Langile bat hil da Bilboko Albia eraikina eraberritzeko obretan

  • Behargina hamar metroko garaieratik jauzi da eraikineko beirategitik sarrerako zorura. Jadanik 50etik gora dira aurten Euskal Herrian lan istripuengatik hildakoak, horietako asko azpikontrataturiko enpresetan jarduten zuten.

Urko Apaolaza Avila @urkoapaolaza
2016ko azaroaren 02a

Bilboko Albia eraikineko aurrealdea eraberritzen ari dira guztiz eta obra horietan ari zen langile bat hil egin da asteazken arratsaldean, 10 metroko garaieratik jauzita. Eusko Jaurlaritzako Segurtasun sailak Europa Press agentziari labur azaldutakoaren arabera bertara anbulantzia bat joan da, baina langilea hilda zegoen ordurako.

Bilboko EH Bilduk jakinarazi duenez, Udaleko Bozeramaileen Batzordea bildu dadila eskatuko du, istripuari buruzko argipenak jasotzeko.

Lan istripuz hildako langileen kopuruak ez du behera egiten, aurten 50etik gora dira eta horietako asko azpikontrataturiko enpresentzat egiten zuten lan. Pasa den astean Gasteizko Michelin enpresan Ferroser konpainiarentzat lan egiten zuen langilea hil zen, bigarrena oso denbora laburreran. Sindikatuek salatu dute heriotza guztiok lan baldintza prekarioek eragindakoak direla.

[Eguneraketa, 2016-11-02, 21:30]

LAB sindikatuak jakinarazi duenez Albia eraikinean hildako 41 urteko langilea Sesman enpresarentzat egiten zuen lan, Construcciones Olabarrik azpikontrataturik. ELAk, bere aldetik, eskatu du administrazioaren inplikazio handiagoa eta "ikuskaritza neurriak hartu" ditzala halako kasuetan.

LAB, ELA, ESK, CGT eta STEE-EILAS sindikatuek bilkura egingo dute azaroaren 4an eguerdiko 12:00etan istripua izan den tokian gertaera salatzeko.

 

Kanal hauetan artxibatua: Lan istripuak  |  Bilbo

Lan istripuak kanaletik interesatuko zaizu...
2017-10-02 | Xalba Ramirez
Basaurin hildako langilearengatik protestak deitu dituzte

Ostiralean Basaurin hildako beharginaren lan-baldintza kaxkarrak salatu dituzte sindikatuek eta mobilizazioa deitu dute astelehenerako.


2017-09-20 | Hiruka .eus
Langile bat hil da Erandioko Cables y Alambres enpresan

Behargin bat hil da asteazken goizean Altzagako Cables y Alambres Especiales SA enpresan, martitzenean izandako lan-istripu baten ondorioz.


2017-08-23 | Xalba Ramirez
41 langile hil dira aurten Euskal Herrian

Astelehenean Karrantzan kamioilari batek bizia galdu zuen lanean ari zela. Azken istripu honekin 41 dira Euskal Herrian 2017an lan istripuan hildako beharginak.


2017-08-22 | Anboto
"Ez gatoz lanean hiltzera; soldata duin bat irabaztera gatoz"

Fumbarri enpresako langileek lanuztea egin dute astelehenean, joan zen ostiralean lan istripuan hildako lankidearen heriotza salatzeko. Beharginek elkarretaratzea egin dute, 12:00etan, enpresaren aurrean.


2017-05-31 | ARGIA
Bi langile hil dira Murgan eta Urretxun, bata elektrokutatuta eta bestea altuera batetik erorita

Asteazken goizean bi langile hil dira 9:00ak bueltan gertatutako bina lan istriputan. Bata Murgan (Araba) eta bestea Urretxun (Gipuzkoa).


"Hirugarren errailak" Europara ez, Ekialde Hurbileko basamortura garamatza

Astigarraga-Irun artean trenbide zabalera AHTra egokitzeko obretan izan dira berriki agintariak, eta argitu digute 2019an amaitu dezaketela “hirugarren erraila”. Ezagutu nolako eskarmentua duten lan hori egingo dutenak.


2017-02-14 | Axier Lopez
Petronorreko lan baldintza txarrak salatu dituzte larunbatean langile bat hil ostean

Muskizko Petronorrek azpikontratatutako Masa enpresako Antonio Benito Anido hil da findegiaren funtzionamendu orokorra aztertzeko etenaldian. Lan erritmo altua eta lanaldi luzeak –hamabi ordukoak– azpimarratu ditu langile batzordeak larunbateko heriotzaren harira.


2017-01-17 | Hiruka .eus
Sopelako Mec Mec pizzeriaren leihoak apurtu dituzte bertako "esplotazioa" salatzeko

Zapatu goizaldean, hilaren 14an, ezezagunek Sopelako Mec Mec pizzeriako leiho danak apurtu zituzten. Erasoa ohar baten bidez aldarrikatu dute hainbat ezezagunek. Hirukari helarazitako mezuan ekintza bere gain hartu eta joan den astelehenean enpresa horretako langilea "sistema kapitalistak eragindako prekarietatearen ondorioz" hil zela salatu dute.


Prekarietatea: janari azkarreko enpresetako lanaren parte eta ezaugarri

Gorlizeko Mec-Mec Pizzerian lan egiten zuen gazte bat hil zen urtarrilaren 9n, janaria motorrean banatzen ari zela istripu bat izan ostean. 2017an prekarietatearen ondorioz hil den bigarren pertsona dela salatu dute hainbat sindikatuk eta mugimenduk.


Bost minuturo lan istripu bat

Zifra hotz hori atera daiteke sindikatuek 2016ko lan istripuez egindako balantzetik. Ezbeharrek %9,5 egin dute gora eta 53 lagun hil dira Hego Euskal Herrian. Estatistika ofizialek “islatzen ez duten errealitatea” da, euren esanetan. Abenduaren 20an manifestaziora deitu dute.


Eguneraketa berriak daude