Lasarte-Oriako Udalak Elebeltzeko jarduna eteteko egindako presioa salatu dute
Elebeltzen aldeko plataformak adierazi du zentroaren jarduna geldiarazi eta okupazio mugimendua kriminalizatzen saiatu dela Lasarte-Oriako Udala. Alkatetza berria egiten ari den presioa ez dela eraso isolatua salatu dute, herri mugimenduaren aurkako estrategiaren parte baizik.
Plataformako kideek azaldu dutenez, aurreko astean herritar batek alkatetzak argitaratutako dekretu baten bidez mehatxuak eta presioak jaso zituen. Elebeltzen kontrako neurriak hartzeko presioa eraginez lokaleko jabeari ere mehatxu egin zitzaiola gaineratu dute. Salatu dute inolako bermerik gabeko prozedura izan dela: “Oinarri eta ondorio juridikoak zehazten ez dituena, eta beraz, defentsa gabeko prozedura bat”. Bestalde, herritarra juridikoki inplikatzeko herriko aldizkaria erabili izana ere kritikatu dute.
Alkateak Elebeltzen ateak itxita ikusi nahi dituela, eta erantzun bateratua ematera deitu dituzte herritarrak. Elebeltzeko kideei eta mehatxuak jaso dituzten herritarrei euren babesa eta laguntza osoa eskaini diete plataformako kideek. Abiatutako prozeduraren aurkako helegitea aurkeztuko dute udaletxean eta Elebeltzeri babesa adierazteko mozioa osoko bilkuran. Arartekoan salaketa jarriko dutela ere azaldu dute.
“Alkatetzaren eraso honen izaera politikoa eta eman diren irregulartasun guztiak azaleratu eta argi eta ozen adierazi nahi dugu ez dituztela gure ahotsak isilduko. Elebeltzi eta bertako kideei babes osoa adierazten diegu herria kolorez janzten jarrai dezaten nahi dugulako”, adierazi dute plataformako kideek.
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.