Jaurlaritzak 1,5 milioi euro emango ditu Gernikako Astra sormen lantegi bihurtzeko
Gernika-Lumoko (Bizkaia) Astra arma fabrika zaharra zaharberritu eta Sormen Lantegi bihurtzeko proiektuak Eusko Jaurlaritzaren laguntza ekonomikoa izango du.
Blanca Urgell Kultura Sailburuak atzo bisitatu zuen eraikina eta bisitaren ondoren hedabideei igorritako prentsa-oharrean adierazi zuenez, “estrategia aldetik, funtsezkoa da euskal gizarte osoarentzat, neurriz egindako inbertsioen bidez pabilioi industrialak eraberritu eta erabiltzea, era horretara, sortzaileek eta kreatzaileek eurek kudeatuko dituzten guneak erabilgarri egon daitezen”.
Astra eraikina Gernika-Lumoko Udalarena da gaur egun, baina 2005ean herriko Ieup! gazte asanbladak okupatu zuenean, jabetza pribatukoa zen artean. Desalojo baketsuaren ondoren, 2006an erosi zuen Udalak; gero, prozesu parte-hartzailea abian jarri zen herritarren artean fabrikaren barruan egin beharreko jarduerak eta antolamendua adosteko. Prozesua martxan zegoela jakin zuten Astrako koordinadorako kideek Jaurlaritzaren planen berri: Bizkaiko Foru Aldundiak defendatzen duen Urdaibaiko Guggenheim berriaren proiektua baino, nahiago zuela Sormen Lantegiak bultzatzea, tartean Astra zaharberrituz. Ibilbide horretan aurreneko urratsa eman du atzoko diru-laguntzarekin.
- Irakurri 160. Larrunen Leire Lopez Ziluagak Astraren prozesuari buruz idatzitako artikulua: Astra, esperientzia parte-hartzailea.
Muruetan 32.000 metro karratu erosteko asmo dauka Bizkaiko Diputazioak, besteak beste Urdaibain Guggenheim museoa eraikitzeko.
Urdaibaiko Guggenheimen proiektua bi urtez etengo dutela iragarri zuten urtarrilean Lakuak eta Bizkaiko Aldundiak, baina museoa eraiki ez dadin borrokan jarraitzen dute ekintzaileek. Futuro Vegetal aktibista klimatikoen azken ekintza eta Guernica Gernikara taldeak antolatu duen... [+]
Ghana, 1823. Ashanti Inperioaren eta britainiarren arteko lehen gerra hasi zen. Guztira lau gerra izan ziren bien artean, eta gatazka 1901 arte luzatu zen. Lehenago, europarrek herrialdeko Urrezko Kosta kontrolatzen zuten. Baina 1807ko esklabotzaren abolizioaren ondorioz,... [+]
Busturialdea eskualdeko hainbat alkate eta zinegotzi bildu ditu EH Bilduk Gernikan emandako prentsaurrekoan. Idurre Bideguren senatariak adierazi du neurria EAJren “kudeaketa eredu zaharkituaren beste adibide bat” dela.