Korrika: hogei edizioetako kanten bilduma

  • 37 urte igaro dira AEKk lehenengo Korrika antolatu zuenetik. Lekukoak egindako ibilbideen, leloen, abestien eta omendutako pertsonen errepasoa egin dugu.

Ane Eslava Serrano @eslavaane
2017ko martxoaren 29a

1. Korrika (1980)

Oñatin (Gipuzkoa) hasi zen eta Bilbon amaitu. Lehen Korrikaren leloa Korrika Euskal Herria! izan zen. Xabier Peña idazle eta irakaslea izan zen omendua. Rikardo Arregik idatzi zuen lekukoaren mezua, baina ez zen helmugara iritsi.

Abestia (Xabier Amuriza):

2. Korrika (1982)

Iruñetik Donostiara artekoa izan zen eta AEK, euskararen alternatiba herritarra; Korrika, herriaren erantzuna euskararen alde izan zen aukeratutako leloa. Rikardo Arregi omendu zuten, aurreko edizioko akatsa konpontzeko.

Abestia (Akelarre):

3. Korrika (1983)

Baionan hasi eta Bilbon amaitu zen. Leloa Euskaraz eta kitto! izan zen eta Gabriel Aresti poetari eskaini zioten.

Abestia (Egan):

4. Korrika (1985)

Atharratzetik (Zuberoa) Iruñeraino joan zen Herri bat, hizkuntza bat leloa zabaltzen. Piarres Lafitte euskaltzaina izan zen omendua.

Abestia (Lontxo Aburuza):

5. Korrika (1987)

Hendaiatik (Lapurdi) Bilborainoko ibilbidea egin zuen, Euskara zeurea lelopean eta Balendin Enbeita bertsolari eta idazlea omendu zuten.

Abestia (Oskorri):

6. Korrika (1989)

Iruñea eta Donostia arteko ibilbidea egin zuen eta Euskara Korrika eta kitto izan zen aukeratutako leloa. Jose Migel Barandiaran antropologoa eta euskaltzalea omendu zuten.

Abestia - Gu AEK-koak gara (Xanti eta Maider):

7. Korrika (1991)

Korrika euskara, Euskaraz Euskal Herria leloarekin ibili zen Gasteizetik Baionaraino. Remigio Mendiburu Korrikaren lekukoaren sortzailea omendu zuten.

Abestia (Irigoien Anaiak eta Mikel Erramuspe):

8. Korrika (1993)

Iruñean abiatu eta Bilbora egin zuen bidea. Leloa Denok maite dugu gure herria euskaraz izan zen eta Martin Ugalde kazetari, historialari eta idazleari eskaini zioten.

Abestia - Aide Korrika (Tapia eta Leturia):

9. Korrika (1995)

Donibane Garazin hasi eta Gasteizen amaitu zen eta Jalgi hadi euskaraz leloa zabaldu zuen. Mikel Laboa izan zen urte hartako omendua.

Abestia - Bizi ganoraz (Maixa eta Ixiar, Alex Sardui eta Kepa Junkera):

10. Korrika (1997)

Hamargarren edizioan lehenengo Korrika gogora ekarri nahi izan zuten. Horretarako, ibilbide eta lelo berak aukeratu zituzten. Alegia, Oñatitik Bilborainoko bidea eta Euskal Herria korrika! leloa.

Abestia - Euskal Herria Korrika (Gozategi):

11. Korrika (1999)

Hamaikagarren Korrikak 1+1=hamaika. Zu eta ni euskaraz leloa izan zuen eta Iruñetik Donostiaraino joan zen. Hamaika omendu zituzten: Jose Angel Iribar, Joxe Ramon Etxebarria, Pedro Miguel Etxenike, Maitena Araguas, Argiñe Iturregi, Laudioko ikastolaren sortzaileak, Euskalerria Irratia, Etxepe enpresa, Arantza udalerria, Mendia optika eta Maiatz editoriala.

Abestia - 1 eta 1 (Joxe Ripiau):

12. Korrika (2001)

Mundu bat euskarara bildu lelopean Gasteizetik Baionara joan zen. Euskal Herriko Bertsozale Elkartea omendu zuten.

Abestia - Big Beñat (Fermin Muguruza):

13. Korrika (2003)

Maulen hasi eta Iruñean amaitu zen. AEKrekin herri bat geroa lantzen leloa aukeratu zuten eta Ez Dok Hamairu mugimendua omendu zuten. Korrika berezia izan zen, Euskaldunon Egunkariaren itxierak eragina izan zuelako eta Nafarroako Gobernuak Korrika Iruñean sartzea debekatu zuelako, nahiz eta azkenean debekua indargabetzea lortu zuten.

Abestia - Gero bat gaurdanik (Mikel Laboa eta Ruper Ordorika):

14. Korrika (2005)

Euskal Herria euskalduntzen, Ni ere bai! zioen leloak Orreagatik (Nafarroa) Bilborainoko bidea egin zuen. Euskalduntzeko hautua hartu zuten pertsonak omendu zituzten, baita Andolin Eguskitza euskaltzaina ere.

Abestia - Ni ere bai (Afrika Bibang):

15. Korrika (2007)

Hamabosgarren Korrikak Karrantzatik (Bizkaia) Iruñerainoko bidea egin zuen, Heldu hitzari!, Heldu lekukoari!, Heldu elkarlanari!, Heldu euskarari!, Heldu herriari! leloa zabalduz. Euskal emakumeak omendu zituzten, euskararen transmisioan egindako lanarengatik.

Abestia - Heldu (Niko Etxart eta El Drogas):

16. Korrika (2009)

Ongi etorri euskaraz bizi nahi dugunon herrira leloa izan zuen eta Tuteratik (Nafarroa) Gasteizeraino joan zen. Euskara ikasi eta transmititu duten horiei eskaini zieten ordura arteko Korrikarik luzeena izan zena.

Abestia - Ongi etorri lagun (Betagarri):

17. Korrika (2011)

Trebiñutik (Araba) Donostiaraino joan zen eta Maitatu, ikasi, ari… Euskalakari leloa zabaldu zuen. Euskaltzaindia izan zen omendua.

Abestia - Pausoz pauso euskalakari (Gose):

18. Korrika (2013)

Eman euskara elkarri lelopean Andoaindik (Gipuzkoa) Baionarainoko ibilbidea egin zuen eta euskara ikasten ari zirenei eskaini zieten.

Abestia - Bagoaz (Esne Beltza):

19. Korrika (2015)

2015eko Korrikak Urepelen (Nafarroa Beherea) izan zuen hasiera eta Bilbon amaiera. Euskahaldun izan zen leloa eta Durangoko Azoka omendua.

Abestia - Denok korrikara (Oskorri):

20. Korrika (2017)

Aurtengo korrika Otxandiotik Iruñeraino joango da, Bat(z)uk lelopean.

Abestia - Zirkorrika (Xabier Zabala eta Uxue Alberdi):

 

Kanal hauetan artxibatua: Korrika  |  Euskara

Korrika kanaletik interesatuko zaizu...
20. Korrikaren amaiera: "Kolosala izan da"

Martxoaren 30ean hasi zen Korrikaren hogeigarren edizioa Otxandion, eta hamaika egun, 2.557 km, zazpi herrialde eta milaka korrikalariren ostean, Iruñera heldu zen atzo. Joseba Sarrionaindia idazlearen mezuarekin amaitutzat eman zen euskararen aldeko lasterketa.


Zoro zoragarri horiek

Munduan hizkuntza baten alde egiten den ekimenik handiena dugu Korrika. Milaka ume, nerabe, gazte eta gaztetasuna pilatuta dutenek egiten dute posible bi  urtean behin. Gehienetan jendetzaz inguratuta eta bestetan gauez eta bakarka. Eskurik esku dabilen aldarriak etenik izan ez dezan. Denak dira beharrezko. Eta halaxe erakutsi dute goizaldeko 5:25ean Nafarroako Erriberako Murillo de las Limas herriaren inguruan lekukoa eraman duten bi gazteek.


2017-04-07 | Kanaldude.tv
Korrika Xiberoan
MULTIMEDIA - solasaldia

Xiberoko euskaldun talde batek proposaturik, euskara eta korrika jorratu dituzte Kanaldude Zuzenean emanaldian.

Maite Davant eta Artzen Letona animatzaileek gomita andana bat izan dute beren aitzinean, besteak beste Bixente Claverie AEKko langile eta Korrikako zuzendaritzako partaidea, laugarren korrikan lekukoa ereman zuen Jakes Agergarai, musika eskolako Soisic Pino, bertsolaritza munduan ezaguna den Xan Alkhat eta abar. 


2017-04-07 | Ahotsa.info
"Nafarroan aldaketa euskararen egoeran ere eman behar da"
MULTIMEDIA - erreportajea

Korrika igandean amaituko da Iruñean, eta euskararen aldeko lasterkak aukera paregabea ematen digu Nafarroan gure hizkuntzak duen egoera aztertzeko euskalgintzarekin. Horretarako, Xabi Gartzia (AEK), Zigor Etxaburu (Kontseilua) eta Sergio Iribarren (Sortzen) euskalgintzako kideekin bildu gara Nafarroako Gobernuak bi urte hauetan eman dituen urratsak aztertzeko.


2017-04-04 | Lander Arbelaitz
バスク地方の少数言語保全に向けた世界最大イヴェント:ラ・コリカ

バスク地方は、フランス南部、スペイン北部に位置する。319[+]


2017-04-04 | Lander Arbelaitz
بزرگترین ابتکار درحمایت ازیک زبان در کشورباسک: کوریکا

شهروندان باسکی برای زبان مادری خود دست به فشرده ترین ابتکار خواهندزد. صدهاهزار در... [+]


2017-04-04 | Lander Arbelaitz
Најголемата иницијатива за поддршка на јазикот се одржува во Баскија: Koрика

На 19 март, жителите на Баскија ќе започнат масовна иницијатива каде што секоe место... [+]


2017-04-04 | Lander Arbelaitz
Nwikszi na swiece mslnk pdwższąjący jzk s dzeje w Kraju Baskw: Krrika

19 strëmiannika mieszkeńcowie Kraju Basków sztartëją z nôwikszim ùmëslënkã pòdwëższającym jich jãzëk. Ùdzôl w tim weznie trójba lëdzy, chtërny nawetka na sztót nie òdpòczną, cobë dawac so z rãczi do rãczi znankã baskijsczégò jãzëka. W czas ti rozegracjë, co mdze warała 11 dniów, 10... [+]


2017-04-04 | Lander Arbelaitz
किसी भाषा के पक्ष में संसार की सब से बड़ी पहलकदमी बास्क क्षेत्र में हो रही है

19 मार्च को बास्क नागरिक किसी भी देश द्वारा अपनी भाषा के लिए किये जाने वाली सब से बड़ी और... [+]


2017-04-04 | Lander Arbelaitz
Коррика: крупнейшая гражданская инициатива за родной язык - в Стране Басков

30 марта начнется Коррика - самая крупная на свете гражданская инициатива за родной... [+]


Azkenak
EGILEA
Eguneraketa berriak daude