Kobanê: "Munduko emakumeei zin egiten diegu lortuko dugula"
Kobanên (Kurdistan) Estatu Islamiarraren aurkako erresistentzia emakumeek gidatzen dute. YPJ Kobanêko komandanteetako batek, Gülistan Kobanêk, elkarrizketa bat eskaini dio Firatnewsi.
2014ko irailean Estatu Islamiarraren lehenengo erasoak jasan zituztenean, erresistentziarako aldarria egin zuten Kobanêko emakumeek. “YPJ-k bakarrik bizirauten badu ere, Kobanê ez da eroriko”.
Hitza bete dute orain arte. “Kobanê ez da erori eta Estatu Islamiarrak aurrera egitea eragotzi dugu”.
Emakumeak lehen lerroan
“Mentalitate maskulino nagusituari” aurre egiteko sortu zen YPJ. Komandantearen hitzetan, gizonek lehen ez zuten emakumeengan sinesten, baina beraien erresistentzia ikusita, borrokan dabiltzan gizonen “errespetua” bereganatu du YPJk.
“Ez hotzak, ez Estatu Islamiarrak, ez gaituzte geldiaraziko”, dio elkarrizketatutako komandanteak. Kobanê askatzeko operazioak aurrera jarraituko duela adierazi du, eta herri librea izango dela. “Munduko emakumeei zin egiten diegu lortuko dugula”.
Informazio gehiago:
Kobanêri buruzko erreportajea argitaratu zuen ARGIAk urriaren 26ko alean, Nerea Eizagirre Telleriak idatzita.
Ekainaren 23an Turkiako drone batek Kobaneko eskualdean bonbardaketa egin eta hiru emakume kurdu hil zituen: Hebun Mele Xelil, Zehra Berkel eta Emine Veysi. Kobane Herriarekin elkartasuna lantzen duen Durangoko Suargi elkarteak atsekabea adierazi du. Izan ere, hildakoetako bat,... [+]
Ehunka hildako eta ehunka milaka iheslari utzi ditu Turkiaren azken erasoaldiak Rojavan. Giza krisia handitu heinean, galderak ere pilatzen hasiak dira Siriako kurduen etorkizunaz.
Kurdistango Rojava eskualdean Turkiak hasi duen eraso militarrak kulturari ere eragin dio. Daesh beren lurretatik bidali eta gero kurduek martxan jarritako gizarte demokrata, berdinzale eta anitzaren zutabe nagusietako bat da kulturaren sustapena. Militar turkiarren mehatxuak... [+]
