantsesenia lizeoa, 70 urtez Ipar Euskal Herria barnealdeko laborarien formatzen.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]