Jolasa bertso jokorako gonbidapena izango da
"Ikuskizun bat ez, bertso saioa izatea" du ezaugarri aurtengo Bertso Egunak. 12 bertsolarik hartuko dute parte larunbat arratsaldeko Donostiako Kursaaleko saioan. Eguerdian kalean eta afaritan ere ez da faltako bertsorik. Sarrerak eskuratzeko aukera bada oraindik.
Egun osoko egitaraua aurkeztu dute gaur eguerdian. Hona hemen aurtengo Bertso Egunean arituko diren bertsolariak:
12:00 Donostiako kaleetan: Bretxan, Konstituzio plazan eta Ikatz kalean
Amaia Agirre, Iñaki Zelaia, Eneko Fernandez, Arrate Illaro, Xabi Igoa, Nahikari Gabilondo, Ander Elortegi, Unai Gaztelumendi eta Maddalen Arzallus. Saio bana egingo dute Bretxako merkatu kanpoan, Konstituzio plazan eta Ikatz kalean.
18:00 Ekitaldi nagusia Kursaaleko Areto Nagusian
Unai Iturriaga, Unai Agirre, Nerea Ibarzabal, Alaia Martin, Maialen Lujanbio, Aitor Mendiluze, Nerea Elustondo, Eneko Lazkoz, Onintza Enbeita, Sustrai Colina, Andoni Egaña eta Amets Arzallus.
21:00 Afaria eta festa Manteo kiroldegian
Bat-bateko saioetan arituko dira kantuan Jone Uria, Beñat Gaztelumendi, Xebastian Lizaso, Irati Anda eta Fredi Paia. Ondoren Bat-batean ikuskizuna eskainiko du Oskar Estangak.
Telebistan eta interneten ikusgai
Arratsaldeko saioaren zuzeneko emankizuna egingo du www.bertsoa.com atariak. Eta ETB1 katean ikusi ahalko da osorik 22:00etan.
Sarrerak salgai
Afaritarako bada nahikoa sarrera oraindik eta ekitaldirako 500 sarrera gelditzen dira. ostirala bitartean www.bertsosarrerak.eus helbidean erosi daitezke. Sarrerarik gelditzen bada egunean bertan arratsaldeko lauretan zabalduko da Kursaaleko leihatila.
Gipuzkoako Bertsolari Txapelketako sailkapen fasea hastera doa: 20 saio jokatuko dira, bi itzulitara. 74 bertsolari ariko dira kantuan, eta horietatik 48 sailkatuko dira bigarren itzulirako; udazkenerako txartela, aldiz, 34 bertsolarik lortuko dute.
Gasteizko Printzipal Antzokian izanen da Arabako Bertsolari Txapelketaren finala, 17:30ean. Ez da inoren estreinako aldia izango finalean.
Ainhoa Urien, Onintza Enbeita, Sustrai Colina eta Xabi Igoa izango dira taldean, Batzar Nagusian bazkideek bozkatu eta onetsi ondoren.