Laborarien krisia eta gu erostunok

  • Agro-janarigintzako indüstriek eta salgia handiek janarigeiak laborarier ahal bezain apal erosten deitze, haboro saltzeko eta mozkinen emendatzeko. Gure aldetik janaria merke nahi dügü, aski sos bara dakigün beste gaüza parrasta baten erosteko, zonbait aldiz beharrik gabe, eta moda güziak hortara bulkatzen gütü. Bizia kariotzen den arau, ogena beti janarier, sekülan ez hain kario den alojüari, etxegintzari, autoari, erregeier…


2016ko martxoaren 06an - 11:51
Asteroko merkatua Donibane Lohizunen. (Argazkia: Clementine)

Hola gabiltza, erreklamaren legepean, pentsamentüka handirik gabe. Europak oraiko krisan bere ogen partea badü, eta ez ttipia, bere liberalisma ütsüarekin, ekoizpena burrustan handitzera üzten beitü, adibidez behi ezne kuotak ezabatzez. Konkürrentzia onestik ez dü bermatzen, erresumen arteko legar eta kargak ez dütü bardintzera bulkatzen. Estatü elibat lazakeria hortaz baliatzen dira langile arrotzen apalenetik pakatzeko, laborantxan, kabale hiltegietan eta janarigintzan ere. Frantzia jokü hortarik kanpo dago bere kontrola zorrotzekin.

Laborantxako batarzün eta erakunte nausiak ere ez daude ogenik gabe, ahal bezainbeste ekoizteko züzena zaintzen düelarik eta laboraria bide hortan aitzina bulkatzen, ezin asezko merkatü batetan bagina bezala. Gisa horrez ekoizpena hantzen da, ekoizkin elibat soberan agitzen dira, eta beraz prezioak itsuski jaisten beste gaüzer konparatüz. Orokorki, ez ote gira laborantxa mota ximiko-prodüktibista baten bazterreala heltzen ari? Beti haboro ekoiztean ote da geroa? Ez direa kargak tinkatü behar, eta lehenik etxaltean berean, ximia eta zaldari gütiago sakatzez, biologia hobeki egariz, üztak aldizkatzez eta horien artean lüserna sartüz... ekoizkinen kalitatea bilatzez, Label-AOC-AOP sormarkak baliatüz… saltzapenetan parte haboro hartzez, kooperatibak hobeki kontrolatüz…

Bena gük, janari erostünek, etsenplü hona lehenik eman dezagün, eta bide xüxena marka, xenda berri horietarik dabiltzan laborarien kalitatezko ekoizkinak hobetsiz erosketen egitean, besteak beno karioxago direlarik ere. Gaineala ez dira beti karioago, bereziki ekoizleak xüxenka saltzen dütüalarik.

 


Kanal honetatik interesatuko zaizu: Laborantza
2024-04-30 | Euskal Irratiak
Ximun Fuchs: "Zorrez itorik peko errekara doan etxalde batean kokatzen da antzezlana"

"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.


2024-04-26 | Euskal Irratiak
"Frantsesenia lizeoak ber filosofia atxiki du 70 urtez, tokiko laborantzari loturik"

Frantsesenia lizeoa, 70 urtez Ipar Euskal Herria barnealdeko laborarien formatzen.


Ingurumenaren aldeko neurrien arintzea dakarren NPBaren erreforma onartu dute eurodiputatuek

Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.


2024-04-11 | Estitxu Eizagirre
Otxantegi Herri Lurraren II. urteurren jaia
"Otxantegiko lur emankorrak ezin dira porlan azpian geratu, arnasgunea izan behar dute"

Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]


2024-03-18 | Garazi Zabaleta
Nekazariak eskolan
Eskola ezin bada baserrira igo, baserria jaitsiko da ikastetxera...

Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]


Eguneraketa berriak daude