"Kultura herritik eta herriarentzat" aldarria Zarauzko 'Los 40 Summer Live' jaialdian
Bizi-bizi dago egungo turismo ereduari buruzko eztabaida. Ahalik eta jende gehien erakartzea asmo duen ildoari ertz askotatik heltzen ari zaizkio kritikak. Azkena, Espainiako Los 40 Principales irrati kate komertzial pribatuak, ostalariek eta Udalak sustatuta, Zarautzen antolatutako jaialdian bertan.
Zarauzko Udalak eta Zurekin ostalaritza elkarteak sustatuta, ‘Los 40 Summer Live‘ musika jaialdia egin dute abuztuaren 6an malekoian. Aurretik jaialdi berdina antolatu dute Ceuta, Marbella, Motril, Manga del Mar Menor, Mallorca, Tossa de Mar-ren, denak ere kostari lotutako ingurune turistikoetan.
#LOS40SUMMERLIVE musika jaialdia, #zarautz-en, abuztuaren 6an,Marlon,Maico,Bromas Aparte,Bombai,Ana Mena eta Efecto Pasillorekin. Ez galdu! pic.twitter.com/9NGGKG1sfR — Zarauzko Udala (@ZarauzkoUdala) 2017(e)ko uztailak 28
Jaialdi komertzial horren atzean dagoen kultura eta turismo ereduak kezkatuta herrian kritikak azaleratu dira. Horren erakusgarri, jaialdiko kontzertu baten erdian hainbat lagunek zabaldu duten pankarta: “Gure herrian arrotz, kultura herritik eta herriarentzat”.
"Zarautz erakusleiho izateko beste saiakera bat da hau: ez dakigu nola bururatu dakiekeen udaleko ordezkariei Marbellan edo Ceutan balio dezakeen forma berak gure herrian ere balio dezakeela, diote protestaren egileek zabaldu duten oharrean. Udalak herriko auzoko jaiak antolatzen dituzten auzokideekin liskarrak izan dituela eta jai herrikoak egiteko oztopoak jarri dituztela salatu dute. Hori dela eta, ulertezina egiten zaie "nola eman dakieeken Espainiako talde handi batzuei –guzti-guztiak espainolez kantatzen– halako plaza handia, herriko sortzaileak guztiz bazter lagata”.
Oier Aranzabal zarauztarrak ZuZeun idatzitako iritzi artikuluan jaso zituen horrelako jaialdiek sustatzen duten ereduari buruzko hainbat kritika.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Larunbatean Bilboko itsasadarrean burututako Red Bull Cliff Diving World Series jauzi lehiaketan egin zuten ekintzagatik zigortu dituzte Piztu Bilbo, Itzali MTV eragileko hainbat ekintzaile. Bederatziri Mozal Legea ezarri diete.
Apirilaren 26an Bilboko Etxebarrieta Anaien plazan egindako prentsaurrekoan aurkeztu zuen bere burua Piztu Bilbo, Itzali MTV plataformak. Hilabeteko tartearekin hitzartu garenerako, ostera, plataformak eragile izaera bereganatu duenez, aurrerakoan bere dinamika propioa eramango duela nabarmendu du bertako kide den Peio Ibañezek. Kolektibo ugaritako errepresentazioa duen taldea izanik, esan daiteke helburu berberarekin elkarlanean aritzeari neurria hartu diotela.
Gasteizko Mugimendu Feministak Arabako instituzioek “jai-eredu baztertzaile bat bultzatzen dutela” salatu du, aurtengo Azkena Rocken arituko diren 34 taldeetatik soilik hirutan emakumeen presentzia egongo dela gogoratuz. Bost puntu exijitu dizkiete arduradun politikoei.
EAEko kultur ohiturei buruzko 66. Soziometroak berretsi du duela hilabete Elkar etxeak eta Siadeco ikerketa taldeak argitaratutako emaitzak: euskaldun gehienek ez dute euskal kulturarik kontsumitze. Aldiz, kultura politika publikoen lehentasunetako bat izan beharko litzatekeela ondorioztatu du ikerketak.
Elkar fundazioak euskaldunon kultur kontsumoaren gainean egin duen azterketak harrotu ditu bazterrak. Harritzekoa, kontu zaharra baita euskal kulturaren egoera barnetik ezagutzen duen edonorendako. Berria, izatekotan, datu hotzek oraingoan izan duten oihartzuna izan da. Niri, bederen, ez zaizkit hain txarrak iruditu. Egiazkoak izatera. Euskaldunen %22,9 –180.000 lagun ia– euskarazko ohiko liburu irakurle? Zein isilik zeukaten euskal argitaletxeek!
Ni Elkar fundazioarekin bat:... [+]
Etxepare Institutuko zuzendari berria da Irene Larraza tolosarra. Aurrez, sei urte eman ditu bertan, bestelako arduretan. Etxea ongi ezagutzen du. Miren Arzalluzek duela urtebete hasitako bidea jarraitzea egokitu zaio, baina nahi luke, lan horretan, bere eskua eta egiteko moduak nabaritzea.
Lanean aritu arren, gehienek ez daukate soldata arauturik. Zergatik? Artistek bizi duten prekarietateari buruzko kongresua antolatu du EHUk ostegun honetan Bilbon. Prekariart jardunaldian artisten lan baldintzez eta haiek hobetzeko alternatibez ariko dira bi egunez.
2018ko azaroaren 4an, BEC nazioarteko musika komertzialaren gune nagusi bihurtuko da. Milioika jarraitzaile izan ohi ditu MTV telebista kateak urtero banatzen dituen Europako Musika Sarien galak, aurten Bizkaian izango da.
Ballet-koreografia bateko pausoa balitz bezala begiratu behar zaio Juan Ignacio Vidarteren adierazpen honi. Ondo kalkulatua, perfekziotik gertu.
Etxeko pertsona bat aukeratu du Etxepare Institutuak zuzendari kargua utzi berri duen Miren Arzalluz ordezkatzeko: Irene Larraza izango da Etxepareko zuzendari berria, 2012tik institutuan lan egiten du eta ondo ezagutzen du erakundea.
